小弧飛

今日見到台北選手林昀儒，2001年出生，係兩年前東亞兒童盃攞冠軍，上年季軍，今年泰國公開賽團體冠軍，今年尼康盃參加u15團體, u18單打係小組賽同孔嘉德(1998)一組，只輸1:3 ，分數相當接近

小弧飛

日本選手張本智和，2003年出生，父母是四川人都係國手，去了日本多年，今次係尼康盃較為特出，團體賽贏王浩軒3:0無水花，王只得6/4/1，團體攞冠軍

DKNY

15歲男子球員只有蔡焯鈞能打入次圈
大部份男子U15港青0:3全軍覆沒

zeio

查實家下港青練習時間表係點分佈？學業同體育並駕齊驅歐、美、日都好平常，但係香港明顯差一截究竟咩因由？

samson2012717

除咗訓練之外，最後都係睇天份。

十萬轉vs零轉

引用:

原帖由 zeio 於 2014-8-9 15:10 發表
查實家下港青練習時間表係點分佈？學業同體育並駕齊驅歐、美、日都好平常，但係香港明顯差一截究竟咩因由？

咁快下定論? 得果13,4歲輸下波就話差人一截, 林兆恆, 黃鎮廷, 李皓晴都係17,8歲開始先有D成績, 何必咁心急呢?
曾經睇過一篇報道, 當時14歲既劉詩雯輸左比福原愛, 報導就話"這意味青訓徹底失敗", 14歲就話人徹底失敗, 真係好反感, 好想捉個編輯出來問佢憑咩咁講, 多年後今天, 劉詩雯做大主力啦, 所以zeio兄, 不用心急, 拭目以待吧!

zeio

轉兄，唔好「國」情用事，事實勝於雄辯，呢兩三屆世青賽香港有咩成績攞得出黎？

劉詩雯大主力？！李曉霞第一個不服！！

sohin

係我眼中 唔計黃鎮廷
有天份都唔係好多,,我覺得MAK 景X  好有打BALL 個種感覺 技術上 愈來愈有進步 應該有得再上
貓仔對球個個感覺都好好, 佢節奏簡直係一流,,,好期待同佢大個係點
鄭柏X EQ 勁好,,,,比賽發揮穩定

其實有天份有時都要睇下有無教練 同佢MATCH 到  ,,有時真係要有個人係到指點佢
香港小朋友其實真係好叻,,,,功課壓力有時好大但都可以KEEP 住錦打BALL 我地應該支持佢地
唔係成日打沈佢地,,,,..

DKNY

坦白講香港體院青少年隊請唔到好教練，除左管教練有份量外，其餘聽到未聽過，有份量嘅教練閒閒地月入3 5 7 萬又自由，無百樂也怎有千里馬。王x軒浪廢了青少年最黃金的三年，女隊有成績資源都好點，無成績又點會有資源？

[ 本帖最後由 DKNY 於 2014-8-9 18:18 編輯 ]

DKNY

蔡焯鈞今日打得好好，只險輸中華台北2:3
但偏偏打不入港青

(=^x^=)

引用:

原帖由 sohin 於 2014-8-9 17:29 發表
係我眼中 唔計黃鎮廷
有天份都唔係好多,,我覺得MAK 景X  好有打BALL 個種感覺 技術上 愈來愈有進步 應該有得再上
貓仔對球個個感覺都好好, 佢節奏簡直係一流,,,好期待同佢大個係點
鄭柏X EQ  ...

男子首推曾梓俊 及 流鎮杰

cheungwahlee

男子實力有待提升.......

十萬轉vs零轉

引用:

原帖由 zeio 於 2014-8-9 15:49 發表
轉兄，唔好「國」情用事，事實勝於雄辯，呢兩三屆世青賽香港有咩成績攞得出黎？

劉詩雯大主力？！李曉霞第一個不服！！

zeio兄所言甚是, 世青香港的確無乜成績, 但一過左18, 幾個本地球員都打得不錯呀, zeio兄同意嗎?
李曉霞當然是大主力, 但相信大主力可不只一個的, 至少肯定不是"徹底失敗"吧!

zeio

也請轉兄睇睇近年本港有幾多人細個人稱神童嘅過渡到全職，再同歐、日數數人頭數，連新加坡呢支「國三隊」近年才起步主動培養都開始有兩個打得下嘅本地彊。東京世錦港男乒成績被人質疑，仲針對內地引入球員表現不力，查實係本地青黃不接，過去十幾年由謝嘉俊到鄧家俊到趙仲熙冇一個成功接班，咩原因？

主力有分一二三，大主力暗示第一主力，用詞與現實不符，以莫斯科世錦後至東京世錦決賽來看，主力之一是有能力承擔的，但未至於大到稱得上穩座

P.S 有時間讀讀

[ 本帖最後由 zeio 於 2014-8-10 00:33 編輯 ]

zeio

引用:

香港乒乓球男雙代表在奧運中創出「坐亞望冠」的驕人成績，香港人除了高興之餘，由於「雙雄」高禮澤和李靜都不是土生土長的香港人，不免有人會感慨仍是「國援」的功勞。現時身在雅典的香港乒乓球總會會長余潤興表示，相信今次的好成績可以令香港人接受他們的香港隊身份，同時他亦對香港未來的青少年乒乓球發展非常樂觀。

陳丹蕾：青訓水平提高
余潤興表示，其實香港乒總正在積極發展一批本地土生土長的青少年運動員，例如與生銀行合作成立乒乓球訓練學校。但由於客觀因素，例如香港小朋友要兼顧學業，家長的支持度有限，因此成績始終及不上內地的運動員。不過，他對香港未來的乒乓球發展仍然是十分樂觀。
另外，曾經為香港爭取過不少榮譽的前乒乓球香港代表陳丹蕾，昨晚在獲悉港隊肯定會在奧運獲得首個乒乓球獎牌後，表示十分高興。她說，現時香港用於乒乓球發展上的資源，比起十年前多很多，特別在青訓方面，水平亦提高了很多，長遠來說，香港乒乓球前景是很看好的。

十年過後，水平係提升咗，家長嘅支持度有過之，小朋友學業無不及，成績唔及打遍宇宙無敵手祖國運動員唔係問題，但係出到國際層面連三流地球人都過唔到，乜皆因？

himhim

日本有國際級教練便有國際級球員
香港女隊有李靜管建华還可以
男隊在二沙求其請個小朋友回來便期望青出於藍？？？

alberluk

香港社會是很難陪訓到運動員，不説乒乓球，其他運動如羽毛球，保

KKFan

其實ZeiO兄言下之意係咪想叫香港隊放棄兼收皮?
就算現在技術及成績不及其它國冢，只要很努力同付出,將來會點,大家也不需亂下定論，大家不如惜目以待、放眼將來吧

[ 本帖最後由 KKFan 於 2014-8-10 15:52 編輯 ]

金擇魚

打私鐘至體育館關門
真唔真架,第朝唔使返學?

[ 本帖最後由 金擇魚 於 2014-8-11 07:13 編輯 ]

zeio

引用:

原帖由 KKFan 於 2014/8/10 15:50 發表
其實ZeiO兄言下之意係咪想叫香港隊放棄兼收皮?
就算現在技術及成績不及其它國冢，只要很努力同付出,將來會點,大家也不需亂下定論，大家不如惜目以待、放眼將來吧

唔好對號入座，見人評論一針見血，就理解為放棄收皮，曲解批判

成日開口埋口話唔好妄下定論、拭目以待、放眼未來，十年前一句，十年後兩句，再十年後三篤屁

「明日復明日，明日何其多！日日待明日，萬事成蹉跎。世人皆被明日累，明日無窮老將至。晨昏滾滾水東流，今古悠悠日西墜。百年明日能幾何？請君聽我《明日歌》。」