呢個聯賽其實Level係高定低，點樣升級，計分，可以升到什麼階段，我通通一無所知。繼上星期打完甲C,工作人員話可以打甲B就再打，反正¥40-50(視乎打什麼級數比賽)至少打7-10場，都算抵打。
今次比賽沒上次順利，上星期打完整傷手臂，以為休息幾日就復原，可惜事與願違，輸就係輸沒得抵賴。今次對手比上一次強，即使我以最佳狀態也會輸。當日人數少，得11位分兩個小組，前6名可升甲A，一個6人一個5人。我打6人小組，贏2輸3小組第4，最終第7名無緣升級下次維持甲B。
有幾位對手值得簡單講講，輸得我心服口服。
1.老伯伯，約60幾歲，中直單面長膠，防守強，偶爾會攻擊。我當日毫無對策，不敢搶攻，在領先幾分亦被追平，最終輸1:3
2.中年男士，中直前面生膠背面反膠，搓球為主，到正手一定高度才攻擊，橫打亦少用。我又係一轆木企著打，左顧右盼，最終又輸1:3
3.上一次輸過的15歲學生，對反膠我其實比較輕鬆，上次又交手過，可惜我接發球去到中局先食少D，先輸頭兩局再追平2:2，第5局9:9後連輸兩球(對方發球，第一局擋得太高，第一球亦接得差)，再一次輸比同一對手，可惜。
