Goodday

究竟乒總定體院教練有問題，每年恆生銀行花咁多錢去贊助都訓練唔到好的港產球員，仲話要輸入內地球員 咁要體院嚟做咩 ，直情每年輸入內地球員就可以慳番唔少金錢,近幾年青少年隊表現唔錯。點解上到全職就好快退隊，乒總體院知唔知發生咩事。

速鳥

入體院前係打香港波，入到體院後做全職就要打國際波，呢個就有分別。

香港波只要有點錢，請個勁教練，15歲前好多前途；但之後面向世界，絕招變成普通料，唔夠打，咪返去讀書囉。

五隻蟻

體育都係一種政治工具

williamkeung

第一......入到體院味必是最好波的人
第二......假如入到體院，小朋友跟本就無想過打全職
第三......想打全識最終敵不過大陸落黎精英

超人

所以咪空降 何鈞杰  吳柏男

FF7

引用:

原帖由 超人 於 2018-11-7 22:18 發表
所以咪空降 何鈞杰  吳柏男

何鈞杰係香港出世成長的點算係空降？

小乒乓

引用:

原帖由 williamkeung 於 2018-11-7 09:41 PM 發表
第一......入到體院味必是最好波的人
第二......假如入到體院，小朋友跟本就無想過打全職
第三......想打全識最終敵不過大陸落黎精英

基本你是同年最好波應該會收你
有些小朋友根本無想過打全職, 或者只是想打青奧, 一但打唔到便走, 有些有心人乒總錯過了放走了

很多小朋友原來是精英, 入到體院便變了樣, 越打越屎
看看去年學界精英亞軍呂XX, 今年只勉強入了八強, 每日2.5小時究竟訓練了什麼出來？
再看看潘X唔打港青自己打教練, 殺了不少港青入決賽只險輸比大佢2年的香港冠軍11:9, 港青究竟是贏了定輸了
又看看最近青奧的李X宜, 水平便好像青苗一球正手都唔識打
男仔仲衰一個都選唔到, 聽聞一個已經退隊, 相信另一個好快都會退, 究竟乒總高層唸緊什麼？
一下唔夠打便輸入外勞, 間接承認無能力陪訓人才, 對嗎？ 但落來的人也越來越屎
江天一, 蘇X,  .......

小乒乓

引用:

原帖由 FF7 於 2018-11-7 10:34 PM 發表


何鈞杰係香港出世成長的點算係空降？

何鈞杰  吳柏男
其實佢地一樣是空降, 只是合法空降, 他們的成就不是乒總的成果

lovett

引用:

原帖由 小乒乓 於 2018-11-8 01:42 發表


基本你是同年最好波應該會收你
有些小朋友根本無想過打全職, 或者只是想打青奧, 一但打唔到便走, 有些有心人乒總錯過了放走了

很多小朋友原來是精英, 入到體院便變了樣, 越打越屎
看看去年學界精英亞軍呂XX ...

蘇致係有身份證 不是外勞

williamkeung

其實作為港青教練，每當歌街有青少年賽時應該要去看看，難道他/她這麼厲害單憑一次短時間甄選就可以知有沒有潛能 看3個新入選及大女港青都輸波，只有吳x琳 可以頂住不輸，港青女總教練的能力？？？？？

速鳥

青少年打波，有冇進步係睇「對腳」，明顯港青係走得越來越慢，莫非體院無對練人材！

超人

引用:

原帖由 FF7 於 2018-11-7 22:34 發表


何鈞杰係香港出世成長的點算係空降？

佢係山東黎香港打

速鳥

內地與香港訓練分別於…內地教練會先教「發力」打球，到有成績才練習「借力」打球，而香港教練則會先教「借力」打球，就算有成績都會繼續，直至到成績上不了，才開始練「發力」打球，但動作固定了，骨頭長大了，用力過量，容易做成受傷。

我覺得內地人會提升對練質數，可以對本地人材製做壓力，改變訓練方式

jacky1021

何鈞傑 4年級 贏2007恒生學界冠軍
當年的小學組差不多最強 有 潘尚熙、孔軍凱、洪振軒、林兆恒、李漢銘、李逸軒等等
人地係讀完4年級先再決定回國訓練，而不是山東空降

金擇魚

引用:

原帖由 jacky1021 於 2018-11-8 10:15 發表
何鈞傑 4年級 贏2007恒生學界冠軍
當年的小學組差不多最強 有 潘尚熙、孔軍凱、洪振軒、林兆恒、李漢銘、李逸軒等等
人地係讀完4年級先再決定回國訓練，而不是山東空降

乙姐冠軍呢

十歲人仔

仲嬴左兩個教練

carmen911

咁講真,有幾多個又願意小朋友讀到中三就轉做全職運動員,
做運動員似終無保障,
不如讀多幾年書好過

lovett

引用:

原帖由 williamkeung 於 2018-11-8 07:53 發表
其實作為港青教練，每當歌街有青少年賽時應該要去看看，難道他/她這麼厲害單憑一次短時間甄選就可以知有沒有潛能 看3個新入選及大女港青都輸波，只有吳x琳 可以頂住不輸，港青女總教練的能力？？？？？

女隊港青教練 好多時青少年既決賽都有去睇

ronald1834633

冰種成立六十多年，乒乓球成為「精英项目」，事實都是依靠早年「請槍」外援取得成績，直到修改條例，本土運動員擔起主力，暫時成績尚可維持。但始終不能突破。而且還被多個水平未成熟的國家追近！明白乒乓球運動在世界有多個領導國家甚難超越，也明白冰種只是公司形式操作，有自己的決策權，有爭議也不必理會。
但是每年受政府丶賽馬會及其他公司丶企業支持，真是沒有「社會責任」？
煮直是生意人，當然對球壇情況不太清楚，只是靠下屬之報告。
個人覺得講隊教練是「優差」！講青比赛不濟，没有責任。 奥青拿不到入場券，没問題。講隊打了多年，經常资格賽都不能出綫，都歸於没有天份、練習太少。 這邊有個「全職」吾玩，果邊又有新丁加入，水平吾得冇問题，聽教聽話冇投訴就ok。
最要緊煮直話冇問題！政府、赛馬會継續年年支持。

[ 本帖最後由 ronald1834633 於 2018-11-8 14:36 編輯 ]

williamkeung

港青有入無出，何來有推動力打波，點屎波總之入倒去都有3-5年玩。個人愚見，每年應該包尾1-2人out, 這才可以樣球員有推動力訓練增加私教，就算講青教練無料到都可以享受成果，否則政府比咁多錢但無成績出來，講隊教練一定做箭把。

[ 本帖最後由 williamkeung 於 2018-11-8 15:54 編輯 ]

yeo

香港應該是要引進多d內地高水平的教練落來做教練好過，從基礎內功抓起