香港乒乓網 - Powered by Discuz! Board

標題: 克羅地亞乒乓遊記 [打印本頁]

作者: brian1115 時間: 2016-2-1 00:47 標題: 克羅地亞乒乓遊記

機緣巧合之下，我得到左一個去克羅地亞做交換生既機會，咁作為一個乒乓愛好者，唔打波就會身痕，好彩有朋友幫我搭好路，等我去到果度即刻有波打，咁就時不宜遲，我就講下我係果邊打波既所見所聞啦。

第一日打波：

第一日打波黎到呢到係一個訓練中心，同時都會有d Saturday League,同香港既球館差唔多，而我Join 左個Sunday League 亦都僥倖拎到第二名。

設施：
因為呢個場館係同網球場一齊營運，所以設施相當完善，有更衣室，Cafe 等，而打波方面亦都有裁判設備連分牌，派多球既架，Butterfly Table，地膠等等，休息既地方就有梳化，而且樓底極高 (起馬7-8 米高﹞，所以以打比賽黎講係相當適合。唯一不足之處就係佢地教教波仲係用緊40mm 舊波，打比賽先會有40+ ，全個球館有7-8 張台

對手打法同水平：
今次對手大慨有丙丁組水平，歐洲既業餘球員對小路球既掌握唔係幾好，好多時開短台下旋或者無轉都會落網出界，但係當佢回到既時侯你唔起手，佢地下旋吊起既上台率就好高，而當你係頂得一板之後，因為佢地打波弧線比較長，有時要局住退台對拉，咁力量同四肢短小的亞洲球員就會比較輸蝕，而佢地既步法唔一定係慢，但就唔一定係拼步，所以回身會比較慢。總括而言，當你頭三板做得好，對歐洲球手就會相當有利。

青少年訓練特點：
今次同左兩位13-14歲的朋友仔打，佢地的小路球同入台Posture掌控椏比大人好，而且對遠台對拉相當有信心，離台兩三米，正反手都有數，但係佢地有時離台太遠，當我回D 守勢d 既波比佢既時侯，就會因為佢地要趨前而令力度失控，而大部份的小朋友開波都比較開得出，可能一早已經預備反拉之類。

[ 本帖最後由 brian1115 於 2016-2-1 00:55 編輯 ]

作者: 閃人 時間: 2016-2-1 00:55

同鬼佬打過力量好爆