我唔知今年青少賽, 香港成績咁差, 前兩界, 孔氏兄弟明明打得唔錯o架. 我地既乒乓球, 其實起步已經好早好早了.......
我以前都有講過, 其實係外國(包括中國)選料(即係選入精英隊), 成績並唔係最重要, 首要骨格精奇, 即係一定有野同人地唔同, 有些係毅力超強, 有些係反應超快(有得測架), 有些係頭腦好(又係有得測架), 入左隊, 其實比賽好少打, 人地係係咁練基本功, 基本上, 佢地唔係要選邊o的人再入青年軍, 佢地第一件事要做既, 係踢邊個出隊, 無過人之處既天份, 無謂浪費大家時間.
係香港, 你小朋友排名高, 乒總敢唔敢唔比佢出去打,而出一個佢地認為有天份, 但學波比較遲既, 排名比較低既? 前陣子, 好似先至有人投訴過, 係唔係?
係外國, 總會一定唔會有咁既壓力, 王振庭, 如果早多幾年做到全職, 水準一定更高啦. 但問題係, 佢當時真係唔夠人地排名高,咁可以點?如果出王, 唔出孔, 咁有幾多人投訴乒總先?
點解我地乒乓球運動員既正手都係弱過人地? 好簡單, 因為外地青年選手, 以練基本功為主, 香港既, 係以打比賽, 攞排名為主. 打比賽, 特別係少年賽, 緊係穩陣先有成績啦. 係外國, 少年球員齋練正手, 隨時練一個星期, 練到你動作發力最好為止. 例如......
有人講施拉格話重心既問題, 就係呢樣了, 有打Golf就知, 打得個波遠同穩定, 同你隻手既力係無關, 係重心同速度. 剩係呢樣野, 專業golf運動員, 可能要練10萬次先攞到個感覺. 我地有幾多少年選手, 會不停練10萬次正手拉, 講緊係一路練, 一路調整啊.
我地家長急功近利, 我地社會又係民權至上, 其實大家等下天才誕生吧. 其實日本天才少年/少女, 都出過唔少啦, 自己上網查下, 最後無影既, 都有七成以上. 因為佢地同香港差唔多. 反而.....南韓, 早年就會有些唔同. 不過近年, 佢地乒乓球好像唔係家長既第一位.
