香港乒乓網 - Powered by Discuz! Board

標題: 特殊打法大放異彩 [打印本頁]

作者: 葉師傅 時間: 2015-6-2 21:48 標題: 特殊打法大放異彩

「2015恒生學界盃」於4月25日展開預賽，賽事進行得如火如荼，而在5月30日的大專組賽事，男子直板球手黃嘉浩及女子削球手陳美珊雙雙進入本星期日的複決賽。
現在是大學生的黃嘉浩及陳美珊聯同鄺啟軒、潘尚熙、洪振軒、麥子謙及周慧洋等前港青球員，肩負着代表香港出戰的重任，他們已聯同其他三位大專球員，於上月15日被派往南昌參加「第一屆全國青年運動會」。此賽事的參加資者必須是20歲或以下的青年球員，同時隊內必須有特殊打法(即直板、正膠粒及削球)的球員出場作賽。他們於南昌回港後立即投入恒生學界盃賽事，延續「一青運」的比賽狀態，各人都有不錯的表現。
每兩年一屆的「世界大學生運動會」將於2015年7月在韓國舉行，香港乒乓總會余國樑主席特意派出大專學生參加「一青運」作為「世大」的熱身賽，不論是小學、中學或大學的球員，都有不少代表香港參加國際賽事的機會，無時無刻都要裝備自己。現在特殊打法也備受重視，今次「恒生學界盃」此類球員也有不錯的戰績:

直板	正膠粒	削球
男大雙打亞軍梁二仁男大單打複決賽黃嘉浩男中單打前16張彥陶男中雙打複決賽楊甯男中雙打複決賽馬子迅男小單打前16范偉樂女大雙打亞軍林穎汶女中女單前16王麗詠	女大單打前8樊佩朗女大雙打冠軍盧樂兒女中單打前8劉淨嵐女中單打前8林曉晴女中單打複決賽歐陽美絃女中雙打複決賽林麗偉女中雙打複決賽趙慧明女小單打複決賽李凱敏	男中單打前16黃芷穎男中單打前16 鮑奕文男中雙打複決賽何永康男小單打前32劉縉諾女大單打複決賽陳美珊女中單打前16李仲欣

削球手陳美珊本是兩面弧圏打法的，約於三年前毅然改為削球打法，不久便進入港青隊，曾代表香港參加亞洲青少年錦標賽等國際賽事，今年更代表大專參加「一青運」及「世大」。一手促成美珊改為削球打法的歐陽北海教練表示，當時覺得美珊的對手力量不夠，弧圈球質量不高，認為美珊改為削球打法對她的前景會更明朗，一改之下，不單排名速上，且被選入了港青及代表香港作賽，如早點開始改為削球打法，現在的成績應會更好。
受惠於香港乒乓總會「削球發展計劃」的李仲欣、鮑奕文及劉縉諾排名分數不斷上升，削球技術也不斷進步。乒乓球運動引人入勝的其中一個原因，是其打法種類多，有如華山論劍，各門各派均可施展渾身解數，爭奪武林盟主。期待6月7日(星期日)各組別於「恒生學界盃」決賽日的精彩演出。

http://www.hktta.org.hk/cgi-bin/display/news.cgi?news=1184

[ 本帖最後由葉師傅於 2015-6-2 22:01 編輯 ]

作者: 乒乓在線 時間: 2015-6-2 21:52

NICE

作者: 葉師傅 時間: 2015-6-2 22:01

哈哈 ! 原來而家唔止正膠粒及削球,就連直板都歸納為特殊打法 .

作者: 乒乓在線 時間: 2015-6-2 22:04

青少年用直板被人覺得特殊, 有點像用省電凸鍵手機講電話都被人覺得特殊

作者: 閃人 時間: 2015-6-2 22:22

直板特殊打法,,,,,,,,,,囉命

作者: ronald1834633 時間: 2015-6-3 00:27

六丶七拾年代打波，一般都係直板粒仔或反貼，橫板球員較少。估吾到今時今日叫特殊打法，單邊日直打法更少，削球運動員比賽計分有優惠，点解特殊打法又無呢？對外比賽不適應削球，所以就鼓勵削球打法，事實上香港很多打法都不能百花齊放！冰總很多都是仿效國內，可以考慮本地團體賽中，一定要有特殊打法運動員至少一個(削球丶直板丶長㬵丶防弧圈等等)，這樣還有一點機會保留打法，又或者可讓年輕運動員多接觸另類打法，豐富技術。

作者: tomcat 時間: 2015-6-3 00:37

贏到波,自然有人學啦!

作者: KKFan 時間: 2015-6-3 12:43

香港新-代打直板,十隻十指數得哂,變成特殊打法,都係因為大多數教練都叫人學打橫板,變成特殊-D都唔奇

作者: 省港騎乒 時間: 2015-6-3 12:46

引用:

原帖由 ronald1834633 於 2015-6-3 00:27 發表
六丶七拾年代打波，一般都係直板粒仔或反貼，橫板球員較少。估吾到今時今日叫特殊打法，單邊日直打法更少，削球運動員比賽計分有優惠，点解特殊打法又無呢？對外比賽不適應削球，所以就鼓勵削球打法，事 ...

多D不同打法，百家爭鳴，打乒乓更富樂趣

作者: 青見人 時間: 2015-6-3 16:23

引用:

原帖由 KKFan 於 2015-6-3 12:43 發表
香港新-代打直板,十隻十指數得哂,變成特殊打法,都係因為大多數教練都叫人學打橫板,變成特殊-D都唔奇

這很難怪教練的，現階段學球的學員越來越細，有的K2已開始學球，小朋友手還很細，很困難握直拍，手指還未有足夠力量握緊球拍，勉強去打正手攻似還可以的，去到反手位，就要再考慮高度，雖然有矮枱配合，但要教反手推球又是一個難度。好喇，教反手橫打，又關乎到手指握拍的力量！所以問題就咁產生了！我哋以前打球多是3、4年班開始，也是自己玩多！所以較多直拍！
再者當教練叫小朋友打直拍，基於上述原因，小朋友可能不去學了，怎樣去解決呢？值得討論！
當然還未計有不少教練未必懂直拍的奧義！
最後，當直拍變成特殊打法！仲有咩嘢唔會發生呢？

[ 本帖最後由青見人於 2015-6-3 16:55 編輯 ]

作者: 青見人 時間: 2015-6-3 17:03

引用:

原帖由 ronald1834633 於 2015-6-3 00:27 發表
六丶七拾年代打波，一般都係直板粒仔或反貼，橫板球員較少。估吾到今時今日叫特殊打法，單邊日直打法更少，削球運動員比賽計分有優惠，点解特殊打法又無呢？對外比賽不適應削球，所以就鼓勵削球打法，事 ...

贊成加入在團體賽中，可以試推在其中一組團體賽，加入去不是問題，最重要係確保(特殊)球員落場出賽！否則變裝飾！

作者: atcf 時間: 2015-6-3 17:43 標題: 回復 10# 的帖子

很認同觀點。。。。。

作者: egghead1969 時間: 2015-6-4 10:06

引用:

原帖由閃人於 2015-6-2 22:22 發表
直板特殊打法,,,,,,,,,,囉命

打日直咪直頭係奇技

其實跟國內教練學球，如果係零開始，一定叫你橫版同反貼。首先直板上手慢過橫版，唔化算。用反貼，國內教練一般對粒仔有偏見，話粒仔打洗唔可能如反貼咁全面(我打長膠都認同)。但這些只限高手，一般人有乜所謂。其實識點處理就得

作者: KKFan 時間: 2015-6-4 11:02

引用:

原帖由 青見人 於 2015-6-3 16:23 發表

這很難怪教練的，現階段學球的學員越來越細，有的K2已開始學球，小朋友手還很細，很困難握直拍，手指還未有足夠力量握緊球拍，勉強去打正手攻似還可以的，去到反手位，就要再考慮高度，雖然有矮枱配合，但要 ...

都關教練事的,就算小朋友大了,有些教練都勸家長改打橫板的

作者: schlager 時間: 2015-6-4 11:44 標題: 回復 13# 的帖子

打日直，直頭係特技
家庭觀眾切勿模仿

作者: egghead1969 時間: 2015-6-4 12:51

引用:

原帖由 KKFan 於 2015-6-4 11:02 發表

都關教練事的,就算小朋友大了,有些教練都勸家長改打橫板的

當然關事，橫打上左年紀個 d 教練 (>40) 基本上係自我鑽研，你叫佢教，真係慘過返印度食咖哩。其實我覺得先學直板對腳法有幫助，遲 d 改打橫板，起碼側身個下真係打死橫板選手，係桌內波要返練一陣

作者: 青見人 時間: 2015-6-4 14:36

引用:

原帖由 KKFan 於 2015-6-4 11:02 發表

都關教練事的,就算小朋友大了,有些教練都勸家長改打橫板的

原因係乜？我上述係初學及啟蒙階段！
曾經有個外國青少年隊來港旅行，並到精英隊打友誼賽，當他對上我們橫板隊員，打得很是精采，但當對上直板隊員，即顕得應付不來？
何解，因為他很少對上打直板的球員！這是優勢，所以如我識人打直板，絕不叫他們轉橫！

[ 本帖最後由青見人於 2015-6-4 14:45 編輯 ]

作者: 青見人 時間: 2015-6-4 15:07

引用:

原帖由 egghead1969 於 2015-6-4 12:51 發表

當然關事，橫打上左年紀個 d 教練 (>40) 基本上係自我鑽研，你叫佢教，真係慘過返印度食咖哩。其實我覺得先學直板對腳法有幫助，遲 d 改打橫板，起碼側身個下真係打死橫板選手，係桌內波要返練一陣 ...

何解咁講？任何年齡嘅教練也需進修，況且為何大於40就是自我鑽研，細於40就不用䧞？請問如果一個球員由初學到退出，之後當教練，但佢整個打球生涯也打橫板，這樣他懂教直板嗎？或者當教練前去跟人學一吓直板嗎？如不跟人學，咁又算唔算自我鑽研呢？
另外我想講打直板的同學，步法未必好過打橫板的，側身上手也不一定直板好過橫板，要睇教練是如何訓練！
當然，我同意打直板的球員，步法要比一般打橫板的更好，這是基本！

作者: 閃人 時間: 2015-6-4 15:11

引用:

原帖由 egghead1969 於 2015-6-4 10:06 AM 發表

打日直咪直頭係奇技

其實跟國內教練學球，如果係零開始，一定叫你橫版同反貼。首先直板上手慢過橫版，唔化算。用反貼，國內教練一般對粒仔有偏見，話粒仔打洗唔可能如反貼咁全面(我 ...

自相茅盾.特區兩大當家一樣直板,生膠

作者: 阿舜 時間: 2015-6-4 19:39

聽聞某心水清人士得閒望住男子甲組既名單數一數, 原來男甲有近三分一(接近40名)打直板, 只係計前50, 都有13人以上用直板

睇來如果一樣野唔夠一半人做, 都會比人叫做特殊

香港男仔既人數少過5成, 睇來好快會有人叫港男做特殊男

[ 本帖最後由阿舜於 2015-6-4 19:45 編輯 ]

作者: egghead1969 時間: 2015-6-5 00:44

引用:

原帖由 青見人 於 2015-6-4 15:07 發表

何解咁講？任何年齡嘅教練也需進修，況且為何大於40就是自我鑽研，細於40就不用䧞？請問如果一個球員由初學到退出，之後當教練，但佢整個打球生涯也打橫板，這樣他懂教直板嗎？或者當教練前去跟人學一 ...

首先橫打出現到成熟時，個班教練個時己過左打球時期，已到教練期；所以一般都係睇片參考鑽研進修，好少落場學或打來用，但七十後就真係練過，打過。係有 d 唔同。當教練當然要學習，我以前有個教練最愛睇片學曬人地唔同開波模式，同我地練習比賽時，就搵我地班學生來試招

老實，做到教練 (特別係國內起碼打過省二隊個 d) 基本上橫、直基本功都識得，佢地係要打過嘛；但基本功同落場真係有 d 唔同。橫板你反手位搶側身同你直板搶側身後個板就唔同，個時練波搶完側身，再用返反手，正手咁彈出、彈入咁打，比個用直板的教練問我係咪起到跳舞

我起外國，可能同香港唔同掛

作者: schlager 時間: 2015-6-5 15:06

我覺得識教先系最重要; 而且學生吸收到先ok

作者: kelvinyaar 時間: 2015-6-5 18:33

作者: mryin 時間: 2015-6-5 19:02

the

作者: explozthelimit 時間: 2015-6-5 20:31

出去想搵個橫板反膠一齊玩都難, 全部直板

直板唔算特殊打法

作者: egghead1969 時間: 2015-6-6 06:51

引用:

原帖由 explozthelimit 於 2015-6-5 20:31 發表
出去想搵個橫板反膠一齊玩都難, 全部直板
直板唔算特殊打法

你個到係咪老餅球會

伊藤美誠剛剛比特技打法打死左

[ 本帖最後由 egghead1969 於 2015-6-6 06:53 編輯 ]

作者: 青見人 時間: 2015-6-6 15:45

引用:

原帖由 egghead1969 於 2015-6-5 00:44 發表

首先橫打出現到成熟時，個班教練個時己過左打球時期，已到教練期；所以一般都係睇片參考鑽研進修，好少落場學或打來用，但七十後就真係練過，打過。係有 d 唔同。當教練當然要學習，我以前有個教練最愛睇片學曬人地 ...

不如用香港教練為例，因為國手我不清楚是否橫直雙修，特指在學習期間，真的有國內教練橫直都同時教這班未來國手嗎？
我只説香港教練，現在也有很多新秀教練，80尾90後，如他們學球到退出後再當教練，而整個生涯只打過橫板，那他們教球時，如何教直板？佢哋係咪都自學？
我所強調係指是否自學？這不關年齡問題！

[ 本帖最後由青見人於 2015-6-6 15:47 編輯 ]

作者: explozthelimit 時間: 2015-6-6 20:54

引用:

原帖由 egghead1969 於 2015-6-6 06:51 發表

你個到係咪老餅球會

伊藤美誠剛剛比特技打法打死左

我都唔知, 見到後生都係直板
仲話直板沒落...

歡迎光臨香港乒乓網 (http://hkttf.com/)