garytang2018

以小無相功強練逆筋經，大難以危在旦夕………

garytang2018

幾個point:（單面正胶）
1。正胶材料要橫向柳安、椴木，咁正胶就天然好控、沉。雖然軟碳都沉，但球既弧線較平直，對手易對點；
2。5夾除咗032構造，其他都唔沉；就算用咗椴木，沉都唔夠快同力。7夾非橫向大蕊可控，但撞擊力量少於橫向大蕊。又橫向大蕊7夾唔好吸，易硬彈出枱，相反非橫向大蕊7夾吸幾好。最適合正胶構造仍然係032構造同6夾板；

[ 本帖最後由 garytang2018 於 2021-5-22 12:33 編輯 ]

garytang2018

3。正胶生胶沉既重點唔係軟硬同胶粒，而係發力。正胶用「加速制動」一定沉，但實戰好難用，除非你似莊則棟，做人好急又習過武，天生神力，咁就可以配合「三急法」球一上枱就打。只要胶皮夠唔食轉，真係有優勢。但因為不可複製，所以就出現拉打型，即江嘉良、陳龍燦同劉國樑。江嘉良用652提拉加突擊，用652撇拉都用埋；陳龍燦年輕正手提拉，年長拉搓推正手高吊扣結合。劉國樑發球同有無轉回球結合。用既板都不盡相同。江用6夾順風50，陳用7夾08，劉7夾黑標cl。

garytang2018

意思係戰型同球拍同發力缺一不可，如果選板諗住快同沉，好快就俾內能大軍打到信心盡失，最後會話正胶打壞手或者正胶過時，起碼要用tenergy……

garytang2018

離啲貴，淘palio p032啦

或者淘銀河老896，得返幾塊

Tibhar numbus就得，但直拍柄好似都係要淘……

garytang2018

仲有離似結構既，流星LT01 或者銀河D606，不過都要淘。流星重新開廠，淘就見到。銀河D606係特制，仲有D208彷08，D56仿順風50，不過已經賣完。我自己就係用palio p032(仿032)同銀河老896（新版5夾，要搵舊版，得返幾隻）。

[ 本帖最後由 garytang2018 於 2021-5-22 14:10 編輯 ]

garytang2018

嫌煩就求其搵塊碳板都得，有啲師兄話仲可以用正胶拉球添。不過用碳回球路線平直，無論沉唔沉，對方都好對點。而且搓無轉搓飄效果唔好，暫時碳拍最好係用palio a4配流星575（舊版，而家改大咗胶粒，效果得8成）。唔食轉，球暴快，不過搓無轉搓飄效果一般，係大路球快同沉（因為打得穿球心）。「力貫球心」係所謂「舊理論」，好似英式桌球，打落個球心到，個波就無轉咁直去對手枱面又唔彈起，對反胶使用者會覺得好難受。王濤就係咁彈死金澤洙。

garytang2018

再提下樓主，德國內能正胶只係易上手、易打，但要打出傳統正胶特色一定要made in china。沉飄無轉快等等，內能都做到，但有上限；made in china就睇個人手法同體力，比較無上限。不過純made in china係窄路，中間有好多挫折，慎入。如果只想拉打一下，仲係推弧圈板碳板加內能正胶會比較爽。

[ 本帖最後由 garytang2018 於 2021-5-22 17:06 編輯 ]

garytang2018

咁不如用埋vo 103求速度力量旋轉，用傳統非內能非灌好似652／651，絕對係買難受。真係非常鐘意用傳統，閃靈2都可以，生胶但打落似彈啲既652。橫打用埋rozena，應該好快。

garytang2018

應該係橫向好啲，長中短粒都係要咬球，阿尤斯弧圈七夾因為材質有種遲出球感，好似咬球，但入咗彈唔出，即係打上離覺得顆粒唔夠挺，手感唔清晰。橫向入得去彈得出，而且彈出有加成，但相對變成唔好吸，如果用802會變得易食側旋。6夾適合打顆粒係因為攻守平衡，天生有吸球，但打反胶只能出8分力，用十分都只會出8分力，即打反胶一般。

garytang2018

有人話用傳統木板會覺得木板教你打波，之前我唔信，而家我信。用過就知有啲動作唔咁做係過唔到枱。用現代木板弧圈板，反手一撞擊推擋就過網；如果用651配老032，會好易落網。都係果句，想拉打一下，直接碳板加內能正胶加橫打，搞惦。

[ 本帖最後由 garytang2018 於 2021-5-23 11:10 編輯 ]

garytang2018

要講究係有，但巿面6夾根本好少，因為反胶唔好打。而我試過palio a4(6木2碳)、palio energy06 、palio a1、銀河老896、tibhar nimbus，都無理佢橫定直，打正胶都ok。

garytang2018

完全唔關事。薄板無力?palio a4 有單面反手彈爆龍5狂飊橫板乙組紀錄。厚板有力?越厚我越打唔郁，我天生乜無力。其實應該係板厚儲能越多，無力就打唔郁，因為傳遞衰減。

garytang2018

傳奇802值得期待，不過到而家都未見有賣。