alanchan

見你長期十五十六不停問日直, 其實你有無想過, 打日直的以下問題?

1. 日直反手位置(沒有橫打時), 只有推擋同反手抽(都有d同中直一樣的短檯技巧), 跟一般中直同橫板的反手殺力差一點, 你會不會介意? (中直橫打/橫板反手可以單用手腕轉去加強磨球的感覺, 而日直反手機本上只可以鎖緊手腕, 以手肘為中心用肩去發力)
2. 給對手反手攻擊壓迫時, 你要(加強步法練習 x 10000倍) 側身去轉正手攻, 你會不會感覺太辛苦?
3. 日直重心前, 所以檯內的小球動作也不夠中直那麼好?
4. 到你想強硬地用日直上橫打時, 因為日直本身重心已經前, 你加多一快膠, 前上加前, 擺速慢, 你又會不會忍受到? (我只係知道, 但我沒有試過)

上面四題都係我個人技術上的難題, 可能有高手高手高高手對上面只係小case.

當然日直(單檜only)有很可愛的地方, 正手打擊或拉的時候, 有種食個波好深的感覺, 板後方的手指完完全全感覺到個乒乓球打中快板的那一個位置, 而出手打那裡都有數. 加上彈性比較好(對比我只打過純木橫板5夾有Stiga AC, Joola K-all, 橫板7夾有Yasaka Extra 7, Bty Korbel SK7), 一擊的力量很利害. 當然旋轉方面好似(只係好似)比5夾的二速(個乒乓球落到對面檯時的變化), 差一點點.

還有一點, 板不是最最最貴的, 最貴的係膠, 你想一下, 如果一快膠只可以打100小時, 你就要換. 如果你一個星期打4小時, 只係半年的時間, 就要換. 400幾蚊買膠 半年一次, 對於你有沒有問題.

alanchan

我就係用橫板轉日直的, 所以感覺係完全兩個世界的野.

手感好就當然la, 我自己就好喜歡那種乒乓球打落快拍時的局部變型的感覺(中了檜毒太深, 無得救了), 中直如果打兩面膠時(借朋友的拍玩玩的), 跟本感覺唔到.

旋轉就相輔相成的, 好似我以前打的Stiga AC, 食波的時間好長好長, 快板變型好大, 所以製造旋轉易好多.
但我轉打7夾時, 佢彈性大, 雖然我用AC同一快膠, 但碰一野就出左去, 都未來得切想拉, 就出左去, 所以我用7夾時, 高吊好差(正手出檯拉下旋也不好). 也當然可以轉一些軟身一點的膠去改善, 不過根本不是我想要的東西, 我本來想打擊快轉旋又好. 可惜針無兩頭利.

日直好少削球的打法的, 因為彈性大, 如果係削出去比快拍彈高左, 對手都扣殺落去, 唔洗玩花式. 當然對手開D死旋的下旋時, 也要削一板過度, 之後轉拉.

板閃10都好, 我都打過, 板感覺柔和, 手柄方面粗大d, 軟木上食指位置一早磨圓了, 所以好fit隻食指. 對比起我現在用的Yasaka柳生特選, Butterfly對手柄下了一番功夫. 當然都要打磨食指那邊的肩位, 如果唔係打唔到波(個角好尖)

膠唔知呢, 我無內能的Yasaka MarkV到之前打的Yasaka xtend/Andro Hexer/Hexer+都打過, T05就太貴, 好打就好打, 只係太貴, 一快膠就係一快閃10的價錢, 一快T05 = 一快Mark V+一快Hexer+, 如果長遠計你想打不同的膠玩下唔同的野, 定獨孤一味? 以練功以玩為主來計我都係喜歡Mark V.

[ 本帖最後由 alanchan 於 2010-8-27 22:05 編輯 ]

alanchan

都會彈出去, 只不過個感覺不同, 大力量時, AC果種係成快拍變型誇張D可以相成係變左個網, 包住個波, 所以快拍打完之後變番正常時會震手. 7夾你可以想成用一快好厚的鐡, 打中快拍時, 你都好似無感覺好似打唔到野, 個波就出左去. 單檜係個乒乓波打中的位置變型, 所以後面的手指感覺到打中的位置, 誇張D可以相成用張紙去打乒乓波, 不過又彈出去好快.

當然AC, 7夾同單檜都係會彈出去, 只不過彈出去的時間, 力道同感覺不同.

T05都係好的膠, 如果好有米, 真係打T05也不錯, 還有一點T05比較重. 我自己的感覺係:
最重 T05 > 普狂3 > Hexer=Yasaka Zap > Yasaka Mark V=TSP XS-F1 > Hexer+ = Yasaka xtend > Stiga Innova ultra light 最輕
上面只係感覺, 我無真實用野去磅過.

[ 本帖最後由 alanchan 於 2010-8-28 00:38 編輯 ]