Richard888

呢D係我的親身經歷, 朋友界紹我到小X會打波, 我想個仔同多D吾同的人打吓比賽, 學吓嘢, 又吾貴, 咪一齊玩吓囉. 個主持人好有領導才能架, 成個教主咁, 集合埋D家長做義工, 又訂場又幫手招人, 我地D家長好似被佢洗咗腦咁, 個個都聽佢點, 佢就人工都慳番.
原本填報比賽D資料, 未得我地同意就無啦啦變咗佢個會D會員, 跟住教主就周圍同人講佢個會有幾百個會員, 咁咪越做越大囉. 我都相信好多呢D球會, 開始用好平的價錢, 講到自己幾有熱誠咁搞個平台比大家, 做做吓就會變質架啦, 因為見到財路嘛. 搞比賽賺錢, 搞自組青苗又賺錢, 搞章別筆試仲賺錢, 你地唸吓啦, 真係無錢賺會為咗興趣搞咁多嘢咩?
如果人地擺明揾錢, 我都覺得好正常, 但咁樣揾錢手法好差囉, 成日話其他球會點衰點衰, 自己就為大家家長好. 我覺得自己好似我老婆比美容院氹一樣, 奉勸大家揾球會時要小心D, 聽多D意見, 無為因為打波搞到一肚气啦.

Richard888

日久見人心, 遲D你就知, 勸你吾好為咗小小甜頭就比人利用, 為你好咋!  

Richard888

引用:

原帖由 Suki 於 2016-6-4 01:15 發表

老師：

1）我請你48小時內在論出一則聲明⋯⋯《道歉》，可以用回Richard888的a/c！（可能大家溝通出了問題）

2）自行刪了這帖！

現在是6月4日⋯⋯01:15！

哦……….自己認係小X會, 即係我講的事情有做過啦, 叫我道歉? 應該係小X會對未得到同意便入咗會的家長道歉就真. 睇來好多上上下下都係利益集團份子. 利用呢個平台來賺錢. 重可以叫人除時刪除對自己不利的言論, 即係呢個平台都係得益者啦.
唉!!!! 打乒乓波的人,品流咁複雜, 睇黎都吾應該比個仔繼續打, 是非又多, 教練同球會為了爭利益, 各出其謀, 不擇手段, 個個口中都好偉大. 又話D家長為了1兩分同人嘈, 又報警, 又嘈交, 打Tennis 好過啦, 起碼玩的人都高尚D.