香港乒乓網 - Powered by Discuz! Board

標題: [綜合技術] 扣抽前高 [打印本頁]

作者: alanchan 時間: 2012-11-2 14:26 標題: 扣抽前高

我呢D新手打波時周身都係明顯漏洞就唔洗講, 但都久唔久反思下自己的技術, 發現有時都幾有趣.
有D技術, 計分時真係用都用唔到,
都有D技術要成日依賴,
又有一些, 係時時刻刻都想戒左佢, 但又久唔久忍唔住走番出來

要講洒所有的技術好似太多太長太悶(可以出書

), 簡單D好似下圖:

扣殺 - 呢D殺人一萬自損九千的賭錢技

, 如果唔係位置靚絕的話, 機本上真係好鬼想戒左佢, 而且計分的出現率唔高.

抽擊或攻球 - 帶小小磨擦, 基本都係向前多, 呢個出現率真係多到離洒普, 好在呢個我都有D信心實戰用到

.

前沖 - 旋轉同前沖力都強勁, 好似比關雲長用青龍偃月刀劈開的感覺

, 唉, 我真係做極都做唔好, 練習又好計分都好, 總係前沖力不足, 都體會到自己單薄的身材好難可以做好.

高吊 - 最強的上旋, 最慢的前沖力, 真係我的最愛

, 我實戰都成日用來對抗下旋, 可惜有時一計分用大臂夾架來, 動作真係唔靚

大家呢, 有無乜野技術係成日用, 又好好玩架~~

作者: 乒乓在線 時間: 2012-11-2 14:37

紫釵記

作者: alanchan 時間: 2012-11-2 14:49

Wilson大人的一句專家的評價真係令到小弟汗顏, 如果小弟呢d新手中的新手都叫專家的話, 敢Wilson大人就一定係專評專家中的專家, 睇來Wilson大人可以教張X科, 馬X, X琳打波了!!!!!

Wilson大人威威威威威武武武武武

Wilson大人, 快回北京, 中國隊需要你丫~~~~

[ 本帖最後由 alanchan 於 2012-11-2 14:52 編輯 ]

作者: wilson2020 時間: 2012-11-2 15:52

引用:

原帖由 alanchan 於 2012-11-2 14:49 發表
Wilson大人的一句專家的評價真係令到小弟汗顏, 如果小弟呢d新手中的新手都叫專家的話, 敢Wilson大人就一定係專評專家中的專家, 睇來Wilson大人可以教張X科, 馬X, X琳打波了!!!!!

Wilson大人威威威威威武武 ...

alan師傅

對器材的研究直迫神級

作者: 滴滴仔 時間: 2012-11-2 22:11

借問聲師兄，抽同沖有咩技巧上分別？另外高吊可以應用係咩情況？

作者: alanchan 時間: 2012-11-3 10:43

引用:

原帖由 滴滴仔 於 2012-11-2 22:11 發表
借問聲師兄，抽同沖有咩技巧上分別？另外高吊可以應用係咩情況？

以我呢D新手的解釋, 好可能唔準確.....

抽擊(沖力大旋轉弱) 同拉前沖(旋轉同沖力結合) 其實字面上都好清楚, 就係旋轉強弱的分別, 就如你不會聽見拉扣殺, 拉攻球一樣

.

高吊係用來對抗下降期的下旋球用的. 不過有辣有唔辣, 因為無前沖力, 所以對手有時間等個乒乓波一落檯就抽落去, 好多時會比人抽死的, 但好處係對抗下旋時如對手接的時候只係SET位, 會變成相持局面, 就係基本功.

作者: 滴滴仔 時間: 2012-11-3 23:54

引用:

原帖由 alanchan 於 2012-11-3 10:43 發表

以我呢D新手的解釋, 好可能唔準確.....

抽擊(沖力大旋轉弱) 同拉前沖(旋轉同沖力結合) 其實字面上都好清楚, 就係旋轉強弱的分別, 就如你不會聽見拉扣殺, 拉攻球一樣 .

高吊係用來對抗下降 ...

謝謝專家既解釋^^

作者: johnli 時間: 2012-11-8 21:49

alan師兄, 其實你可以教波, 講解清楚易明.

原來你成日用高吊弧圈,唔怪得成日擋你既波出界.

有一點唔係好明, 我自己都想戒扣殺高波, 因為好多時扣出界. 如果唔用扣殺應付高波, 可以用物野招? 如果等波落到低的, 又好難打中, 因為波越降落越快.

另外有冇下集, 想知點應付呢4招.

作者: alanchan 時間: 2012-11-8 22:05

引用:

原帖由 johnli 於 2012-11-8 21:49 發表
alan師兄, 其實你可以教波, 講解清楚易明. 原來你成日用高吊弧圈,唔怪得成日擋你既波出界.

有一點唔係好明, 我自己都想戒扣殺高波, 因為好多時扣出界. 如果唔用扣殺應付高波, 可以用物野招? 如果 ...

我真係滴洒汗......我講左好多次.......我係新手.......一計分我都係輸多羸小....

嗱, 建議還建議, 大家吹下水研究下姐, 唔係乜野我教你(我基本上一d資格教波都無!!!!), 純感覺你需要係練習基本攻球, 不需要快, 只要動作腰腿發力, 然後帶動身體手, 做到連續流暢.
而對抗高波, 不要等, 要早出手, 個乒乓球一落檯彈起10cm(總之短)就要攻球打佢.

作者: friendlybrother 時間: 2012-11-9 10:34

引用:

原帖由 alanchan 於 2012-11-2 02:26 PM 發表
我呢D新手打波時周身都係明顯漏洞就唔洗講, 但都久唔久反思下自己的技術, 發現有時都幾有趣.
有D技術, 計分時真係用都用唔到,
都有D技術要成日依賴,
又有一些, 係時時刻刻都想戒左佢, 但又久唔久忍唔住走番出來 ...

首先謝謝Alan兄的分享，小弟有一些補充。

拉前沖弧圈球不夠前衝力的原因是動作的問題多過身材。拉前沖弧圈球是以右腳(後腳)發力蹬向前，令到身體移向前，最後重心移向左腳(前腳)，目的是充份運用身體的重量衝向球。再配合轉腰發力，然後才是大小臂和手碗。若果只用手臂力量去拉，當然不夠前衝力啦。此外，球拍接觸球的打磨比例也很重要，磨擦太多，雖然可以制造上旋比較多，但是前衝力就比較少，正確的打磨比例應該是50%打50%磨。還要注意接觸球的時機，不要太過慢，出手太慢，也會令對手有更多時間預備接招，威脅性也大減。最佳接觸球的時機應該是來球反彈的最高點，這也有利於把球衝過網，因為來球反彈的最高點，通常都會高過網頂的，應該把握這個時機把球衝過網。若果等到下降期，球已低過網頂，就很難衝過網了。若果能夠做到最高點拉球，全身發力，就算重下旋也可以衝過網，不需要用高吊弧圈球。

高吊弧圈球除了是應付重下旋，其實主要是在位置不佳，步法不完全到位的情況下，仍然可以搶先吊一板，或者失了位去救波，作為過渡一板，總好過搓過去。

作者: friendlybrother 時間: 2012-11-9 10:41

引用:

原帖由 johnli 於 2012-11-8 09:49 PM 發表
alan師兄, 其實你可以教波, 講解清楚易明. 原來你成日用高吊弧圈,唔怪得成日擋你既波出界.

有一點唔係好明, 我自己都想戒扣殺高波, 因為好多時扣出界. 如果唔用扣殺應付高波, 可以用物野招? 如果 ...

若果唔想用扣殺應付高球，也可以參考馬琳的做法，就是用減力檔。當來球剛反彈的時候，你用球拍輕輕的接觸球，然後立即有向側面和後移的動作，以吸收個波的反彈力，令到個波被你縮短到不出抬。

歡迎光臨香港乒乓網 (http://hkttf.com/)