香港乒乓網 - Powered by Discuz! Board

標題: [是非] 令人失望的大專盃參賽球員 [打印本頁]

作者: wangho 時間: 2014-3-4 20:39 標題: 令人失望的大專盃參賽球員

我覺得其實冇話誰對誰錯,在CITY立場就覺得HKU突登輸波導致其不能出線4強,
而另外則有人認為為什麼CITY陣容絕對夠贏IVE 3:0但卻排咁既陣以致不能贏3:0,更有人想直板轉橫板HEA比賽,大家都互相指責,其實比賽唔單止比球技,戰略都係其中一環,甚至所有所有都要計到盡~HKU走線亦不是什麼打假波(什麼叫打假波可以自己GOOGLE)!!

到決賽日當天,相信令大家對運動員其望非常失望,是否不君子行為由大家定奪,某電視台亦已全程錄影,頭3場比賽都沒什麼大問題,大家打氣亦很正常,到第四場一球懷疑擦邊球開始發生變化,那球咁明顯有無擦邊HKU自己心知肚明,CU方的場外更有人大叫為什麼不看錄影帶?但可知道就算係睇都只係睇官方錄影片段,現場有誰是官方錄影?
擦邊球後,CU急起直追,CU打氣其間,球員中大某球員的行為讓所有場外人都感到敵意,場外不少觀眾都不禁說出:打氣姐,打架咩?(動作行為的確好似聊打架)世界賽都不用這樣吧!此行為確實令CU其他運動員及其冠軍蒙上污點!

我沒有幫誰,老實講,兩方都令人失望,希望來屆會有所改善,大家不必埋怨於賽制,每一個制度都有它的好壞!

作者: cykwok 時間: 2014-3-4 21:20

打比賽，體育精神好重要，人嘅品格亦十分重要！

作者: grizzlyhk 時間: 2014-3-4 21:39

我完全係路過嘅，完全唔識呢個系列提過嘅全部人，
不過全部提過嘅球員大部份我都熟悉各人嘅球品
全部我都最少做過10年佢哋比賽嘅裁判

其實睇咗咁耐你寫咗咁多嘢又用個新帳號會唔會令人覺得你講嘅嘢有咩唔見得光。。。其實你大大方方實名控訴先有你要嘅效果

作者: tkh 時間: 2014-3-4 23:48

wongho,

你曾在(懷疑大專打假波)一帖中回應寫：
「當天我有在場看伍偉X(179)對李偉X(131)……」、「樓主一開頭講成龍盃CITY贏HKU，所以HKU以CITY為眼中釘，但大專盃一開波卻輸HKU3:0，點解你有唔質疑下係咪CITY想走線而比HKU破壞事敗?既然大家都覺得CITY個陣容係強既，又點解會輸3:0咁多?按照樓主的推理方向，以CITY的陣容，如此多甲組，冇可能輸3:0」

我曾作以下回應：
若你親眼目睹球賽，而又是「打開波」的人，相信你如非大專賽參與者，也必對香港球圏有一定認識了。港大一眾球員實力如何，你自然清楚。至於城大，以你的見識，難道會覺得陣容不強嗎？但兩強相遇，我說港大勝算較高，相信不會有異議。......若城大狀態好而港大稍有失準，城大在成龍盃擊敗港大，不足為奇。又，以港大陣容之強，如果發揮出色而城大未有超水準表現，港大在大專賽以3比0擊敗城大，也不足為怪。反而，如果你是打開球又熟悉球圏的人，按理不會有帖264的質疑。.......你指「點解你有唔質疑下係咪CITY想走線而比HKU破壞事敗?」........城大對港大那場是在較早時間進行的，城大當時也未有十足把握可以出線，此時考慮走線似是不合常理......

乒乓麥兜也曾指出確有隊友因看見港大表現(疑似做假)，有隊友在「比賽前的對練間」曾改變握拍方式，但經拍擋提醒，已用回本來握法並全力以赴作賽。而那場比賽是對教院(HKIEd)，而非你上述指的對專教院(IVE)。

一直未見你回應，現在有人發新帖描述港大輸掉球賽，其他人大快人心，你就出來另開新帖，口說沒有幫誰，但又再打相同內容，暗示城大也有做假的可能，又說 (戰略都係其中一環,甚至所有所有都要計到盡~HKU走線亦不是什麼打假波)。無論你的論點和發言時間，也很難令人不質疑開帖動機是偏幫港大，想將走線合理化，企圖轉移視線，欲將指向港大的矛頭轉向其他院校。你再次意圖暗指城大有可能做假，但也無新的理據去反駁我的解釋。另外，你說(HKU走線亦不是什麼打假波)，請問故意輸球走線的戰略是否光明正大，合乎體育精神？如果是，2012倫奧羽毛球賽的所有走線球員，又為何全部被大會取消資格？

關於以上所引述的言論，請參考：
http://www.hkttf.com/viewthread. ... age%3D1&page=13
http://www.hkttf.com/viewthread. ... age%3D1&page=14
http://www.hkttf.com/viewthread. ... age%3D1&page=15

作者: 志哥 時間: 2014-3-5 01:16

睇左樓主個貼, 我都好失望, 佢竟然講到走線好合理, 特登輸波走線都唔算打假波

.....我就覺得體育運動最應該就係在場上一決高下, 如果用其他計謀KO對手都有違體育精神, 如果唔係奧運都唔會取消走線球員資格啦

至於中大果位囂張球員我都估到係邊個, 佢的確係draw得衰既

所以, 大專盃都係小人當道, 唯有靠如來外星人張佢地一一收服哈哈

作者: 青見人 時間: 2014-3-5 04:50

引用:

原帖由 wangho 於 2014-3-4 20:39 發表
我覺得其實冇話誰對誰錯,在CITY立場就覺得HKU突登輸波導致其不能出線4強,
而另外則有人認為為什麼CITY陣容絕對夠贏IVE 3:0但卻排咁既陣以致不能贏3:0,更有人想直板轉橫板HEA比賽,大家都互相指責,其實比賽唔單止比球 ...

有冇片睇?

歡迎光臨香港乒乓網 (http://hkttf.com/)