super_phoenix

各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

十萬轉vs零轉

唔好同佢鬥快, 以轉剋快

monkey330

引用:

原帖由 十萬轉vs零轉 於 2014-7-5 22:11 發表
唔好同佢鬥快, 以轉剋快

咁十萬轉咁轉,應該點打

李劍峰

十萬轉咁轉,轉身走,唔洗打

super_phoenix

我今晚都係，但係一拉起佢頂完又變快了

葉師傅

以慢制快;唔係唔快;適當地快;有慢有快 .

[ 本帖最後由 葉師傅 於 2014-7-5 23:51 編輯 ]

速鳥

我見過位香港快攻球手對個日本小朋友，頭幾球快到個日本仔睇都睇唔到，個日本仔就記住快攻手的出球路線，每板波的落點位置，跟著唔洗講，每球都一早企定，檔檔檔，所見招數用晒，日本仔贏了。

super_phoenix

防到就係的，一到比賽就手緊到死

cheungwahlee

理論歸理論,始終都要多的參加比賽,
累積經驗,快中慢對手都對過,自然
就懂得應對了。

super_phoenix

謝謝各位球友教路，希望下次可以解決對快的小朋友呢個問題

davidlai0426

以拉球去控制對方的速度，這樣做有以下兩種情況：
1. 拉出的球如果對方快推，以慢拉(快帶)還擊，關鍵在於對手推球是長或是短；
2. 拉出的球如果對方慢推，若來球較短，以快拉還擊；若來球較長，以怏拉(加轉)還擊。
以上是小弟愚見，有望指正。謝謝。

friendlybrother

引用:

原帖由 super_phoenix 於 2014-7-5 10:10 PM 發表
各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

網友Super_phoenix，

若果對手打出來的球太過快，你不能跟得上，最好就是避免和他鬥快，因為快是他的強項。

要阻止對方快，首先你自己開波的時候要開慢波，以發重下旋短球去阻止對手以快攻手段打回頭。千祈唔好發無轉或上旋，因為對手好易抽過來。若果對手不能以快攻手段打回頭，只搓回來，你就要把握機會搶拉，令到對方只能被動的擋，他被動的擋肯定不及主動的快攻的球速咁快，你就以連續拉及落點取勝。

戰例：當年的快攻手江嘉良及劉國樑，就是被華拿以下旋球成功阻止以快攻手段進攻，他們只能拉小弧圈球吊起個下旋，由於球速不高，往往被華拿反衝。

若果是輪到對方發球，對方可能會故意發急長上旋球給你，以制造機會和你鬥快攻。你在近台，若果身體反應唔夠佢快的話，你可以預先退後一步，就可以大大增加反應時間，你就要把握機會搶拉，令到對方只能被動的擋。

若果對手發短球點算？咁你得米啦，對手發短球肯定是慢球，佢自動放棄自己打快攻的優勢。

若果對手在被動的情況擋你的弧圈球，強行發力以加力推擋回來，又如何應付？

你可以拉有轉無轉及以落點變化去控制對手，你不用怕啦，佢亂咁發力打，一定會有好多失誤，盲目送分給你。

你本身已是兩面反貼，你轉做橫拍基本上無幫助你解決問題，可能你根本的問題是直拍的反面只是裝飾，你沒有練橫打。但是，你轉做橫拍，只是握拍方式改變了，是不會自動送給你反手進攻技術，你的問題不單止依然存在，甚至要額外浪費時間去適應橫拍握法。

轉用長膠有利有弊，首先你轉用長膠，是不會自動送給你長膠進攻技術，你的問題不會立即自動解決。若果每個球員都因為唔夠人打，就轉用長膠，就可以由輸變贏的話，咁個個都去轉用長膠啦，咁係唔係會保證一定會贏呢？到頭來又係要以技術取勝！

其實你既問題有兩大個：
1. 以下旋戰術阻止對手快
2. 增強反手的進攻能力

atcf

今晚好多高手在此過招，得益不少

乒乓在線

華拿的前衝勁勁勁

Sir_Wong

引用:

原帖由 super_phoenix 於 5/7/2014 22:10 發表
各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

對付快鎗手,請參巧以下方法:
1. 發重下旋短球
2. 接發球準備對手衝你 正手 中路 反手 必有一路較弱 集中火力 攻其短  避其長
3. 學反手擰球 枱面反攻
4. 學下蹲式發球 增加發球本錢 搏對手唔適應
5. 明知對手比自己強, 要練發球搶攻,攻勢由自己引發, 進攻是最佳的防守, 不是望贏只望分數拉近.
6  如對手發短球, 要練接發球搶攻
7. 平時要練發 '白邊球' , 贏左講句'SORRY' 唔中白邊 這球都唔易接, 練得好 發十球中一、二球白邊
凡搶攻都要全力狂打, 搏兩球中一球都有化算, 起碼有五分, 唔攻可能得一兩分 !