香港乒乓網 - Powered by Discuz! Board

標題: [綜合技術] 對快的對手 [打印本頁]

作者: super_phoenix 時間: 2014-7-5 22:10 標題: 對快的對手

各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

作者: 十萬轉vs零轉 時間: 2014-7-5 22:11

唔好同佢鬥快, 以轉剋快

作者: monkey330 時間: 2014-7-5 22:19

引用:

原帖由 十萬轉vs零轉 於 2014-7-5 22:11 發表
唔好同佢鬥快, 以轉剋快

咁十萬轉咁轉,應該點打

作者: 李劍峰 時間: 2014-7-5 22:36

十萬轉咁轉,轉身走,唔洗打

作者: super_phoenix 時間: 2014-7-5 22:53

我今晚都係，但係一拉起佢頂完又變快了

作者: 葉師傅 時間: 2014-7-5 23:50

以慢制快;唔係唔快;適當地快;有慢有快 .

[ 本帖最後由葉師傅於 2014-7-5 23:51 編輯 ]

作者: 速鳥 時間: 2014-7-6 00:06

我見過位香港快攻球手對個日本小朋友，頭幾球快到個日本仔睇都睇唔到，個日本仔就記住快攻手的出球路線，每板波的落點位置，跟著唔洗講，每球都一早企定，檔檔檔，所見招數用晒，日本仔贏了。

作者: super_phoenix 時間: 2014-7-6 10:53

防到就係的，一到比賽就手緊到死

作者: cheungwahlee 時間: 2014-7-6 13:04

理論歸理論,始終都要多的參加比賽,
累積經驗,快中慢對手都對過,自然
就懂得應對了。

作者: super_phoenix 時間: 2014-7-6 18:37

謝謝各位球友教路，希望下次可以解決對快的小朋友呢個問題

作者: davidlai0426 時間: 2014-7-27 14:28

以拉球去控制對方的速度，這樣做有以下兩種情況：
1. 拉出的球如果對方快推，以慢拉(快帶)還擊，關鍵在於對手推球是長或是短；
2. 拉出的球如果對方慢推，若來球較短，以快拉還擊；若來球較長，以怏拉(加轉)還擊。
以上是小弟愚見，有望指正。謝謝。

作者: friendlybrother 時間: 2014-7-30 21:37

引用:

原帖由 super_phoenix 於 2014-7-5 10:10 PM 發表
各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

網友Super_phoenix，

若果對手打出來的球太過快，你不能跟得上，最好就是避免和他鬥快，因為快是他的強項。

要阻止對方快，首先你自己開波的時候要開慢波，以發重下旋短球去阻止對手以快攻手段打回頭。千祈唔好發無轉或上旋，因為對手好易抽過來。若果對手不能以快攻手段打回頭，只搓回來，你就要把握機會搶拉，令到對方只能被動的擋，他被動的擋肯定不及主動的快攻的球速咁快，你就以連續拉及落點取勝。

戰例：當年的快攻手江嘉良及劉國樑，就是被華拿以下旋球成功阻止以快攻手段進攻，他們只能拉小弧圈球吊起個下旋，由於球速不高，往往被華拿反衝。

若果是輪到對方發球，對方可能會故意發急長上旋球給你，以制造機會和你鬥快攻。你在近台，若果身體反應唔夠佢快的話，你可以預先退後一步，就可以大大增加反應時間，你就要把握機會搶拉，令到對方只能被動的擋。

若果對手發短球點算？咁你得米啦，對手發短球肯定是慢球，佢自動放棄自己打快攻的優勢。

若果對手在被動的情況擋你的弧圈球，強行發力以加力推擋回來，又如何應付？

你可以拉有轉無轉及以落點變化去控制對手，你不用怕啦，佢亂咁發力打，一定會有好多失誤，盲目送分給你。

你本身已是兩面反貼，你轉做橫拍基本上無幫助你解決問題，可能你根本的問題是直拍的反面只是裝飾，你沒有練橫打。但是，你轉做橫拍，只是握拍方式改變了，是不會自動送給你反手進攻技術，你的問題不單止依然存在，甚至要額外浪費時間去適應橫拍握法。

轉用長膠有利有弊，首先你轉用長膠，是不會自動送給你長膠進攻技術，你的問題不會立即自動解決。若果每個球員都因為唔夠人打，就轉用長膠，就可以由輸變贏的話，咁個個都去轉用長膠啦，咁係唔係會保證一定會贏呢？到頭來又係要以技術取勝！

其實你既問題有兩大個：
1. 以下旋戰術阻止對手快
2. 增強反手的進攻能力

作者: 反膠王子 時間: 2014-7-30 21:42

提示: 作者被禁止或刪除內容自動屏蔽

作者: atcf 時間: 2014-7-30 22:29

今晚好多高手在此過招，得益不少

作者: 乒乓在線 時間: 2014-7-30 22:38

華拿的前衝勁勁勁

作者: Sir_Wong 時間: 2014-7-31 20:55

引用:

原帖由 super_phoenix 於 5/7/2014 22:10 發表
各位球友，如果你們對球速比自己快的對手可以點打呢？我用直板兩邊反膠，正考慮後面轉長膠或橫板兩面反貼，當然，我都知要練基本功的。謝謝

對付快鎗手,請參巧以下方法:
1. 發重下旋短球
2. 接發球準備對手衝你正手中路反手必有一路較弱集中火力攻其短避其長
3. 學反手擰球枱面反攻
4. 學下蹲式發球增加發球本錢搏對手唔適應
5. 明知對手比自己強, 要練發球搶攻,攻勢由自己引發, 進攻是最佳的防守, 不是望贏只望分數拉近.
6 如對手發短球, 要練接發球搶攻
7. 平時要練發 '白邊球' , 贏左講句'SORRY' 唔中白邊這球都唔易接, 練得好發十球中一、二球白邊
凡搶攻都要全力狂打, 搏兩球中一球都有化算, 起碼有五分, 唔攻可能得一兩分 !

歡迎光臨香港乒乓網 (http://hkttf.com/)