引用:
原帖由 nicole717 於 2016-3-23 10:37 發表 
我之前無表明, 事實我的出發點都係想小朋友開心，堅持毅力去培養興趣為目標，因為都怕佢3分鐘熱度。
已經問過身邊不少家長, 普遍都係康文或學校請回來的外判訓練班, 學校的師生比例1:10, 跟本每人都打唔到10分鐘, ...
其實呢度可以分開幾樣嘢黎講
"堅持毅力去培養興趣為目標"，運動係可以做到呢一點，但好多時候要建基於達到某一水平，再不斷鍛鍊自己，尋求突破，預左要辛苦，付出。除非真係自己人，否則無人會講到底成功背後付出左幾多，反正本來都冇必要同人講。
"想小朋友開心" & "3分鐘熱度"，其實小朋友專注力本身有限，3分鐘熱度係必然既事。半個鐘?一個鐘?兩個鐘?三個鐘?一星期一次?兩次?三次?日日練? 其實所有都係練番黎儲番黎。最初階段首先一定要家長堅持，唔好怕小朋友辛苦，亦唔好唔比機會佢試下吃苦，因為就算到之後階段，佢都一定要付出。
至於開唔開心，老實講小朋友心態就係玩就開心，辛苦比人鬧就唔開心; 所以首先辛苦付出既，贏波開心就繼續練落去贏落去，玩玩下既好快就發現落後於人，然後只有放棄或者加倍付出 (即係更辛苦，但亦大有成功例子)
只係想講，要好清楚作為家長心態係點先。要純粹強身健體，跑步游水可能仲黎得簡單方便; 球類運動無可避免要同人競爭，但呢點亦係呢項運動本身既目的。人就係透過不斷鍛鍊先會成長。希望作為參考可以提供到少少意見。
