香港乒乓網 - Powered by Discuz! Board

標題: 七八十年代既比賽. [打印本頁]

作者: lmichael 時間: 2013-6-25 22:02 標題: 七八十年代既比賽.

原來講故有咁多人有興趣.

七八十年代,乒總無現在搞咁多比賽,特別係青少年賽事,當時青少年賽事,有所謂三大賽, 一個就係乒總既青少賽, 另外一個就係聖十架杯, 仲有一個就係東華杯, 呢度O的資深球員, 有幾多人打過? 聖十架係一間教會搞既,有分青年組同成人組, 搞O左好多年,後來突然唔搞.好多惜

東華杯就係東華三院搞,我記得好似係灣仔打.又係係八十年代停O左.

講比賽,就緊係要講學界啦,我到現在都唔明,點解學界唔正正經經跟足國際慣例? 以前打21分,係一局過.唔係三局二. 所以爆冷頻生,當年我就係巨人殺手

現在十一分,好似又係只打三局二,當年打學界,唔係去體育館打,又係O個句,幸福唔係必然,當年係在某一間中學打的.以前仲分九龍,新界同香港三個區打.以前打贏O左學界,可以去打阜際賽,現在可能沒有了.後來升了大學,就真係好似有地獄去了天堂一樣,呢個有機會再講.

講開學界,有無人打過南華會學界,印像最深既, 緊係他的地庫地獄球場

以及打極都打唔完既雙淘汰賽際,當然仲有成日攞O的剪報講佢威水史既劉生啦

八十年代公開賽,來來去去都係O個幾個, 特別係女仔, 當年男子,和興,結恆,紅黑......仲有邊幾隊勁既,我唔係好記得了

有一年既全港公開賽,係收門票,係新伊館度打,決賽隊係結恆對和興. 單打決賽就係王耀榮對陳江華,陳江華係外援,真係超晒班,我仲記得,我係旁邊睇,佢沖王耀榮O個板,我係睇唔到,係王耀榮檔O個板我先睇到.....

下次講下港青,外援球員同埋六君子事件.

作者: Creamy 時間: 2013-6-25 22:19

thx for sharing

作者: miss leung 時間: 2013-6-26 00:26

勁！！

作者: tomyiu 時間: 2013-6-26 00:47

劉石晃

作者: 粉仔 時間: 2013-6-26 00:50

重有華雄和嘵達

作者: 粉仔 時間: 2013-6-26 00:58

你講個D地方和盃賽,我都有幸打過，東華盃出名大座獎杯，要接連嬴三届先可永久擁有。

作者: gattfry 時間: 2013-6-26 01:15

重有豐年同港星

作者: kitkit003 時間: 2013-6-26 01:16

仲有可樂杯...果陣時全場有汽水飮.........福建杯..等等

作者: kitkit003 時間: 2013-6-26 01:20

我睇...陳江華VS趙萬權
黃耀榮VS盧傳淞<---1982年代公開賽

作者: (=^x^=) 時間: 2013-6-26 12:34

今日有乒超聯，有球星休杰好坐陣

作者: 電子神童 時間: 2013-6-27 10:24

我想問下, 香港最早果代是否有個叫海叔??, 依家 70-80 歲

作者: Boo 時間: 2013-6-29 02:56

果個年代，我最欣賞嘅球員係潘瑞榮。今時今日回想起距板拉波，仍然覺得依家無咩人可以拉出果種味道，唔係好記得距贏唔贏到盧志成。

作者: hermanxmz 時間: 2018-1-22 15:25 標題: 回復 12# 的帖子

開始潘瑞榮贏盧志成，但盧志成很勤力，天賦也好，進步很快，後來經常贏到。同時期女子記得有盧瑞娟，廖雅池，同音名字我可能寫錯。

作者: grizzlyhk 時間: 2018-1-22 16:19

引用:

原帖由 lmichael 於 2013-6-25 22:02 發表
原來講故有咁多人有興趣.

七八十年代,乒總無現在搞咁多比賽,特別係青少年賽事,當時青少年賽事,有所謂三大賽, 一個就係乒總既青少賽, 另外一個就係聖十架杯, 仲有一個就係東華杯, 呢度O的資深球員, 有幾多人打過? ...

黃耀榮其實都係外援

歡迎光臨香港乒乓網 (http://hkttf.com/)