kwokwy

昨日係Myron爸安排下，我哋一行幾人終於都上咗深圳友傳練波。首先當然係多謝Myron爸幫手約教練啦。

我同old-cake兩人share一位教練，我哋無特別要求教練幫我哋執過啲手勢，主要都係請教練幫我哋練返下啲基本功同手感啦。教練手波都幾穩定，可以練到嘢；但最開心嘅就係，我同old-cake兩個加埋成百歲有多，竟然都頂到兩個鐘頭，之後食完飯仲有力行路去火車站，真係有啲喜出望外。我諗各位網友上去練波可以多考慮用「兩人一教練」呢招，一來減低成本（我哋埋單好似每人130人仔），二來就無咁辛苦，會練到長啲時間。

美中不足嘅係，今次老婆又上去睇我哋練波，以佢一個完全唔打波嘅人，都睇得出我打波嘅動作同教練差好遠：我係靠死力，教練就可以用最小嘅力（動作），打出最高質量嘅波。唉，以後無得喺老波面前認好波，呢樣真係有啲無癮。

所以奉勸各位年青波友，真係要趁後生執好啲手勢，練好基本功，唔係第日老咗就改唔到啦。其實我以前都開過一次練波球局，但係效果就好似唔係咁好，大家都係喜歡實戰球局多啲。或者呢個就係論壇嘅特色啦，不過我就始終堅持我嘅信念囉：

唔練基本功　到老一場空

kwokwy

引用:

原帖由 yatwai 於 2009-1-29 11:56 發表
收到! kw0kwy兄我也想好似你們一起去打波,不過太太都係唔比多,係呢你們有否和教練打分架?

帶埋老婆去啦，我老婆就話睇我哋打波都好有趣囉。最後我仲捉咗老婆打咗一籃波（滴滴仔 ），你話俾佢聽可以減到腰佢就會樂意打啦。而且之後大家一齊去晚飯吹下水都幾好架。

我哋就無同教練打分，因為練波都練到差唔多斷氣啦，打唔到分。不過左右隔離就好多人都會同教練打下分咁囉，無問題架，睇下你目標如何啦。據我同old-cake觀察，我哋教練應該係香港甲組中間高哋咁上下水平啦

[ 本帖最後由 kwokwy 於 2009-1-29 12:13 編輯 ]

kwokwy

引用:

原帖由 bd_fan 於 2009-1-29 12:00 發表
老kwok, 空即是識，識即是空！

係呀，我都好想好似丁組八強嗰位超級old cake咁，打到72都仲咁龍精虎猛。好羨慕 。

kwokwy

引用:

原帖由 shiningblue 於 2009-1-29 12:21 發表
kwok兄，聽完你講話條腰可以瘦啲喎...搞到我都好想寓打波於減肥! 你哋幾時再上去練波? 等我都去搵教練學打波先!

你方唔方便話我知條腰有幾多吋？等我搵個教練幫你set一個療程啦

kwokwy

引用:

原帖由 jack 於 2009-1-29 12:20 發表


你搵埋我練喇, 我要練返正/反手弧圈先, 對你唔駛再輸咁多
淨係打球局真係練唔到

你同我打過波？唔好意思，我認人同個名非常差，有怪莫怪！
其實Myron爸都出過post呀，下次有機會就一齊啦。

[ 本帖最後由 kwokwy 於 2009-1-29 12:36 編輯 ]

kwokwy

引用:

原帖由 bd_fan 於 2009-1-29 12:23 發表
波界  72  古來稀，
人生至此蒙太奇！
努力啦！

其實而家論壇嘅壇友當中最大年紀係邊位？幾多歲？貓兄會唔會知？

kwokwy

引用:

原帖由 乒乓小風 於 2009-1-29 12:31 發表
我都係打波減肥的，七八年前我成七十公斤，之後打波打到五十八公斤，現在大約六十三公斤

可以減到12公斤（25磅）咁多！你有無影低減肥前佪樣呀，唔介意嘅話post出嚟睇下啦。

小風不如我哋搵多幾個人夾份開減肥班啦，我諗連唐安琪都要靠邊站呀。

kwokwy

引用:

原帖由 shiningblue 於 2009-1-29 12:33 發表


嘩...話你知呀...好鬼尷尬喎...下次我同你上去啦，等我自己同教練傾掂佢算啦...哈哈~
不過話時話，下次練完波之後個飯局食咩先?

你唔可以嗰頭打完嗰頭又大吃一頓呀，你睇住我哋食得架啦，咁先可以減到十幾公斤

kwokwy

引用:

原帖由 jack 於 2009-1-29 12:36 發表


好似係 1/19 何文田球局, 果日有 Myron, 小過童, 球痴, Bartender, etc

嗯，失覺失覺。其實之前Myron爸都有出過post話上深圳練波，下次有機會就一齊啦。抑或其實你想喺香港搵人練基本功？

kwokwy

引用:

原帖由 jack 於 2009-1-29 12:44 發表

兩樣都想, 深圳遠 D, 時間又多 D, 成本又高 D, 唔可以成日去, 香港隨時平日夜晚打兩三個鐘

既然有志同道合嘅人，就可以考慮下再開練波球局囉
不過無教練就無人幫到我哋改好啲手勢

kwokwy

引用:

原帖由 Myron 於 2009-1-29 13:50 發表

下次有練波局, 要預埋myron仔. 不過要搵個好既教練真係難

唔緊要啦，我哋喺香港可以各取所需，例如我可以不停高吊俾Myron正手頂（講真，我噚日開始發覺Myron俾教練特訓之後拉反手拉唔死佢，所以唯有改拉佢正手），Myron就可以頂去不同落點俾我練走動中拉之類。最緊要自己知道自己需要啲乜嘢，咁其實亦都係一種思考嘅訓練。

kwokwy

引用:

原帖由 jack 於 2009-1-29 12:52 發表

我諗大約二個 WEEK 上去一次, 其餘係香港練下
其實有時自己都知邊 D 地方有問題, 只係動作做得唔係咁好, 亦都要感覺下試下不同的發力, 角度

我都無乜信心話幾耐可以去到一次深圳，始終我哋成年人有好多雜務纏身，唔到自己話得哂事。所以我諗更加實際嘅喺安排响香港有系統咁練基本功。返深圳就好似返學上堂，喺香港練就好似返屋企要溫習咁囉。

[ 本帖最後由 kwokwy 於 2009-1-29 14:04 編輯 ]

kwokwy

引用:

原帖由 sleeper 於 2009-1-29 14:12 發表
  我都好想去, 不過我個教練返左老家, 2月中至回來

其實你都可以考慮下趁呢個空檔時間試下第二啲教練呀。我總覺得跟死一個教練未必有最大得著。

kwokwy

引用:

原帖由 Myron 於 2009-1-29 14:09 發表
咁可以考慮下, 日後球局以三個鐘計, 頭個半鐘以訓練為主, 後個半鐘實習. 只要keep住去練, 進步可期

你可以叫Myron仔自己多啲動下腦筋，諗下自己需要啲乜嘢，點練先至可以有改善；咁樣我估對球技同思考都好有幫助。我學佢咁大個嘅時候就係咁樣開始練波架啦，佢而家有埋教練幫助，咁就會更加事半功倍。若果佢自己無idea，叫佢睇下荻村伊智朗啲書啦，雖然啲技術已過時，但好有啟發性。

不過你話keep住練三個鐘一次，我恐怕咁樣我捱唔到72歲

kwokwy

你話搵唔到搞到我仲更加想睇

kwokwy

引用:

原帖由 HungeLcH 於 2009-1-30 00:27 發表
樓主講得好......

我講咗咁多句嘢，請問你話邊句講得好呢？ 抑或你個鐘係覺得我講得好長氣
講笑，唔好介意，多謝讚賞。

kwokwy

引用:

原帖由 乒乓小風 於 2009-1-30 00:45 發表

不是瘟唔到而是丢晒, 因为旧相有以前的女朋友呀
都结婚了 , 所以....

小風果然細心，我要向你學習下先得，免得第日出事。

kwokwy

那麼請問最年長的會員是什麼年紀呢？我要見賢思齊，加倍努力呀！

kwokwy

你得個講字，拉極你都唔去，下次唔好啦
不過真係有啲用呀。

kwokwy

練就有啦。除非你覺得唔重要，否則而家咁多輔助設備，有教練，有視頻參考，一定練得成呀。