香港乒乓網 - Powered by Discuz! Board

標題: 你為什麼要打比賽? [打印本頁]

作者: lmichael 時間: 2016-1-29 10:51 標題: 你為什麼要打比賽?

有一天, 有另外一項運動的教練問我, 你為什麼要打賽? 我好簡單地問答, 想贏....., 咁佢話, 咁好易, 你同你班朋友打, 一定贏啦!! 你搞個公司內部比賽又得, 你又一定贏, 如果為左要贏, 你唔駛打公開賽啦, 咁點解你要打.....? 又係呀, 點解呢?

佢話, 其實你打比賽, 或者計分, 你是贏勁過你既人定差過你既人開心? 一定係勁過你既人, 點解? 點解贏勁過你既人會開心? 因為.......你超越左你之前既極限,挑戰成功左你自己. 所以, 其實比賽,重點唔係因為要贏人, 重點.....係要贏自己. 跟著,矛塞頓開.........

如果你打乒乓球,係為左贏人,你會有放棄既一天, 但如果你係為左挑戰自己, 你打到幾多歲都會打....., 對任何對手都不會害怕, 我因為咁, 轉左正膠. 由點樣贏人, 到邊個技術要練到.比賽心態,真係無以前咁大壓力, 反而發揮更好.

本身都跑長跑, 其實跑手,好多時都唔係望住自己拿什麼名次,因為長跑,其實不確定性更少,你跑什麼成績,基本上名次不會相差太遠, 跑手係...望住自己個PB(PERSONAL BEST)去跑. 其實乒乓球比賽,手態一樣, 每場比賽,就係望住自己所有技術, 戰術既PB去打.

作者: Ronaldinho 時間: 2016-1-29 11:34

矛塞頓開

作者: kei 時間: 2016-1-29 11:37

打波點解要打比賽

--  個人選擇，好似食雲吞麵可以加蔥或走蔥既道理一樣

--  一個過程，打波好似一個套餐咁樣，包好多樣野，例如練波，球局，友誼賽，公開賽等，當然，你係有權唔要一D野，包括唔參加比賽，好似一D人叫常餐走麵包一樣。但亦有好多人都會選擇食晒個常餐包括的東西。

--  一個聚會，其實我個人對比賽都不是有太大熱誠，輸贏，什麼乒總分數，我從不在意，但比賽令我最享受的地方是會遇到一些平時甚少見的朋友，唔可以話唔FRIEND，只係大家各有各忙，平時亦不會刻意安排聚會。就是比賽令一些好少見的朋友難得一聚，感覺好正，賽果?  WHO CARE?

作者: 葉師傅 時間: 2016-1-29 12:09

作者: 勁揪俠 時間: 2016-1-29 13:32

引用:

原帖由 lmichael 於 2016/1/29 10:51 發表
有一天, 有另外一項運動的教練問我, 你為什麼要打賽? 我好簡單地問答, 想贏....., 咁佢話, 咁好易, 你同你班朋友打, 一定贏啦!! 你搞個公司內部比賽又得, 你又一定贏, 如果為左要贏, 你唔駛打公開賽啦, 咁點解你要打 ...

咁點解要轉正膠????

作者: atcf 時間: 2016-1-29 14:00

好文，，挑戰自己，對自己的一種肯定，，這課題對我們業餘選手是很大功課

作者: Cyhng2Hf 時間: 2016-1-29 14:27

好分享

挑戰自己

作者: BrianDD 時間: 2016-1-29 14:31

其實可以有一千個理由,挑戰自已,享受時光,但最終的答案不離..............我愛乒乓

作者: 青見人 時間: 2016-1-29 17:50

引用:

原帖由 lmichael 於 2016-1-29 10:51 發表
有一天, 有另外一項運動的教練問我, 你為什麼要打賽? 我好簡單地問答, 想贏....., 咁佢話, 咁好易, 你同你班朋友打, 一定贏啦!! 你搞個公司內部比賽又得, 你又一定贏, 如果為左要贏, 你唔駛打公開賽啦, 咁點解你要打 ...

我覺得打比賽有點像謮書考試，把平時學得的技術學以致用，不同對手就像試卷上不同嘅題目，更甚者打每一球也像面對不同題目，不同嘅係你要快速應對等! 而且比賽更讓你訓練出獨自思考，對手用甚麼方法跟你打，你要用甚麼方法應對！這更能磨練出面對壓力時如何去處理！
至於轉打甚麼膠，我覺得不是單單為了去贏比賽，不同套膠有不同方法去打，去學會這些技巧，有時也是自我挑戰嘅一種表現！

[ 本帖最後由青見人於 2016-1-29 18:01 編輯 ]

作者: 無為 時間: 2016-2-3 13:24

歡迎光臨香港乒乓網 (http://hkttf.com/)