TurboZ

日直在民間重有生存空間, 見好多有番咁上下球齡的高手左推右攻已經殺晒, 唔理你橫板定橫打, 只要正手夠爆就足夠KO對手。但上到高級d 既賽事就好難講, 正手爆沖一招已經唔夠用, 要講求全面, 正手強反手弱的日直始終較為輸蝕, 除非技術同體能都好過對手, 否則凶多吉少。

睇番咁多界奧運金牌, 6 界中有兩界係日直, 兩界係中直, 兩界係橫板, 三種打法出奇的平均, 而且5次係亞洲, 只有1次歐洲人攞, ITTF經常改例想整死中國, 點知殺錯隔離, 令日直幾乎在國際大賽中消失, 最可悲的是連發源地日本都早就放棄了。

又難怪冇乜新人學, 買塊似樣d 既日直都要過千, 開頭重好難打得出乜嘢成績, 相反橫板的確係易上手好多。其實中直都有隱憂, 如果唔係劉國樑, 換一個打橫板的做總教練, 相信中直前途都不敢樂觀。有說王皓手骨異於常人至打到橫打出神入化, 普通人好難可以去到佢既水平。

TurboZ

當年國際乒聯改大球及禁無機膠水後, 日直殺手鐧的大力爆沖已無可避免地受到直接影響, 到今年七月再改塑料球時, 乒乓球尺寸將進一步限定在40mm以上(現在賽路路球普遍都略小於40mm), 這只會對追求力量與速度贏波的日直雪上加霜, 未來想再產生新一代日直世界冠軍恐怕會更加困難。

不要說日直, 就是中直也令人擔憂, 直拍橫打雖然能把直拍生命延續, 但一個王皓之後似是後繼無人, 許昕主攻正手, 橫打以一兩板突擊為主, 少有打相持, 直拍的反手問題仍然存在, 難以有壓倒性優勢, 年紀大了步法稍慢也不成, 馬琳退役, 王皓也不遠了, 許昕獨力支撐直拍大局連劉國樑也不樂觀, 希望王皓他朝當上教練時能積極培養出一批新一代世界級的直拍選手吧。