我＝新手

唔係話打直板會容易處於被動
被唔被動係心態問題只要心態被動
打咩板都會係被動
但直板唔係應該要盡量前三板解決咩？
如果打直板嘅時候唔果斷起手
一直拖落去
橫板係咪比直板好啲
即係如果唔搶攻
穩中求變
唔會成日放膽博殺
最緊要到檯
橫板係咪比直板更加適合

[ 本帖最後由 我＝新手 於 2021-8-16 13:38 編輯 ]

y0y0_pang

咁我諗師兄係咪講緊既係直板防守技術比橫板無咁好呢？

阿文

師兄你真係講得到 Point, 不能同意更多。

y0y0_pang

我自己都係打直板，我既得著，其實正手係威力大，但同時都對腳法既技術要求大。
因為直板一定係正手主要搶攻得分位。

至於師兄所講既放唔放膽博，直板，橫板都係要放膽進攻。之不過係需要有第二板作準備。
而且到唔到枱，直板橫板都要需時講求到枱的

阿文

少少分享，我係橫板轉直板嘅。
厡因係橫板唔夠人拉，一相持就輸。

打咗直板係好啲喎~ 因為前三板易攻咗，近枱防都覺得易過橫板。
不過新手兄又不仿改橫玩吓啦，打波總有實驗性質。

可能你會喺橫板揾到一啲啟發都未頂呢

加油~~!

我＝新手

差唔多啦
握板方式決定咗直板比橫板靈活
所以近台直板會相對好啲
但係退台防守嘅時候
發揮唔到靈活嘅特點
咁打直板如果發揮唔到直板嘅特點
仲應唔應該打直板呢

[ 本帖最後由 我＝新手 於 2021-8-16 14:05 編輯 ]

我＝新手

點解嘅

garytang2018

直板反手有推擠切彈吸扣，學齊未先？橫打會簡單化反手技術，大流就係簡單化。正手有快點快帶拉沖前衝扣加轉高吊。就算學齊唔食發球大有人在，就算第一局食，跟住都開始唔食。唔好睇許昕住，睇咗郗恩庭郭躍華當日做咗咩先啦。

loop自己既諗法其實係想人吔講返自己既意見。

譬如話直板靈活，其實直板有大鉗握法，限制腕活動就唔知有幾靈活。

[ 本帖最後由 garytang2018 於 2021-8-16 14:19 編輯 ]

我＝新手

大鉗握法係為咗加大力臂而降低靈活？
但即使係大鉗都仍然比橫板靈活？

[ 本帖最後由 我＝新手 於 2021-8-16 14:32 編輯 ]

garytang2018

係因為032有啲拍肩太寬，但咁樣大路球會好啲，但重點唔係離度。有句博主講既我好認同：武功其實無分高低。
你可能鐘意慢食，唔點主動起板，咁你要有拉一板轉既弧圈能力。而且對於各類古怪手法球質都要了解，唔係又要慢食又要分唔到對方球質，仲點樣打？
唔係就練捷徑攻略，唔理對方係咩人，恃後生砌塊碳板加內能反胶。發球拉打只打兩邊白線。有啲年紀好難球球回好。

[ 本帖最後由 garytang2018 於 2021-8-16 14:36 編輯 ]

我＝新手

所以根本唔關直板橫板事

garytang2018

上古謝賽克左手正胶單面一上離一輪猛攻，但比分未見拉好開；現代馬龍奧洽一輪來回，仍然難分勝負。起手先其實唔代表真係攻咗先。主要係起手時，終止對方攻勢，自己掌握控線權，攻敵之不得不救。再伺機大板~

[ 本帖最後由 garytang2018 於 2021-8-16 14:43 編輯 ]

garytang2018

38mm變40+abs並唔成為同樣技術不能使用既原因。如果38mm變40+abs係一切，咁應該直接取消直板。譬如好多師兄話正胶發唔轉，結果仍然發到轉；純木板唔得，一定要碳，結果純木使用仍然有一定速度。當然唔跟大流係條窄路，咁闊路當然丟咗直板，龍5橫板上狂飊(海上明月灌3次)就夠闊。

[ 本帖最後由 garytang2018 於 2021-8-16 16:27 編輯 ]

Kenixting

引用:

原帖由 我＝新手 於 2021-8-16 14:39 發表
所以根本唔關直板橫板事

緊係啦。唔通你打橫板就冇頭3板咩

我＝新手

所以都係應該練多啲波
提升命中率
好過轉嚟轉去
反而又要重新適應

garytang2018

正胶先要有個模仿對象，然後慢慢將適合的為己用；又新舊器材使用方法唔一樣。如果係碳板加內能正胶，王增羿係唯一直板模板。

我＝新手

我用純木加非內能

我＝新手

點解呢

garytang2018

純木推擋睇陳龍燦打劉國梁會清楚啲，就算睇sword快攻龍視頻都係唔清楚，做得太快。但快點快帶sword快攻龍視頻睇得到。莊則棟雙魚視頻可學反手彈。

雙魚視頻有莊則棟小跳步，重心腳起跳落地轉腰轉足踝轉重心可學，但實戰作用唔大（三急法得佢做到），但會明白點樣唔展臂都可以打出速度，學發力。

當然又會有人話落後，但原型就係咁。

可以直接學王增羿，學碳板上水星pro或者vo103，正手正胶對拉，後面反胶橫打，咁就上時代。

[ 本帖最後由 garytang2018 於 2021-8-16 17:39 編輯 ]

garytang2018

而且講過純木6夾或者6木2碳會易上手，5夾7夾唔好吸，做手腳無6夾好。就算032構造我覺得都係無6夾打顆粒好。但6夾都係快消失既產物……至於椴木定柳安定阿由斯，我覺得木材都係無夾數重要。而且柳安力材使用其實係有少少issue，係屬於純撞純磨不能，會花好多時間適應，無果種初學就上手既爽。當然習慣咗就ok。
又內能顆粒我覺spinlord內能控制速度同特色比較平衡，傳奇802未開賣唔知點，其他內能係轉同快但虛彈，我自己就唔係好慣。新既victas d同s系列唔知道。

要講係咁多，跟大流定逆水行舟自己諗囉。

[ 本帖最後由 garytang2018 於 2021-8-16 17:54 編輯 ]