防守王

晏晝兼下午茶唔知食乜好, 反正嚮尖沙咀, 不過去食大排檔啦.


真係平日諗都諗唔到尖沙咀地區會有個咁既熟食市場嫁.


嚮正橋底. 最正我諗都係呢間華香園囉.


呢位老細, 一個人煎, 炸, 焗, 煮, 水吧都組埋, 勁呀!


藥煲奶茶咖啡, 係呢間茶檔既賣點之一.


招牌秘製豬, 係必食既. 齋叫 24 定 25 蚊. 兩大塊.


呢隻叫做 "新野". 方包既頭, 焗完之後搽好多唔同既醬, 加多片牛油 ($8)


豬扒飯就卅蚊(都係兩塊), 跟麵就廿皮(一塊啦梗係). 雞中翼十蚊兩件.


隔離又有間牛腩, 牛丸王......忍唔住整多碗......廿皮.


就係呢間啦.......行過時會聞到陣陣牛腩牛雜香味.


呢盤牛丸, 真係唔講得笑. 唔知可以食幾多餐.....哈哈. 真係好彈牙!!

防守王

無呀. 我都好少去果頭. 難得去尖尖, 咪去食豬扒囉