因工作關係, 我在廣州已待了幾年, 但就 '背' 到上個星期先至有幸參與逢周二大世界的乒乓球賽. 嘩, 開14個小組, 每組平均八名選手, 加埋佢哋啲friends, 小朋友既家長, 場館提供既靚女裁判......保守估計成二百幾人, 真係迫爆成個場.
被喻為廣州乒壇 '黃埔軍校' 的大世界每周賽事, 民間及退役高手雲集, 我當日撞到兩個曾經教過小弟打波既教練都有份比賽, 一個係九幾年汕頭市冠軍, 另一個唔記得07定08全國大學生運動會男單冠軍, 但見佢哋喺分組都打得唔係咁輕鬆喎....
, 可知水平之高!
小弟半途出家幾十歲人先學打波, 正所謂 '球疏技淺' , 咁就梗係直落幾場都俾人ko啦
, 都唔敢話俾人聽嚟自 '傷講' 添.....
另外一個號稱廣州乒壇 '少林寺' 既永實俱樂部聯賽都係呢度既球圈盛事, 有機會我都會去體驗體驗一番