香港乒乓網 - Powered by Discuz! Board

標題: 冰總d人做野亂咁泥！ [打印本頁]

作者: happyyip 時間: 2019-2-7 10:04 標題: 冰總d人做野亂咁泥！

教練周年大會咁搞法, 冰總擺明想俾人插

全港教練花1.5hr出席你個俾面派對, 你唔係應該重點講未來發展方向, 或者一d同教練界有關既嘢咩？為乜俾成粒鐘間中學做介紹? 十足中學簡介會咁, 大佬而家係教練嚟聽talk, 唔係小學家長準備幫仔女升中ar! 聽成粒鐘中學簡介會？唔通冰總覺得咁既環節對教練專業發展有幫助？定係同間中學d呀頭熟, 要俾時間佢哋宣傳ar？

為咗鼓勵教練自己打波追求上進，就凡代表過香港打比賽或打到香港排名頭30既教練, 就有個「優」字？你食慒咗ar？教練天職係咩ar？梗係「教」唔係「打」啦﹗「教得叻」一定「打得叻」既咩？著名國乒教練吴敬平做球員時未入過國家隊，打波成績比唔上其他國乒教練，但人人都知佢教波掂，連許昕都申請轉投佢門下﹗即係唔洗「打得叻」都可以「教得叻」﹗點解冰總要俾個「優」字標籤「打得叻」既人，而唔係「教得叻」既人先？要表揚既話, 係咪應該表揚d出過好球員既教練, 而唔係「打得叻」既教練先？

咁都未算, 最離譜係成個會花成大半時間俾間中學做簡介, 搞到時間overun哂, d教練喺法定時間離開, 你居然話要mark低邊d教練走咗？想點相淋紅油ar而家？大佬人哋係法定時間走唔係早走wor, 你mark低係咩意思？咩態度呀？玩恐嚇ar？準時離開去教波有罪ar？人哋安排好時間教學生教學校﹗奉旨要响度同你撐場曬馬架？當初大會話明1.5hr, 人哋坐夠時間, 仲想點ar﹗

如果覺得d人走你無face既, 就反省吓點解以前大家咁俾面佳姐, 你新人上場就個個無歸屬感, 檢討下近一兩年搞咗啲咩嘢出嚟, 通通高級教練班綠色通道, 有邊樣野唔俾人質疑透明度公信力？邊樣野唔俾人鬧？新人上任後搞d優秀教練準則, 懶係公平公正, 卒之俾人造數據攞到奬, 而家頒d咩全年最xx教練奬, d準則係點我唔知, 只知道當中有個得奬女教練, 俾人周街貼街招, 唱佢搵人教波唔出糧. 究竟佢有無做過, 大家從四面八方打聽下然後自行定斷, 我就唔响度下結論嘞, 費時俾人話我誹謗, 不過見d群組周圍send冰總頒奬俾佢張相, 好多教練都chok住條氣, 腦裡出現7個字「殺人放火金腰帶」

我哋無權無勢, 似足謝安琪首歌《雞蛋與高牆》咁，跟本動搖唔到高牆，但仍有點點言論自由，借論壇呢個窗口為各位教練消消氣，好似鵝頸橋打小人咁, 希望呢個窗口唔會因為高牆壓力而關閉埋﹗唉, 冰總猛於虎ar

[ 本帖最後由 happyyip 於 2019-2-8 06:13 編輯 ]

作者: 柳承敏 時間: 2019-2-7 11:30

完全同意師兄所講，簡直說出了大部份教練的心聲👍

作者: williamkeung 時間: 2019-2-7 12:07

不如佳姐接返手，炒左條新人，她真是衰到無朋友，佢個朵

作者: 柳承敏 時間: 2019-2-7 12:28

不如分埋高級優啦，睇下有邊個高級教練可以打到香港前30，我諗前300都無幾多個

作者: 見義勇為 時間: 2019-2-7 17:38

初級AV，中級AV 男女優一樣
簡直係笑料，中級排前30，初級排60，要2019年也很搞笑，過去的排名榜可以完全唔計，有很多過去排前30，但年輕一代衝上來，跌出前30或60是正常，如果一班30幾40歲教練都可以長期排前30，咁香港既青少年就唔掂，新人事的搞作真係得啖笑，活在自己的世界，管小姐也因為工作量太多而請辭，相信好多職員敢怒不敢言，有好的路數就會走

作者: 薯輝 時間: 2019-2-7 19:32

認同到極，個政策完全好似行外人諗出黎咁，教練過咗當打年齡，排名低過當打後生仔好正常啦下話！當打既人有個優字，咁國家隊係咪應該叫樊振東做教練？原本d教練咪要收皮？

佳姐走咗乒總搞到群魔亂舞，閉門造車諗政策，無料扮4條，重數據不求實際，離地無譜無質素。

作者: 柳承敏 時間: 2019-2-7 20:19

同埋點解得中級和初級教練有得加個優？高級教練無？因為諗出黎果個知道如果高級都分埋，自己一定唔係優，所以咪得中同初分囉

作者: 薯輝 時間: 2019-2-7 23:04

d人去到咁上下高位就以為自己真係掂，不可一世自以為是.

建議乒總先將佢個位俾返佳姐，然後要佢重頭由低做起，向佳姐學野，培養d貼返地實際d既concept，唔好成個外星人離哂地咁

[ 本帖最後由薯輝於 2019-2-7 23:09 編輯 ]

作者: 見義勇為 時間: 2019-2-7 23:35

佳姐講野同果位女士講野完全唔同，佳姐好有說服力及德高望重，而果位女士自從上左果個位之後就不可一世，經常嚇D教練，槍頭對自己人，果位女士曾經是亞運女團銀牌得主之一，夥拍齊寶華陳丹蕾，而且更參加過92西班牙奧運，咁“當時”實力應該都有返咁上下，但佢今日既實力，我相信佢排200都冇，不過有條條例係前香港隊代表，可以有優，不過佢係高級教練，所以冇問題，如佢中級教練，應該是超齡女優

作者: 薯輝 時間: 2019-2-8 00:23

果位女士真係成日嚇d教練，高壓手段迫d教練服從，佢以權壓人點及佳姐以德服眾吖！佳姐發言著重乒運發展大勢，果位女士就一味present數據. 我唔係話數據無用，但分析數據應該交俾電腦搞，係輔助性，高層領導係需要佳姐既前瞻性，唔係嗰位女士既數字遊戲能力呀！所以果位女士邊有得同佳姐比吖！

講返，就算果位女士要高級教練分優等，咁佢都係前港隊，無問題格！只係d人會唔會㨂佢咁解啫，即係你當果位女士情況好似黃夏蕙咁，幾十年前好掂架，而家你㨂唔㨂得落手咁解囉

[ 本帖最後由薯輝於 2019-2-8 00:53 編輯 ]

作者: 見義勇為 時間: 2019-2-8 00:50

而家就係佢玩晒，想點就點，教練牌由多年前200/2年改左幾次，分別是300/2年，500/2年，300/1年，700/2年，好過去搶，暑假要規定教練入場5小時睇青少年國際賽，唔算多唔算少，前後又冇左半日，又增加乒總職員之行政時間，所以是很失敗的政策，最好佢落台返去教返佢既波就算

作者: 薯輝 時間: 2019-2-8 01:00

不賢而在高位，是播惡於眾也

果位女士上位搞到雞犬不寧，真係害人不淺

作者: 金擇魚 時間: 2019-2-8 03:46

教練冇工會,香港人又習慣做順民,
邊有人敢出聲反對,咪又係乒總話乜就乜
四百幾人註冊, 兩年都袋成廿八幾萬, 年年都開教練班搵錢
仲要比佢恐嚇, 最不知所謂係,唔去個俾面派對就唔續你牌
去左係有用既,要比錢都有人去.

作者: 見義勇為 時間: 2019-2-8 04:12

而家佢在所有教練面前就擺官威，那口那臉，你叫佢佢都唔想應你，但在其他上級高層或官前，咪又係一隻笑臉狗，又問長問短，駛5駛斟杯橙汁比你飲

[ 本帖最後由見義勇為於 2019-2-8 04:13 編輯 ]

作者: happyyip 時間: 2019-2-8 06:53

果位女士一接佳姐手就惡過共產黨ar！政策話行就行，完全無放下風聲or傾下先，當正自己土皇帝咁，任何野都係由上而下咁通知你，唔駛諮詢，只有知會

教練註冊費調整、暑假強制睇波時數、綠色通道、優字標籤⋯⋯⋯全部閉門造車整出泥

各位師兄講得啱ar，全因爲無教練工會，冰總班人又無人制衡，咪可以惡過狗囉

我認為第一個要俾人監察嘅就係果位女士，上任以來一味擺官威嚇教練，作威作福，無人覺得佢掂，搞邊樣衰邊樣，樣樣俾人鬧

作者: 見義勇為 時間: 2019-2-8 07:33

應該有機會反映比余主席聽，因為余主席不是很多時間在乒總工作，乜都交帶晒比發展總監，一直以來都冇事，咁余主席就以為冇事，下次5月份香港公開賽如有教練見到余主席可以直接反映，應該好有效果，又或者一直寄信去和興鋼鐵公司都得，呢間公司係余氏兄弟姊妹的，會更直接，寄去乒總投訴只會俾人撕爛，不了了之

作者: williamkeung 時間: 2019-2-8 07:39

乒總余主席你聽到大家憤怒的聲音嗎？

作者: 見義勇為 時間: 2019-2-8 07:50

有冇人有佢wtsp，forward俾佢睇呢個post

作者: 見義勇為 時間: 2019-2-8 08:39

700除2 即係350，初269中143高15加埋四百幾個教練註冊，應該每年有15萬固定收入

引用:

原帖由 金擇魚 於 2019-2-8 03:46 發表
教練冇工會,香港人又習慣做順民,
邊有人敢出聲反對,咪又係乒總話乜就乜
四百幾人註冊, 兩年都袋成廿八幾萬, 年年都開教練班搵錢
仲要比佢恐嚇, 最不知所謂係,唔去個俾面派對就唔續你牌
去左係有用既,要比錢都有人 ...

[ 本帖最後由見義勇為於 2019-2-8 08:41 編輯 ]

作者: ronald1834633 時間: 2019-2-8 10:59

其實冰種成立80多年都係高壓手段管理，記得N年前有個硏討會標題「青少年最新打法訓練」大約係咁。但其實係介绍山東魯能乒乓俱樂部，内容介绍魯能工夫好嘢！好好嘢！👍👍👍最後答問青少年訓練，怱怱幾分鐘便完。當然又係話必须参予，否则影响續證！
叫佳仔做番，吾好卦！叫個退休阿婆做，太辛苦佢！反映比煮直聽？邊得閒理你吖！佢係生意人，最好考多啲章！考教練要有章丶考青苗要有章丶精英隊要有章丶港青要有章丶連參加比賽都要有章真…真hard sell! 冇計佢係有限公司。

作者: 茶葉蛋 時間: 2019-2-8 11:27

計下數
訂場費用康文署比錢
裁判費用康文署比錢
球員每年有多少人註冊，每個收多少錢？
報名費每年又有多少人，每個收多少錢 ?
考章每年又有多少個人，每人又收多少 ?
加埋教練答問大會人數，又收多一筆
部份團體由5局3變3局2
有一些仲要得三隊一組，其中一隊棄權真是唔洗打?

作者: 茶葉蛋 時間: 2019-2-8 11:30

比賽有足夠人
考章收到足夠錢
主席不會為你們蟻民的帖改變，不過......

作者: yukiwong 時間: 2019-2-8 13:37

冰種攪成甘,唔怪得出咁多特異優秀教練啦! 一個是非精, 一個唔出糧! 一個玩死D家長同細路, 一個玩死D跟佢搵食教練! 真諷刺!

作者: kindama1201 時間: 2019-2-9 00:40

雖然冰總冇公會，但係可以通過傳媒把事情宣染開，就不信煮直聽唔到憤怒的聲音，

作者: 金擇魚 時間: 2019-2-9 10:38

咁而家係咪一級敎練完成課程，合格同實習
都冇證書架-

作者: happy1212 時間: 2019-2-9 20:56

講多無謂，行動最實際！

作者: kindama1201 時間: 2019-2-9 23:38

高級教練組的王x光是否識打波？有冇仁兄見過佢打波？如果佢出來比賽可否排300名前？

作者: (=^x^=) 時間: 2019-2-10 00:00

引用:

原帖由 kindama1201 於 2019-2-9 23:38 發表
高級教練組的王x光是否識打波？有冇仁兄見過佢打波？如果佢出來比賽可否排300名前？

王教練是我最尊重的教練之一，或許今時今日佢未必可以打到前300, 甚至前 600也不可以，但過去 30多年他為香港培育出不少人材，無論球技或球品十分出色。
在我心中，球品有時比球技更重要，勝負只是一時，球品可能是一世！

作者: happy1212 時間: 2019-2-10 10:43 標題: 回復 27# 的帖子

總好過一些人只識講，唔識做。唔怪得你地一次又一次被乒總欺壓。
我敢講，又敢做,給他們帶來大量額外工作和麻煩

[ 本帖最後由 happy1212 於 2019-2-10 11:03 編輯 ]

作者: happy1212 時間: 2019-2-10 11:27

如果乒總每次出現事故引起大量不滿，你們每次都聯署反影，一定會有效果的。
它是受政府資助，應向公眾負責的。

作者: 君子好球 時間: 2019-2-10 14:08 標題: 回復 1# 的帖子

詔令
什麼是天命？
一言九鼎。
為何要認命？
蟻民一名。

作者: cwchen 時間: 2019-2-11 10:17

王教練是我最尊重的教練之一，或許今時今日佢未必可以打到前300, 甚至前 600也不可以，但過去 30多年他為香港培育出不少人材，無論球技或球品十分出色。
在我心中，球品有時比球技更重要，勝負只是一時，球品 ... [/quote]

作者: 子健 時間: 2019-2-11 18:30

算啦！一早已失望！我都已經無續！

作者: kin123 時間: 2019-2-11 21:17

冰種政策倒行逆施，不得人心。

作者: 葉師傅 時間: 2019-2-11 23:21

以事論事,教練強項係教同練唔係打 . 想佢哋持續求進可以請人繼續考章 . 因為有更好基本功,才可繼續係前線培訓更好人才出來 . 而且亦可藉考章增加經費,根本就雙羸 .

[ 本帖最後由葉師傅於 2019-2-11 23:22 編輯 ]

作者: belcher168 時間: 2019-2-13 09:56

陳淑x?

作者: 速鳥 時間: 2019-2-13 10:42

「優質」是另類教練，指有志於日後成為《全職運動員》的培養人。

如果只打打波考考章，所有教練都是好教練

作者: HK-KC 時間: 2019-2-13 11:05

引用:

原帖由 (=^x^=) 於 2019-2-10 00:00 發表

王教練是我最尊重的教練之一，或許今時今日佢未必可以打到前300, 甚至前 600也不可以，但過去 30多年他為香港培育出不少人材，無論球技或球品十分出色。
在我心中，球品有時比球技更重要，勝負只是一時，球品 ...

其實之前有人已講出重點,教練最重要係識教波,唔係要當打,所以排名唔係反映教練的教波水平.
難道劉國粱以前打粒仔,依家已退役,就唔可以教國家隊,唔可以教反膠?

其實打開波的人都知,近年乒總政策都幾奇怪,但無人奈得佢地何囉。

作者: williamkeung 時間: 2019-2-13 11:22

唔通現在叫馬勒當拿踢得勁過美斯才可以教阿根廷國家隊咩！總監你貼地啲啦！乒總是否考慮叫她出去陪訓增值

作者: belcher168 時間: 2019-2-13 18:38

引用:

原帖由 happy1212 於 2019-2-10 11:27 發表
如果乒總每次出現事故引起大量不滿，你們每次都聯署反影，一定會有效果的。
它是受政府資助，應向公眾負責的。

以金錢計，最主要支助是恒生銀行。

歡迎光臨香港乒乓網 (http://hkttf.com/)