香港乒乓網 - Powered by Discuz! Board

標題: 好欣賞康文署對投訴的回覆 [打印本頁]

作者: yeungsir 時間: 2008-8-26 03:26 標題: 好欣賞康文署對投訴的回覆

之前我打去１８２３政府熱線投訴康文署地區分齡賽有人(籃)用本區人仕身份報名, 大約兩星期後果然有康文署職員call back.
她說已接到多人的投訴, 而他們也有計劃實施每人只可用一次本區人仕的資格來報名, 當然她也很坦白的話暫時未有實施的時間表.

至於我舉例的哪個
“朱凱民”在10多區都有份, 她話有幾個區亦是用了本區人仕的資格來報名, 他們會call這類人去check住址.

我好希望康文署可以早些實施新計劃來杜絕這問題.

作者: Ricky~Moon 時間: 2008-8-26 08:21

引用:

原帖由 badchild 於 2008-8-26 03:26 發表
之前我打去１８２３政府熱線投訴康文署地區分齡賽有人(籃)用本區人仕身份報名, 大約兩星期後果然有康文署職員call back.
她說已接到多人的投訴, 而他們也有計劃實施每人只可用一次本區人仕的資格來報名, 當然她也很 ...

十多個區都有份,而只有幾個區用本區,有冇咁好彩呀?抑或有特殊關係?

作者: kwokwy 時間: 2008-8-26 08:57 標題: 回復 3# 的帖子

其實我估唔少人在多區分齡賽都用本區名義去報，唔係邊有咁好彩可以打幾個區。我報哂咁多區，非本區就只有一區抽到正選啦。

作者: 防守王 時間: 2008-8-26 10:57

老實講, 本區的意思, 即係能代表自己所居住咁解. 當然, 有人有十幾頭住家就無野講, 但係應唔應該比果個有十幾頭住家既人, 報晒十幾個本區呢?! 呢個係主辦單位既考慮.

咁有要睇下比賽既目的. 若果係為左保障本區有多一點機會抽到比賽的話. 咁十幾頭住家果位, 就有十幾次保障啦!!! 相對其他得一頭住家既人黎講, 當然無咁公平!!

仲記唔記得第一屆全港運動會. 區代表既問題. 幾乎攪到打唔成!! 個個都嘈.

作者: kwok lun 時間: 2008-8-26 20:31

咁樣用非本區咪可以中多d^v^

作者: BaBy浩 時間: 2008-8-27 10:51

下,我年年都係打得1區,有年好似無tim~

作者: ?俊仔? 時間: 2008-8-29 12:24

極之贊成

作者: ?俊仔? 時間: 2008-8-29 12:26

引用:

原帖由 badchild 於 2008-8-26 03:26 發表
之前我打去１８２３政府熱線投訴康文署地區分齡賽有人(籃)用本區人仕身份報名, 大約兩星期後果然有康文署職員call back.
她說已接到多人的投訴, 而他們也有計劃實施每人只可用一次本區人仕的資格來報名, 當然她也很 ...

唔止朱凱文係咁，仲有好多人都係咁

作者: Q_Q 時間: 2008-8-30 21:54

我六月時亦有投訴過，以下是康文署的回覆。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
X先生：

謝謝閣下於27/6/2008發出的電郵。其後我們已將個案轉介給康樂及文化事務署跟進，該部門的回覆如下：

本署各分區康樂事務辦事處均有舉辦地區乒乓球分齡比賽，歡迎有興趣的市民報名參加，為鼓勵市民多參與體育活動，本署並沒有限制市民在分區的報名次數，但由於報名參加比賽的市民十分踴躍，故設立「本區居民」優先報名的安排，本署已考慮到主辦活動的分區辦事處職員對區內的街道、屋苑和學校較熟悉，能有效地核實證明文件，所以若以「本區居民」報名的人士，只可於所屬當區康樂事務辦事處繳費，以防止優先機制被濫用。

本署轄下各分區康樂事務辦事處會嚴格執行上述的要求，並會繼續留意以「本區居民」身份報名的情況及檢討現時政策，以防止優先機制被濫用。本署已紀錄你的意見並會盡快檢討有關政策。

最後，多謝X先生的意見。

如閣下還有其他問題，歡迎再與我們聯絡。

1823 政府熱線
客戶服務主管
XXX 謹覆
4/7/2008

作者: James 時間: 2008-8-30 23:19

其實小朋友或者年輕人，以為多些參加賽事，多吸收比賽經驗以加強自己的能力，所以濫用了這個（本區）的優先機制。我覺得尚可了解，因為他們不竟入世未深，不懂得暗地里照顧他人的利益（燈光火明，眾目睽睽下，他們大部分都懂得照顧他人，例如：地鐵內讓座予有需要人士）

但是，有很多成年人，年過40，居然厚著臉皮做出這種德行，有些人更洋洋得意地到處宣傳他們如何成功，實在是令人費解。今時今日，要打球太容易了，又多得HKTTF經常舉辦賽事，相信一年加起來連同乒乓總會，康文署，還有工聯會等等等等等都有不少比賽的機會，其實沒有必要這樣做。

最重要的是他們家里都有小孩子的，身教是極其重要的，父母怎麼做，小孩子照樣辦，後果是很嚴重的，在此呼籲各球友三思三思。

[ 本帖最後由 James 於 2008-8-30 23:26 編輯 ]

作者: 青見人 時間: 2008-11-18 03:06

傳聞早前康文署已訂出條例, 每人只可以一區本區身份報比賽, 其餘地區不論你有証明與否都不可以以本區人士身份再報, 否則取消資格!!

作者: kaka061011 時間: 2008-11-18 10:57

原來甘多人同我一樣投訴過這同區問題...............多謝各位正義之師.
投訴還投訴...做吾做-大把藉口.....希望明年可改善啦

歡迎光臨香港乒乓網 (http://hkttf.com/)