小小分享：
在下之前因為手痲痺去過睇物理治療，物理治療師認為我無受傷，但係頸膊頭手臂d筋好緊，叫我要多拉筋。
物理治療師建議我買呢d運動膠布用，十字形貼響前臂，話可以support下，人地做運動先貼，叫我平日都貼一下，隻手會無咁痛。佢俾左d我試下，試過貼兩三次，個人認為都有效，係無咁唔舒服既。
咁但係好貴嘛，我就問過物理治療師咁貴果d同平價果d有咩分別，買平果d得唔得。佢就話，其實平果d都可以，貴既係貴在人地有專利，會比較防敏感，貼住可以照濕水沖涼，用布抹乾千萬不要用風筒，可以隔一日先meet走。而平果d彈性都差不多，就比較容易有敏感情況，但係用完就meet其實都係好短時間，因應皮膚情況ok的話都可以用的。最重要係留意番，呢d膠布應該會有適當既彈性，同埋有螺旋紋for血液循環。
btw, 我雖然用左佢俾我貴果隻膠布，但係我第二日一樣有少少敏感情況，所以之後都係貼一日就算了。
以上係我小小經驗，希望幫到大家~ ^^
如果想知道物理治療師教我手臂痴膠布方法可以pm我，我再詳細講番，謝謝。
