香港乒乓網 - Powered by Discuz! Board

標題: [球板討論] 請問兩塊相同既碳纖/纖維板，新舊唔同有分別嗎？ [打印本頁]

作者: 華朗先生 時間: 2016-8-26 00:53 標題: 請問兩塊相同既碳纖/纖維板，新舊唔同有分別嗎？

如題，一塊新，一塊打咗幾年，分別係點？

會唔好似羽毛球拍d缐咁？

謝謝

作者: egghead1969 時間: 2016-8-26 02:10

係睇點打法

，木板都有分別，何況碳纖/纖維板？

作者: GatienExtra 時間: 2016-8-26 03:49

舊的會軟d 力量減弱了些
新的硬d 好力水d
另外乒乓球板，不同批次也會有些分別打落的感覺有少少不同（以全新為例）

作者: egghead1969 時間: 2016-8-26 04:54

引用:

原帖由 GatienExtra 於 2016-8-26 03:49 發表
舊的會軟d 力量減弱了些
新的硬d 好力水d
另外乒乓球板，不同批次也會有些分別打落的感覺有少少不同（以全新為例）

過舊打得多既碳纖/纖維板，重有機會碳纖/纖維有斷裂

作者: 華朗先生 時間: 2016-8-26 08:35

謝謝回覆，咁一塊碳纖/纖維板平均要打幾多小時會變軟或達到最佳性能？定新板一開始已是最佳性能？（不計技術和打法）

作者: sunnyfung1 時間: 2016-8-26 08:54

其實只要冇經常跌過落地及撞傷，係吾會有問題的
好多時不是板軟，係人軟而已

作者: egghead1969 時間: 2016-8-26 10:09

引用:

原帖由 sunnyfung1 於 2016-8-26 08:54 發表
其實只要冇經常跌過落地及撞傷，係吾會有問題的
好多時不是板軟，係人軟而已

咁又唔係，冇跌過落地同撞傷，你日日打四、五個鐘；一年後，將你塊板同一塊全新板比較，你就覺有分別；只係一般人點會，日打四、五個鐘

作者: 華朗先生 時間: 2016-8-26 12:47

多謝#7既回覆，可以分享下日日打四、五個鐘；一年後既呢塊板同一塊全新板比較既分別嗎？如對球既速度，旋轉等

作者: egghead1969 時間: 2016-8-26 13:38

引用:

原帖由 華朗先生 於 2016-8-26 12:47 發表
多謝#7既回覆，可以分享下日日打四、五個鐘；一年後既呢塊板同一塊全新板比較既分別嗎？如對球既速度，旋轉等

我係拿住我教練塊板打一陣(塊板佢用來教左幾年波)，再試打塊新板，覺得新板快 d ，彈 d ，其實可能心理作用

作者: 華朗先生 時間: 2016-8-30 09:13

引用:

原帖由 egghead1969 於 2016-8-26 13:38 發表

我係拿住我教練塊板打一陣(塊板佢用來教左幾年波)，再試打塊新板，覺得新板快 d ，彈 d ，其實可能心理作用

你教練用的是碳纖定纖維板？你塊新相同型號既板在控球，旋轉同速度都比他的高嗎？

係咁既，我用朋友一塊同我相同型號既板（佢用咗幾年，打得多），我反而覺得我在同一技術，力量下，控球，旋轉同速度都好似比較好一些。

小弟新手，所以想請教各位板的性能會不會越打越好（當然之後會差咗），如果會，大約打幾耐到？等我唔使心思思成日換板 XD

Thanks

作者: egghead1969 時間: 2016-8-30 09:57

引用:

原帖由 華朗先生 於 2016-8-30 09:13 發表

你教練用的是碳纖定纖維板？你塊新相同型號既板在控球，旋轉同速度都比他的高嗎？

係咁既，我用朋友一塊同我相同型號既板（佢用咗幾年，打得多），我反而覺得我在同一技術，力量下，控球，旋轉同速度都 ...

纖維板；新板感覺去 d；你塊新板打個零月先再講

作者: ernestlaw 時間: 2016-8-30 10:20

Waldner係佢自傳中講球拍用咗四星期就開始轉差要換，信嗎？

作者: 華朗先生 時間: 2016-8-30 11:23

引用:

原帖由 ernestlaw 於 2016-8-30 10:20 發表
Waldner係佢自傳中講球拍用咗四星期就開始轉差要換，信嗎？

佢打全職（一個月，應該幾百小時）咁講得都好有參考價值。咁我一星期打幾個鐘真係唔使點換板

Waldner對Timo Boll 好好睇XD

作者: 橫變直 時間: 2016-8-30 11:30

打得耐軟左，其實可能只因受潮。例如洗拍，手汗，呵氣，無機膠水，天氣環境等。

作者: ernestlaw 時間: 2016-8-30 16:16

他認為是木纖維起了變化，但以專業球員四星期應有過百小時(外国球員較懶計)，
但以他們カ量、擊球質量及換膠頻密應與普通業餘者相差好多倍，板的使用變化度也應大有差異吧。

作者: 橫變直 時間: 2016-8-30 21:50

我覺得，多餘啦！張繼科佢自己塊VIS球拍，打左n咁多年啦。

變左質佢唔換左好耐咩？

作者: 金擇魚 時間: 2016-8-30 22:07

華拿果陣時用快速膠,換膠又密,打38MM D波又硬咁多,塊板梗係快散啦,五夾純木仲快玩完,一般唔超過兩年,如果你日日打既話.

作者: ernestlaw 時間: 2016-8-30 22:51

只係分享下聽聞過有關球拍使用壽命的講法，
普通如我者換拍大概都是其他原因，
既然打一世唔會有華拿功カ，一世唔換板都唔緊要。

作者: egghead1969 時間: 2016-8-31 01:19

引用:

原帖由 ernestlaw 於 2016-8-30 22:51 發表
只係分享下聽聞過有關球拍使用壽命的講法，
普通如我者換拍大概都是其他原因，
既然打一世唔會有華拿功ロ，一世唔換板都唔緊要。

正解，我教練都重未換板

作者: 華朗先生 時間: 2016-8-31 09:40

多謝大家回覆，分享專業球員和非專業的換板情況，保養方法等。

其實我係好奇想了解一塊球板既性能同打既時間對比（心中plot個performance curve，網上搵唔到)

華拿分享了換板頻率，但又冇講塊板幾時最好打，稱心（耐人尋味，但都知因人而言，我冇睇本書XD），我估他和張繼科比賽時用的板不會是全新的，但好奇想知佢地點選塊板去比賽。

分享一些網上找到的保養方法説保養後比購買時還好打（好似澎狂飇咁XD）:-

'          球拍壽命縮短,性能下降的原因之一是板身受潮濕所影響.
      而且這種影響從球拍誕生之日起就存在:潮濕的空氣浴!
      在貼套膠過程就存在:膠水的腐蝕劑!
      在打球的過程中就存在:汗水緊貼浸淫!
      在閒置過程就存在:不小心沾上雨水飲料或其他液體等等!
      總之,球拍從新鮮出爐之日起就要接受大自然的和人為的考驗與折磨!
      這個過程如果球拍因興長期性潮濕而導致性能下降拍身重量加重時(如同人類患風濕病一樣渾身骨痛,行動不便),對球拍進行科學抽濕是十分必要的.用電吹風只能起即時風乾作用,但其高溫烤幹辦法會導致板層膠水易開裂,從而損壞球拍.而且球拍內濕潤的木材因無法及時乾燥導致長期發黴致爛.從而使球拍性能下降:擊球力度下降,聲音發悶!
      用抽濕箱長期對不打球時的球拍進行靜態抽濕乾燥,通過矽膠緩慢但強有力的抽濕功能作用,能夠對球拍整體徹底乾燥,達到出廠前球拍誕生時的乾燥度:重量輕,聲音清脆通透的效果!比購買時還靚!
      長期達到這樣的效果,最少可有效廷長球拍使用壽命!特別是對自已最喜歡的球拍,更應當愛惜!
   購買照相器材乾燥箱一個(照相器材店有售:100元左右),放置矽膠乾燥劑2至4瓶(化工商店10元一瓶,照相器材店有售:15元一瓶).
   將球拍套膠脫離,清理乾淨球板身上的殘餘膠水,將球拍平放置於乾燥箱內,密封一周效果最好!取出後發現球拍重量減輕,聲音清脆,彈性增強!
   矽膠顆粒發暗紅即吸潮飽和,用器具盛放入徽波爐中檔3分鐘烤熱,拿出後待散熱不燙手即倒回乾燥箱關上,待其徹底冷卻後才準備投入第二次使用,正常情況下箱內溫度常年陰涼!
   全部投資約150元,矽膠可用二至三年.
   如果習慣每天打球必塗膠水,最好十天左右乾燥2-3天,每年天氣潮濕時最好一周放1-2天.當然,不打球時球拍放進去抽濕也無妨!'

(http://www.sunnywise.com.hk/article4.htm

作者: 橫變直 時間: 2016-8-31 10:12

謝樓上分享。基本上就係我講咁~「受潮」啦。

我的球拍正正是放在電子防潮箱。

歡迎光臨香港乒乓網 (http://hkttf.com/)