|
資深版主
 
有球品, 無球技 - 帖子
- 2985
- 積分
- 7162
|
1#
大 中
小 發表於 2008-10-14 18:55 只看該作者
【自助餐】Courtyard Marriott 下午茶, 正!
剛於四月先至開業, 嚮水街行落去海皮既 Courtyard Marriott Hotel. 屬四星級. 今日同女友一齊黎一試佢既下午茶buffet..........時間係 1點食到5點. 問你死未!
大門唔算係好豪華, 亦唔會啦. 都係四星級咋
望上去就係水街. 次次經過呢度都想起 "黃成記" 飯店
入到去酒店大堂. 雖然唔大, 但係設計就好新潮. 唔似一般既酒店!
上到去二樓就係今日我要去試既 MoMo Cafe
呢個下午茶buffet, 要預早兩個星期訂位先至得.
餐廳既裝修好舒服. 好光猛. 而且Waiter waitress態度一流, 好好禮貌
Open Kitchen, 又係一個好好既感覺. 比客人覺得呢度好乾淨. 整齊
檯面擺設都OK, 未食野就先黎一杯Smoothy Pineapple juice.先
開左胃就要行出去睇下有乜野食. 有中式餃子, 蒸飯, 粥, 碗仔翅等等
其他熱食都唔算係好高檔既食物, 都係炸排骨, 雞翼, 薄餅等等.
冷盤都唔錯, 要一讚既係Caser Salad.
沙律黎計, 呢度款式唔多, 但係每一款都做得好有水準, 唔係求其比人食.
有天婦羅添! 我最鍾意食既冬菇, 青椒, 同埋茄子天婦羅呀!!
天婦羅黎計, 我多多都食得晒, 我出左去足足六七次
再黎多個炸蝦天婦羅. 嘩!! 咁就滿足晒啦
甜品時間到啦........講真, 四個鐘頭, 邊度食到咁耐丫.....
呢隻唔知係乜, 不過好鬼好食.
呢隻就..........因為要留返Quota, 所以唔食
睇一間酒店既buffet係咪有心機做, 就要睇甜品啦.
仲有得玩朱古力fountain, 因為之前比人玩壞左, 所以今日只可玩呢隻.
我都整左幾粒朱古力生果. 當然係士多啤利啦.
生果換得好密, 唔怕你食. 真係幾大方wor!!!!
有時個人累累地, 嚮一個星期六既下晝, 以百零蚊, 坐返幾個鐘, 食下小食, 嘆一下, 都幾好. 而且價錢又唔貴. 食物款式唔算高級但係做得幾美味. 服務態度至為重要. 有禮貌之餘, 笑容都好好. 每位 $128 +10%, 匯豐咭有折. 所以真係唔錯!!!!
[ 本帖最後由 防守王 於 2008-11-28 11:22 編輯 ]
|
