有人PM問我點係淘寶買, 我就介紹個流程:
我開左個招商銀行既一卡通戶口 (係中環和大廈度開), 咁你就有兩張卡, 一張香港招商戶口, 一張大陸招商戶口 (佢會比個取款密碼你, 仲有個 USB 電子證書, 好似收 $25), 之後我就可以去
www.cmbchina.com 登入網上銀行, 開通網上支附功能, 設定每日付款限額. 至於入錢, 我係自己去找換店換好錢, 上開大陸既時候去 ATM 機入落去. 你都可以去一般找換店匯錢入自己戶口, 佢地大約每次收 $50, $10000 以上唔駛收.
你其實上開大陸, 去開個大陸戶口都好容易, 用回鄉咭就開到
另一種方法唔駛銀行戶口, 你可以去先逹買淘點咭, 去充值你支付寶戶口, 到付款果陣就用你支付寶戶口既餘額比錢
去
www.taobao.com 開個戶口, 跟住又去佢個支付寶 (alipay) 開個戶口 (好麻煩, 一個網有兩種戶口, 兩個唔同 PASSWORD), 收左確認 EMAIL, CLICK 條LINK 就 ACTIVATE.
咁再去淘寶搵你買既野, 加入購物車, 之後再結算, 佢就會出個 PAGE 比你揀點比錢, 我就用網銀支附, 跟住佢做 (都係入卡號, 密碼), 就完成, 等收貨.
收到貨無問題之後, 上返淘寶確認收貨, 比分評論
