大家冷靜D......
首先, 報唔到名呢個問題...., 唔止乒乓球. 好多運動都發生, 例如.....渣打馬拉松. 咁其實乒總有佢難處, 雖然我唔係乒總人.
1. 只要你按章程報名, 佢唔可以任意取消人地參賽資格, 乒總唔同網友, 即係其實唔係佢話點就點, 你憑什麼, 可以決定相似球名係同一個球會? 目測? 人地死口唔認, 咁點? 你識投訴, 比人取消資格既都識, 你既投訴, 你講唔出佢地違返左什麼章程, 但係, 乒總取消佢地資格, 即係取消好幾隊按章程報名合資格既球隊, 我想問題仲大.
今年寫左既章程, 只可以按章程而行, 不能隨意取消隊伍.
2. 老實講......, 其實任個機構, 青少年一定係重點培訓, 成人業餘組別, 一定係體育總會次要既項目. 其實乒乓球相對其他運動, 比賽已經非常多, 區賽, 乒總賽, 仲有其他什麼社區中心, 工聯會......, 乒乓球本土賽事, 其實已經比其他多.
3. 其實反問大家, 參加乒總比賽既意義是什麼先? 如果真係好想打, 對不同球員, 咁其實呢個網既乒超聯, 個個星期都有得打啦, 如果為乒總績份, 咁對青少年運動員既意義比成人更大啦........
4. 其實明年, 如果想更公平點, 不會一個團體, 因為先到先得, 而報左幾十隊, 可以參照買樓既辦法,
I) 抽籤.
II) 現場報名, 一個人, 一張身份證, 一個位, 只可以報一隊. 咁你要報23隊, 那就找23個人通宵排隊.
