阿舜

論壇係俾大家討論, 而唔係俾大家互罵.

討論請理性, 如果有資料有錄影歡迎放出來俾大家研究, 但不要人身攻擊(無論對人或者對學校)或者謾罵.

另外論壇唔係法庭, 點都無可能裁決誰是誰非, 所以如果覺得有人或有學校違反規則, 應該盡快主動向大會作出投訴

阿舜

論壇係俾大家討論, 而唔係俾大家互罵.

討論請理性, 如果有資料有錄影歡迎放出來俾大家研究, 但不要人身攻擊(無論對人或者對學校)或者謾罵.

另外論壇唔係法庭, 點都無可能裁決誰是誰非, 所以如果覺得有人或有學校違反規則, 應該盡快主動向大會作出投訴

阿舜

之前玫瑰木兄唔係話港大輸三個3:0, 直輸9隻蛋? 重要係場場排名比對方高? 邊個先係講大話?

如果蔡頭講既野係真, 我諗除左第一場比賽外, 第二同第三場既賽果都係正常賽果

阿舜

原本聽完玫瑰木兄講到咁誇張, 我都覺得事件可能有問題. 但既然有人講大話, 感覺上事件嚴重程度大打折扣, 令我感到原本覺得既憤慨有點傻

既然第二同第三場既賽果係正常, 咁第一場都有可能係因為趙入左港大後要日日溫書考律師, 無時間練波, 話晒對手都應該係頭甲掛, 咁輸都唔出奇.

另外我自己都試過嬴緊8:0俾人追返輸左, 比伍同學既9:4更加誇張, 咁唔通我又係打假波?

但都係果句, 我都無係現場睇過, 一切都只係假切. 希望有現場睇既或者有錄影既可以放上網, 俾大家討論一下.

同埋唔好講大話.

阿舜

引用:

原帖由 蔡頭 於 2014-1-27 18:36 發表
趙只出了第三場雙打.

唔該晒, 咁即係港大其實只係出副手打兩場單打, 而唔係出主力? 咁既話, 只可以代表港大肯定出線後, 俾副手出場練波, 好難話佢地打假波喎

阿舜

引用:

原帖由 金擇魚 於 2014-1-27 18:49 發表

專教院有邊Ｄ球員係甲頭？城大就有好多甲組。

我原本都以為係甲頭, 點知原來趙都無打到單打, 咁唔駛甲頭都有機會可以嬴到

阿舜

引用:

原帖由 wlwlwl 於 2014-1-27 18:55 發表
李小練波而郭就好熟波，郭Win一D都唔出奇

郭係乒超都曾經嬴過3個頭甲(排名前30)

阿舜

引用:

原帖由 happyben 於 2014-1-27 19:09 發表
補充，原來第三場趙是夾丙組球員打，輸3-2也合理化了。

多謝晒, 咁起碼可以說明三場比賽既結果都正常, 睇比分無可能證明到有球員打假波 (除非另有影片參考)

至於選擇由那位球員出賽既問題, 是否應該在肯定出線後都仍然應該盡出主力不給後備機會, 以及港大是否故意出副陣來走線, 相信唔同既人有唔同意見.

但至少, 如果有得出賽既球員都有盡力打, 無故意輸波既話, 就無違反體育精神. 我諗以現時既資料(無影片參考)就投報既話, 反而會俾人輸打嬴要既感覺. 如果有人有影片證明到有球員故意輸波就當然唔同講法

阿舜

引用:

原帖由 cgwc 於 2014-1-27 19:52 發表

咁有冇細節???如邊個對邊個???賽果又是否合理???
咁校隊有咁多人, 出下唔同人都好正常???

暫時綜合網友提供既資料:

第一場郭(專教) WIN 李(港大) ? : ?
            (2個都係甲組, 李腳有傷, 好耐無練波, 郭係乒超岩岩嬴左一個排名前30既頭甲)

第二場?(專教) WIN 伍(港大) 3 : 1
            (2個都係乙組, 專教既乒總排名比伍要高, 伍第4局嬴緊9:4後輸返轉頭)

第三場 ? + ? (專教) WIN 趙+丙組球員(港大) 3 : 2
            (趙+丙組球員第一局係落後數分追番嬴11:9)

阿舜

引用:

原帖由 君子好波 於 2014-1-27 20:40 發表
潛水不代表知錯, 也不代表錯
開新戶口亦不代表有問題
請問論壇那條版規說新戶口不能發言
煩請賜教

開新戶口當然無大問題, 當然可以發言.
但如果開新戶口既目的係講大話及作出人身攻擊後便潛水, 就絕對違反版規
如果想證明無講大話, 或是想證明有人打假波, 請再提出證據, 最好有錄影, 或者賽果對賽資料, 而不要再不停開新戶口, 不然將封IP或戶口

[ 本帖最後由 阿舜 於 2014-1-27 20:49 編輯 ]

阿舜

引用:

原帖由 君子好波 於 2014-1-27 20:53 發表
樓主改帖子標題為 懷疑本港某大學球員打假波可能合理一點
不過請問又如何證明樓主講大話呢?

多謝提供意見, 我會幫手改標題
我係懷疑樓主同玫瑰木係同一個人或者共同目的既一群人. 因為玫瑰木講大話話城大故意輸3個0:3, 直落輸0:9, 而且樓主亦將一個已經畢業既人拉埋一齊來講, 令我對樓主講既野有所保留.

另外, 睇返對賽既雙方排名同成績, 賽果其實好正常, 如果無影片參考, 樓主所講既野只能看到人身攻擊而不能說出事實, 已經違反版規, 所以我先希望有人能提供影片參考

[ 本帖最後由 阿舜 於 2014-1-27 21:07 編輯 ]

阿舜

引用:

原帖由 jcpenny 於 2014-1-27 21:55 發表
在場的每一位觀眾相信都看到球員 (懷疑) 刻意輸波 , 如果不是事實講大一早有人上網澄清了
大家應該討論 (假如) 刻意輸波以達到走線及踢有對手是否有違體育精神
另一個值得討論是學體會或其它會有什麼方法可以防止, ...

jcpenny兄, 一日無片睇, 只單純以客觀既雙方對賽球員排名既成績, 我睇唔到係刻意輸波喎, 反而覺得賽果係正常添. 講真, 兩間學校既球員我都認識, 我識得城大球隊既人重多過港大球隊既人, 雖然可能會俾熟人罵我做乜唔幫佢地, 但我都希望可以避免太主觀來睇呢件事

既然無片睇, 客觀既排名賽果又無問題, 咁有問題既反而係出賽既球員名單, 到底係已經肯定出線後, 俾後備球員一個機會來比賽? 定係故意出弱陣來走線? 呢個真係見仁見志. 但我想講, 如果係打乒總比賽, 5個球員去晒打小組, 如果已經出硬線, 我諗最後果場都會出d未出過既球員. 不過當然呢次情況可能有少少唔同, 但到底實情係點, 都只有當事人既教練同球員知道

另外, 要防止走線既話, cgwc兄既意見唔錯, 就係學中學咁出線後重新抽籤
要防止踢走對手既話.... 我諗, 唔同既賽果都有可能會踢走唔同既對手, 無可能話要定規則唔准踢走邊一隊喎, 唔通想內定賽果? 想公平D既, 就只有分好種子隊, 但成績最後都要自己爭取.

[ 本帖最後由 阿舜 於 2014-1-27 22:28 編輯 ]

阿舜

引用:

原帖由 金擇魚 於 2014-1-27 22:09 發表
咁明顯既舉動，港大教練擺神童打雙打，如果係決賽都係咁出，我就冇野講。
而城大教練都冇諗過有人玩野，點都應該第二出線啩，錯就錯在冇出最強組合對專教院，呢次真係一大教訓。

講得岩, 計細分真係玩死人, 第二出線一向都唔穩陣, 尤其輸左俾第一種子0:3, 所以之後一定要場場盡力打先得
反而港大小組已經出左線, 神童真係出唔出都無所謂, 唔出既話重好, 唔駛引人話柄

(唔好意思, 金擇魚兄, 唔小心將引用按錯左編輯, 無改到你既野)

[ 本帖最後由 阿舜 於 2014-1-27 22:17 編輯 ]

阿舜

如果神童想避開謝, 可能決賽真係會打第一雙同尾場單架
如果大專賽制有改我就唔知啦

另外如果有人有片就放上來大家參考下啦, 唔駛而家各有各講

阿舜

引用:

原帖由 leoxiom 於 2014-1-27 22:36 發表
我唔知有無打假波,但睇到好多理倫,咩原來打比賽唔全力以付只係無違規同無體育精神咁簡單?乜咁樣做無羞辱和唔尊重對手和自己既成份咩?我又有所領唔啦! (但我仍然選擇全力打場輸波,都唔要被對手羞辱!)我企在被讓&#1254 ...

問題就係體育精神, 係指要場場都盡出主力, 定係肯定出線後可以俾後備出場?

而家無片睇, 只係睇對方對賽球員既排名同成績, 我真係睇唔到係打假波.

皇馬打盃賽對丙組出二線球員, 算唔算無體育精神?

熱火係第4節領先40分後換出占士, 算唔算無體育精神?

打乒總盃球員輪流出場打第一單, 算唔算無體育精神?

打丙團小組, 打最後一場前已知肯定出線, 所以俾第四第五球員出場, 算唔算無體育精神?

都係果句, 有片有真相, 請提供影片

[ 本帖最後由 阿舜 於 2014-1-27 22:58 編輯 ]

阿舜

引用:

原帖由 leoxiom 於 2014-1-27 23:20 發表
(大家都明白係巳出場比賽中的球員表現計),後備球員出場ー樣要全力以赴!
我相信論壇内有好多教練!我作為ー個家長,當然希望子女從勞力鍛練後憑着勞力比賽勝出,但是從打假過程中獲勝,我會認為 ...

唔係好明leoxiom兄第一句既意思, 係指港大既後備球員無出到全力? 定係贊佢地出左全力? 而家無片睇, 樓主同玫瑰木因為講大話, 欺騙左我感情 , 佢地講既野太主觀同唔太可信, 唯有睇對賽成績同排名, 都唔覺有假波既問題, 有片睇就另計. 難道leoxiom兄有係現場睇? 有無片提供?
(唔好意思, 又按錯左引用/編輯)

阿舜

引用:

原帖由 iseeyou 於 2014-1-27 23:45 發表
教練最大責任？即係教練要預人打假波？咁你咁講城大係抵死啦，佢俾人造都係自己拎嚟衰啦？！宜家係港隊為咗吾俾人出線，驚自己啲港隊走對手，但錯嘅係城大？你係咪痴線架？真係好懷疑你個人 ...

睇cgwc呢段, 我覺得佢講既係指城大無計算到港大會輸俾專教既可能性, 而唔係城大要計算港大要打假波, 請不要人身攻擊

阿舜

以前我重讀中大果時, 就算打宿舍盃既比賽, 都要用下博弈論計晒所有可能性, 諗晒最差既可能性來排陣, 以防萬一...... 如果排陣輸左既, 對手又無犯規無打假波, 都只有怪自己技不如人或唔夠深思熟慮, 而唔會以未能提供真憑實據既空口說白話來輸打嬴要人身攻擊.

[ 本帖最後由 阿舜 於 2014-1-28 00:07 編輯 ]

阿舜

iseeyou兄, 再提醒你一次,  再多一次人身攻擊就唯有ban acc ban ip, 希望你可以理性討論

阿舜

引用:

原帖由 cgwc 於 2014-1-28 00:14 發表

咁城大計漏咗, 教練就一定最大責任, 又想出線, 又唔出強陣, 咁做教練都有一定難度, 當然如果真係以體育精神角度出發, 每一次都出唔同學員, 明知有機會出線都唔出最強陣容, 大家開心下參與下輸贏冇所謂, 咁又 ...

跟據 http://www.usfhk.org/ 提供既資料, 首先係 港大 win 城大 3:0, 跟住係 城大 win 專教院 3:1, 最後係 專教院 win 港大 3:0, 細分就揾唔到