十萬轉vs零轉

引用:

原帖由 zeio 於 2014-8-9 15:10 發表
查實家下港青練習時間表係點分佈？學業同體育並駕齊驅歐、美、日都好平常，但係香港明顯差一截究竟咩因由？

咁快下定論? 得果13,4歲輸下波就話差人一截, 林兆恆, 黃鎮廷, 李皓晴都係17,8歲開始先有D成績, 何必咁心急呢?
曾經睇過一篇報道, 當時14歲既劉詩雯輸左比福原愛, 報導就話"這意味青訓徹底失敗", 14歲就話人徹底失敗, 真係好反感, 好想捉個編輯出來問佢憑咩咁講, 多年後今天, 劉詩雯做大主力啦, 所以zeio兄, 不用心急, 拭目以待吧!

十萬轉vs零轉

引用:

原帖由 zeio 於 2014-8-9 15:49 發表
轉兄，唔好「國」情用事，事實勝於雄辯，呢兩三屆世青賽香港有咩成績攞得出黎？

劉詩雯大主力？！李曉霞第一個不服！！

zeio兄所言甚是, 世青香港的確無乜成績, 但一過左18, 幾個本地球員都打得不錯呀, zeio兄同意嗎?
李曉霞當然是大主力, 但相信大主力可不只一個的, 至少肯定不是"徹底失敗"吧!

十萬轉vs零轉

引用:

原帖由 zeio 於 2014-8-11 07:11 發表

唔好對號入座，見人評論一針見血，就理解為放棄收皮，曲解批判

成日開口埋口話唔好妄下定論、拭目以待、放眼未來，十年前一句，十年後兩句，再十年後三篤屁

「明日復明日，明日何其多！日日待明日，萬事成蹉 ...

zeio兄似乎用錯明日歌, 明日歌係講D人乜都唔做或者咩都係"遲D先", 但而家乒總, 體院, 球手, 甚至家長們都做緊好多野, 並不是坐以待斃的, 出去做炮灰又有何懼, 懼係連做炮灰既勇氣都無, 佢地在努力, 拭目以待的是我們, 我地呢D寂寂無名的就是行入伊館支持佢地
軒軒練咁多都輸自有原因, 狀態, 心態, 格食格, 甚至真係唔夠打都唔出奇, 但絕不能抹煞他們的努力, 我亦相信zeio兄是愛之深, 責之切, 絕不是要青少年收皮云云, 但既然近年香港的成績在進步中, 何不給大家多一點正能量?

十萬轉vs零轉

引用:

原帖由 zeio 於 2014-8-12 23:00 發表
又要再請轉兄唔好斷章取意。唔該睇睇個帖主題係乜？我嘅論點就係指出本地球隊嘅問題唔係在於轉兄所強調嘅「假以時日」，而係「為時已晚」，再以前職業球手 Henzell 嘅自白作為佐證，指出尋日 ...

有幾晚? 十七, 八歲就晚? 施拉格都係32歲先成為世界冠軍, 李佼41歲殺掉日本兩個主力, 苦, 做得全職運動員邊個唔苦, 香港地出路多, 呢D係個人選擇, 正能量同刻苦訓練絕對可以共存, 教練鬧球員一定有, 但我相信球員會感受到教練係幫佢地, 齋鬧, 批評已不合時宜
辛苦zeio兄找咁多片同佐證講出青少年隊的不足和面對的問題, 可能zeio兄覺得佢地已行人止步, 但小弟相信他們可走得更遠

十萬轉vs零轉

引用:

原帖由 KKFan 於 2014-8-12 23:36 發表
轉兄既正能量及鼓勵,對年青既一代絕對係一種珍貴同少有既支持

kkfan兄言重, 正正就是小弟無乜野可以做到, 暫時就是一句加油, 同入場支持了