時雨

其實我好多年之前都砌過一塊咁樣嘅閃光5， 今次再切嘅原因係因為最近又打返乒乓波， 進入40+嘅年代唔知自己手上面啲嘢啱唔啱用， 所以不斷咁上網睇架撐， 俾我睇到塊日式直板 Nittaku Miyabi 雅 Round (下稱雅), 對比之下原來同快閃光五幾乎一樣size 只係長同闊各差1mm

打得兩邊膠就梗係會橫打㗎喇， 但係我嘅橫打水準只係用於過度，或者離台反拉， 主要嘅反手處理都係推擋，推攻。 睇返近年嘅直板都比較薄 ， 推起上嚟嘅感覺， 都唔及我細個用過嗰啲乒乓波板， 所以上網一見到果塊雅， 即刻心旭旭， 但正如上面所講我有塊閃光唔喺度㗎嘛…………

鏡頭一轉我就帶埋我塊閃光五(下稱閃)上去啲用品舖嗰度， 即場比較， 攞粒波嚟滴下滴下，閃比雅震手，亦比較彈，手感黎講塊雅round雖然係單檜， 但係手感比較矇糊， 但係就食波啲， 結論就係維持原判攞塊閃黎改造

至於用落方面， 我細個用開嘅中直， 應該係話嗰個年代嘅中直， 都係個柄比較細， 但係板身比較厚， 但係呢個年代嘅直板通常個柄比較大， 板身亦比較薄， 可能咁樣嘅設計真係比較有利於橫打， 但係唔係咁啱我手形， 我自己係揸開細柄厚身嘅直板 btw , 所以for我嚟講 , 塊閃我ok
用落 : 操控好，正手好，反手好，都好過我近排入嘅中直

Stiga Nostalgic Offensive
Stiga Nostalgic VII

雅Round一丸形，同其他單檜比，較慢
雅R一角丸形，就明顯地爽D
(小弟仲收藏有Bty同Darker嘅單檜)

造工真係一流，我個人覺得甚至稍好於Bty

kin_ps

ching好好手工, 我都想整一塊, 有冇教學

寫工

好犀利！

寫工

感謝評測

非常詳細！

時雨

第一，二步我係抄佢嘅，先用界刀mark左線先，再用把金屬銼銼開條坑，之後唔同嘅係佢繼續用把銼刮D松木，我就用沙紙慢慢磨，因為塊拍係我自己嘅，如果好似佢咁全程用把銼嘅話， 我驚塊板會花  , 因為我當年第一塊係乒乓球鋪嘅老細幫我整 , 我睇住佢用刀片係咁推係咁推 , 塊板花曬

但係佢咁刮 的確係快啲嘅 , 我慢慢搞就兩個幾鐘囉

[ 本帖最後由 時雨 於 2021-8-28 12:51 編輯 ]

寫工

原來如此

謝謝提供影片！

時雨

唏…… 又唔係我拍嘅， 我都係撳幾粒掣啫

時雨

補充多少少資料

如果攞Nittaku Miyabi 雅嘅兩款日直同Bty Cypress S 比較
兩塊雅明顯層會慢D， 但係咬住個波嘅時間都長啲

時雨

其實兩塊雅都令我好心動， 雖然話佢比大部分嘅檜木都慢少少， 但係係以單檜個標準嚟計， 不過佢嗰種咬波嘅感覺， 我覺得真係適合任何類型任何級數嘅使用者， 佢嗰種好控嘅程度我覺得甚至係初學者都可以駕馭 , 就算係新手都好 , 如果第一塊乒乓波板就想買日直， 我 會推薦佢 揀呢塊

寫工

感謝師兄詳盡嘅評測

時雨

俗語有云識人好過識字， 只要你身邊有個鍾意抖木嘅朋友， 你就可以問佢借到一部砂紙機， 另我原本要搞兩個幾鐘頭嘅工序， 半粒鐘就搞掂Butterfly Miyabi 雅R 及Round完成

[ 本帖最後由 時雨 於 2021-9-7 17:56 編輯 ]

寫工