引用:
原帖由 ernestho113 於 2016-11-3 17:01 發表 
我諗係領悟力問題，我想講唔係叫人用錢買假貨，
一篇文章既重點都未睇到~
思考下點解我需要講咁多先啦師兄~
一樣米百樣人~千奇百趣突別多!
回應反你問題，如果去有信譽地方都買假貨咁信譽既用處何在?
如 ...
我再睇過樓主同我自己寫0既嘢，我諗我0既領悟力真係有問題：
1. 樓主响某舖頭買咗塊板，想向版友求教一下真偽，就俾你話：「⋯⋯就算一塊板再好，唔識運用相應技術係無用⋯⋯就算一塊膠再好，唔識用到相應既板一樣無用⋯⋯配板夾膠結合相應技術先發揮到⋯⋯」，我就回一句：「我諗冇人會想俾真錢買假0野，呢樣0野同技術全無關係。」，係想講呢個帖只係關於樓主驚買到假0野，同佢本身技術毫無關係，咁都算抽水？你要我領悟「一篇文章0既重點」，我建議你真係開個新帖寫「你篇文章」，而唔好騎劫樓主個帖去借題發揮。
2. 師兄以該舖信譽同法拉利相比，真係失覺晒(法拉利0係2015年0既全球品牌價值：USD4.7 billion，咁樣比較你又覺得有無問題呢？)，我諗我唔只領悟力有問題，連常識都有問題。我買唔起法拉利唔知佢有冇超A，但我可以搵到假0既乒乓球底板，煩請師兄搵架超A0既法拉利俾大家見識下。
3. 師兄之後提及「著眼品牌0既虛榮」、「盲買」、「人云亦云」，根本由頭到尾冇人話過買咗呢塊板有幾叻(老實講買YES又真係唔覺得有幾虛榮)，反而覺得師兄覺得買塊好板＝技術唔夠，相信樓主真身係馬琳都會俾你噴到一面屁，其實講到尾大家都唔知大家技術如何啫。
4.當然技術高到好似師兄咁當然用咩板都冇問題，可能你覺得你打超A板都勁過我用真板，但相信你買超A板都會知道果塊係超A，而唔會想用買真板價錢去買塊假板，呢個係我0既
全部意思，同大家有幾勁有咩關係？
5. 另外再多口講講，師兄話「其實好多人都刻意買超A貨板0黎打」，又話「真貨有一定品質保證」，其實你已經承認真假有別。先唔理師兄係咪其中一份子，但起碼冇加以否定買假板0黎打呢0的行為。但請問師兄，如果技術好打咩板都冇所謂，咁點解要揀塊超A0黎買？買超A0既行為唔係「著眼品牌0既虛榮」仲係咩？師兄係咪自相予盾？
歡迎繼續討論，隨時候教。
利申：我只係路過，不過覺得師兄離晒題先回一下，雖然我都想自己不斷進步，但我唔係要訓練自己成為世界冠軍，只係想開開心心做下運動。我一0的都唔關心師兄打得有幾勁，亦唔使好似你咁勁，我在此祝師兄用超A板打贏馬龍、張繼科！
[
本帖最後由 shopaholic603 於 2016-11-3 22:56 編輯 ]
