香港乒乓網 - Powered by Discuz! Board

標題: [是非] 小朋友打削球有出路嗎？ [打印本頁]

作者: (=^x^=) 時間: 2013-12-31 15:02 標題: 小朋友打削球有出路嗎？

世界各地都出不少長膠及削球高手，最近東亞兒童杯女子冠軍便是削球手，正確是冠軍亞軍都是削球手
今年三宝杯台灣來的一位男子選手也是削球手，朱世赫都是頂頂大名的削球手，唯獨是香港出的削球手不多
其中一個原因可能是教的人不多，但最后新一代乒總邀請了盧傳松表演，而另一退役球手陳柄強也是削球高手，原來打削球是不分男女
最近兩年在向陽杯女子有1卅3是削球手，可見削球在現今的乒壇也佔很重要的一個位置
兩邊反貼的球手太多，如想更容易入選港青或少年精英，其实小朋友可以考慮打削球，那麼相信机會可能會更多
當然在香港要學削球，可能真的要跟來自國內的教練
以我所知精薈王晶是打削球出身，也曾得世界第五，而盧傳松也回來香港陪育下一代削球手
有意讓小朋友嘗試削球的小朋友可以上網自已再找找資料，特別力量不太大的小朋友削球以柔制剛可能更適合
條條大路通羅馬，希望有一天香港也能出一個香港朱世赫！

[youtube]_qTcXTSZggo[/youtube]

[youtube]7mNDrEVm72E[/youtube]

作者: eddieho 時間: 2013-12-31 15:15

我希望朗朗都係打長膠近枱閘波，出枱就削波。仍在努力學習中。

作者: carfielddog 時間: 2013-12-31 15:31

好似明年青少年團體賽隊內一定要有一名削球手！

作者: eddieho 時間: 2013-12-31 15:33

引用:

原帖由 carfielddog 於 2013-12-31 15:31 發表
好似明年青少年團體賽隊內一定要有一名削球手！

甘朗朗米變左好搶手！

作者: 十萬轉vs零轉 時間: 2013-12-31 15:54

那要睇你"出路"的定義啦, 我相信在香港, 上到甲組, 甚至冠軍絕對不是問題, 但出到外面, 就算普通的ITTF Junior都好難打

作者: kenken168 時間: 2013-12-31 16:18

呢個係大氣候！
國手中，男隊未有一線球手，女隊中只有武楊係一缐。
朱世赫咁多年好像只係贏個一次韓國公開賽男單冠軍。
近期最出色係2013日本公開賽冠軍 Masato Shiono，但佢當時連國家隊都未入選！
所以，削球手的路不比反貼球手易行。

作者: hungwahsun 時間: 2013-12-31 17:02

香港小朋友一般体能会较差,退一步练削球是不错的选择.

作者: gx7615 時間: 2013-12-31 17:35

遲下轉塑料球旋轉更少
可能不利削球手

作者: hungwahsun 時間: 2013-12-31 18:59

引用:

原帖由 gx7615 於 2013-12-31 17:35 發表
遲下轉塑料球旋轉更少
可能不利削球手

不一定.对手拉过来的球没咁转,更容易削回去.

作者: 金擇魚 時間: 2013-12-31 22:29

引用:

原帖由 hungwahsun 於 2013-12-31 18:59 發表

不一定.对手拉过来的球没咁转,更容易削回去.

你削球旋轉變化小左,對手更容易拉,沖,打擊過去.

作者: tomcat 時間: 2014-1-1 11:22

現今削球打法淨削防守等對手失誤贏面不大,
.防守只係手段,攻球才是最后殺着,
故削球打法要練的技術其實更多更全面.(枱內/外技術/攻轉防/防轉攻/發搶.......)
易因打法須要跑動的範圍更大,,腳下功夫更少不了,
一般削球手用的球拍/膠皮相對攻球手的,彈力是較弱,要求自身發力多,在攻球時更為明顯,
因此削球打法對體能的要求更高.

作者: KSLiu 時間: 2014-1-1 13:19

我認為兒童, 尤其是U9, 或祗打波2-3年, (一星期7天學波的除外), 不宜急功近利, 以為可以較快贏得比賽取得成績而專攻削球. 愚見是兒童應先全面學好基本功, 鞏固基礎, 能拉能打, 可攻可守, 再由教練或有經驗者根據兒童的特點作出建議. 一個優秀的削球手除了具備削死磨死對手的技術外, 也能够預見到並把握好機會進攻; 更重要的是削球手必須要有很大的耐性, 令對手沉不住氣自己打失或出現機會球. In one word, 不是每一個小朋友適宜打削球.

作者: cgwc 時間: 2014-1-1 14:54

還有場地問題, 削球空間需要較大的地方。

作者: KKFan 時間: 2014-1-1 15:59

引用:

原帖由 KSLiu 於 2014-1-1 13:19 發表
我認為兒童, 尤其是U9, 或祗打波2-3年, (一星期7天學波的除外), 不宜急功近利, 以為可以較快贏得比賽取得成績而專攻削球. 愚見是兒童應先全面學好基本功, 鞏固基礎, 能拉能打, 可攻可守, 再由教練或有經驗者根據兒童 ...

恕我要在這加把咀.....削球也是基本功-種,因少人練而變成特別或被誤解為急功近利,只是大部份人喜歡打拉波同攻波吧|
好像現今新一代大多數學橫扳而忽略直板,因大多數人都覺得易學,也給人感覺較易取得成績.....那算不算急功近利? 可能將來打直扳都變成急功近利,因少人學少人打.
所有打法都要練好基本功,無-種技術係唔使練....•也請不要限制自己要先學那一種打法唯先,應以自己的興趣作適當選擇

作者: KKFan 時間: 2014-1-1 17:43 標題: 回復 15# 的帖子

我都很喜歡睇有削球的比赛，不是常常有

作者: eddieho 時間: 2014-1-1 18:44

引用:

原帖由 KKFan 於 2014-1-1 15:59 發表

恕我要在這加把咀.....削球也是基本功-種,因少人練而變成特別或被誤解為急功近利,只是大部份人喜歡打拉波同攻波吧|
好像現今新一代大多數學橫扳而忽略直板,因大多數人都覺得易學,也給人感覺較易取得成績.....那算 ...

kk說得對！我見朗朗跟盧sir練波，練基本功不會比打兩面反貼舒服，反而要步法走緊加多。削中一定要練埋正手大板攻擊的。

[ 本帖最後由 eddieho 於 2014-1-1 18:46 編輯 ]

作者: eddieho 時間: 2014-1-1 19:11

引用:

原帖由 Suki 於 2014-1-1 19:00 發表
百花齊放，對於香港乒運來說。相信是多贏的局面，包括我哋觀眾！！！

因為每人的性格同體質不同，所以會有不同打法！

作者: kenken168 時間: 2014-1-2 10:13

引用:

原帖由 KKFan 於 2014-1-1 15:59 發表

恕我要在這加把咀.....削球也是基本功-種,因少人練而變成特別或被誤解為急功近利,只是大部份人喜歡打拉波同攻波吧|
好像現今新一代大多數學橫扳而忽略直板,因大多數人都覺得易學,也給人感覺較易取得成績.....那算 ...

我對急功近利有另一個看法。
小朋友初學削球，打長膠，於比賽中面對同齡對手會佔優，因小朋友不易適應長膠�削球的旋轉變化，的確較易取得成績。但到少年期間，技術到了中期可能會停頓不前，因為要做到Masato Shiono那樣，於對手連續弧圈進攻中變化速度，反拉，甚至連續對拉，的確不容易。
所以父母要明白打削球要出頭，可能會比其它打法更加困難。

作者: (=^x^=) 時間: 2014-1-2 10:35

如果以非正式統計
香港100個小朋友 90個打兩邊反貼橫板，0個日直，1個中直，其餘不是粒仔便是長膠，我同意在香港打長膠出成績是較容易，畢竟不是個個懂應付長膠，如果只守的削球出路當然不會好，但若做到能攻能守情況可能不一樣。

如果港青有十個位 7 個比兩邊反貼，三個比怪膠，入選机會率還是高點，打削球的確不會是易走的路，但打兩邊反貼也不見得容易，相反打長膠較容易打到80歲

作者: 速鳥 時間: 2014-1-2 11:43

哈

呢個係唔會有答案的問題，因為與當時技術發展及社會睇好有關，邊樣存在優勢，不如唸下邊種自己打起來會覺得優美、典雅，靚靚，好似件衫，穿上身再合社會潮流，就會多觀眾為你拍手叫絕

。
唔係講笑的，因為合適打法，其實係與生俱來的，只不過後天發掘出來，如果不合身的衣服，件衫幾勁都會感到『衣不稱身』，點打都無出色。

作者: alberluk 時間: 2014-1-5 00:05

真正的削球手，步法及体力要比攻球手要求更高，現在香港的小朋友体能極差，不論什麼運動，体能要求是最最最基本。

作者: 葉師傅 時間: 2014-1-6 22:16

引用:

原帖由 (=^x^=) 於 2014-1-2 10:35 發表
如果以非正式統計
香港100個小朋友 90個打兩邊反貼橫板，0個日直，1個中直，其餘不是粒仔便是長膠，我同意在香港打長膠出成績是較容易，畢竟不是個個懂應付長膠，如果只守的削球出路當然不會好，但若做到能攻能守情 ...

最好係每5位,最少1位打直拍,1位打削球,其餘3位自由發揮 .

作者: zeio 時間: 2014-1-7 05:51

引用:

原帖由 kenken168 於 2013/12/31 16:18 發表
呢個係大氣候！
國手中，男隊未有一線球手，女隊中只有武楊係一缐。
朱世赫咁多年好像只係贏個一次韓國公開賽男單冠軍。
近期最出色係2013日本公開賽冠軍 Masato Shiono，但佢當時連國家隊都未入選！
所以 ...

提到朱世赫，邊有可能唔拎佢個 03 年巴黎世錦賽亞軍出來曬吓，時至今日佢係繼前西德名將 Eberhard Scholer 後，喺大球時代第一個亦係目前唯一一個躋身世錦賽決賽嘅削球手，雖則最後同一命運，但係講到份量點都重過巡迴賽冠軍

男綫 13 年要數塩野，噉女綫徐考元當之無愧，前者 27，後者 26，削到今時今日，正值顛峰，一係唔攞，一攞就兩個公開賽冠軍殊榮，好一個『養「乒」千日，用在一朝』

作者: zeio 時間: 2014-1-7 06:05

引用:

原帖由 KSLiu 於 2014/1/1 13:19 發表
我認為兒童, 尤其是U9, 或祗打波2-3年, (一星期7天學波的除外), 不宜急功近利, 以為可以較快贏得比賽取得成績而專攻削球. 愚見是兒童應先全面學好基本功, 鞏固基礎, 能拉能打, 可攻可守, 再由教練或有經驗者根據兒童 ...

削球急功近利? 直頭調轉咗來講，時下兩面弧圏打法先至係急功近利。乜都用弧圏解決，出高球去拉沖，唔[識]用扣殺，仲好話係弧圏結合快攻打法，大有人在。

作者: KSLiu 時間: 2014-1-7 11:43 標題: 回復 20# 的帖子

Thanks for your elaboration. That's exactly what I meant when I quoted 兒童打削球是急功近利, 假如目的祗是令同齡兒童不適應而較易取得成績. 我完全没有看輕削球的打法.

作者: (=^x^=) 時間: 2014-1-7 16:58

其实削球任何運動員都應識少少
看蘇慧音比賽偶然削一板
貓仔在學界精英決賽最后一分也是削一板才不致失分
削球打得好，對觀眾來說是視覺享受

作者: 野原新之助~ 時間: 2014-1-7 18:36

削球唔係想像中咁易學的...平時玩可能削到一,兩下,但都實際比賽,就好難..

作者: Sir_Wong 時間: 2014-6-4 07:55 標題: 香港考乒乓教練牌唔健康

一般人唔知道  攻球拍  很難用來削球  高手例外
香港  十年前考教練牌唔識生膠長膠削球無問題只考派波正反手拉球
所有唔打兩面反貼  多數攞唔到牌
主流香港一級教練都唔識教生膠  長膠和削球  大部份都話學這些技術無前途
近幾年  考試內容  不知道有沒有重大改變 ?
國內教練  未聽過有考牌制度

作者: Sir_Wong 時間: 2014-6-4 08:22

以前三位教官黃耀榮反手打防孤正手打反貼
            余錦佳正手正貼  打近枱快攻
            蕭潔文聽聞  打削球正手反貼反手正膠 (未聽過以上三位講解過打生膠長膠技術)
前港隊代表  王晶正手反貼  反手正膠 (比賽打削球  教波兩面反貼攻球)

作者: 青見人 時間: 2014-11-12 18:42

引用:

原帖由 Sir_Wong 於 2014-6-4 08:22 發表
以前三位教官黃耀榮反手打防孤正手打反貼
余錦佳正手正貼打近枱快攻
蕭潔文聽聞打削球正手反貼反手正膠 (未聽過以上三位講解過打生膠長膠技術) ...

蕭教練應該係正手正貼，反手反貼，以正手削反手攻！
王教練不只教兩面反貼的，也有學生係打生膠及長膠！
依家都有個打緊削！
很多時，教練係會提議學生那種打法或套膠較適合學生，但係選擇還是在學生手裡！

作者: mcm 時間: 2014-11-12 19:43

作者: sinsin 時間: 2014-11-12 22:09

作者: fredclho 時間: 2014-11-13 10:50

我個人覺得小朋友十歳前都是先打好基本功反手推正手攻先。打球不是为獎牌只是为運動。

作者: 青見人 時間: 2014-11-15 13:16

引用:

原帖由 fredclho 於 2014-11-13 10:50 發表
我個人覺得小朋友十歳前都是先打好基本功反手推正手攻先。打球不是为獎牌只是为運動。

誰說不打推攻就是為了拿獎？要打好削球，基本功是不可缺少！也不一定十歲前甚麼甚麼的，訓練量足夠也是可以的。

作者: Georgett 時間: 2016-12-3 21:50 標題: 回復 7# 的帖子

削球手好考體能喎

歡迎光臨香港乒乓網 (http://hkttf.com/)