香港乒乓網 - Powered by Discuz! Board

標題: 你識唔識人屋企係原本係香港開製衣廠? [打印本頁]

作者: 鍾少 時間: 2012-10-6 16:00 標題: 你識唔識人屋企係原本係香港開製衣廠?

想問下, 各位波友識唔識人or屋企人係原本係香港開製衣廠, 跟住80 , 90 年代搬上大陸做生產?想訪問下佢地當年為何要搬上大陸的決定.(代乒乓球界補習天王問

)

作者: 鍾少 時間: 2012-10-6 16:00

畢業論文用....唔係畢唔到業....

作者: alanchan 時間: 2012-10-6 17:20

引用:

原帖由鍾少於 2012-10-6 16:00 發表
想問下, 各位波友識唔識人or屋企人係原本係香港開製衣廠, 跟住80 , 90 年代搬上大陸做生產?想訪問下佢地當年為何要搬上大陸的決定.(代乒乓球界補習天王問 )

我唔係做開製衣, 不過我都知小小,

80-90年代, 大陸改革開放, 不再搞乜野階級鬥爭, 對於外資提供好多好多的優惠. 主要原因大陸真係窮到褲穿窿, 佢地連自己人都養唔起.
而老一輩果時有句說話 "做又三十六, 唔做又三十六", 80年代前阿爺出產的超越超級無敵超合金飯碗, 人人的工錢都係三十六蚊, 做到死狗又三十六蚊, 乜叉都唔做又三十六蚊, 邊個敢真係傻仔到做野丫!! 而人人唔做野邊有生產力啊!!!, 所以死la, 成中國都係蛀米大虫, 你話死未!!
阿爺連老人金都爆洒廠食都無得食的時間, 只好改死姓la, 我阿爺依家唔再養你班蛀米大虫, 用d 優惠去吸引外資, 如免稅免地租優惠(地租其實好金, 起一家新廠如果免地租五年, 足夠你買ben跑N部架), 令外來的公司去請當地的人去就業, 就叫你班蛀米大虫唔做野就無得食. (起一家新廠如果免地租五年, 其實有漏洞的, 五年後我摺左家廠, 起過一家新的公司同廠, 又有免五年地租, 呢D焦數, 金錢瓜葛, 做就了廠家外也做就了有權有勢人事貪污)
而香港好多人就睇中呢個時機, 一D勞力密集的工種, 如在香港要請人做人工貴, 相比起大陸人工就超平, 只要係一D無技巧的東西, 大陸就真係成本平左好多. (而且在香港製衣有好多環保條例, 要SETUP好多貴野去合乎的, 但在大陸呢,

當年阿爺鬼識呢D野丫, 阿爺眼中只有$$$$$$$$$$$$$)
起初其實香港人心入面怕的, 只係試驗性質, 將小量的工序北移, 後來發現真係WORK, 才全面在大陸設廠.

當然中間有無限商機和危機, 當年的金, 真係金丫~~~

如有錯誤請指教~~~

作者: sevendegree 時間: 2012-10-6 21:07

真係多謝哂！番來能同你做個訪問都好！

但我想問，除左呢d咁既優惠，但係以前開廠又要包工人食同住，同埋大陸的工人的技術又無香港工人咁好，咁唔會怕質量唔夠好，或者間接成本高左咩？

作者: sevendegree 時間: 2012-10-6 21:09

突然搞到論壇好學術咁tim

作者: alanchan 時間: 2012-10-6 21:42

引用:

原帖由 sevendegree 於 2012-10-6 21:07 發表
真係多謝哂！番來能同你做個訪問都好！

但我想問，除左呢d咁既優惠，但係以前開廠又要包工人食同住，同埋大陸的工人的技術又無香港工人咁好，咁唔會怕質量唔夠好，或者間接成本高左咩？

包食住其實真係好小好小錢來的(比工人的環境其實好差

可能你有時都見新聞, 4個人一間, 其他乜野都無的, 唉呢個真係錢作怪), 你想一下當年一個工人的一個月人工只係200蚊人仔(唔記得係唔係10對8, 換言之140蚊港幣), 香港是但一個阿姐都5000千la~~~

技術方面, 當然係無la, 不過管理層的立場, 只要請幾個香港人上去教一教, 基本的一定無問題!! 所以工種一定係簡單的勞力密集為主的!!!!

質量哈哈哈哈哈, 我問你la, 如果一件由美國生產的衣服, 出廠價要10蚊美金, 而大陸做同一件只要0.5蚊, 你要邊個la.
(當你美國做5000件, 總數要USD5萬, 你在大陸做10000件先係USD6千左右(加D水腳櫃貨運費, 都平左9倍).

其實呢個嚴重影響到美國本土內的生產業, 所以後來中國同美國之間的懲罰性的關稅, 世貿丫, 好多好多的經濟問題, 大陸廠商都見過唔少風浪!!

呢D其實先真真正正的國民教育, 活生生的有血有淚

[ 本帖最後由 alanchan 於 2012-10-6 21:52 編輯 ]

作者: sevendegree 時間: 2012-10-6 21:57

咁80年代，90年代頭時，廠家入大陸設廠最担心其實係咩？
重有，點解其他台資都同時候入大陸設廠，點解香港的廠來來去去都做唔得大，好似富士康咁，同咩有關呢？

作者: alanchan 時間: 2012-10-6 22:13

引用:

原帖由 sevendegree 於 2012-10-6 21:57 發表
咁80年代，90年代頭時，廠家入大陸設廠最担心其實係咩？
重有，點解其他台資都同時候入大陸設廠，點解香港的廠來來去去都做唔得大，好似富士康咁，同咩有關呢？

係政策, 大陸始終都係共X的地方, 佢地搞下搞下一個政策, 就可以令你破產!! 好多時, 要貪污去拉關係, 收消息, 所以係好腐敗好腐敗.

台資入大陸係後來的事, 香港人食左頭淡湯, 而且台灣同大陸的關係, 一直都係好緊張, 唔只錢的問題, 台獨啊, 國民黨啊, 千絲萬縷.
你可能都知la, 大陸人去台灣旅行, 都係馬英九上場開放大三通的事.

作者: wilson2020 時間: 2012-10-6 22:19 標題: 回復 8# 的帖子

台灣在民進黨時期台資赴大陸投資不得超過企業淨值40%直至小馬哥上場先鬆綁

[ 本帖最後由 wilson2020 於 2012-10-6 22:22 編輯 ]

作者: alanchan 時間: 2012-10-6 22:22

引用:

原帖由 wilson2020 於 2012-10-6 22:19 發表
台灣在民進黨時期台資赴大陸投資不得超過企業淨值40%

Wilson大人威威威威威武武武武武

實數丫，日期丫，小弟真係老了，頭腦又有d混亂，唔係好記得∼∼

作者: wilson2020 時間: 2012-10-6 22:25

引用:

原帖由 alanchan 於 2012-10-6 22:22 發表

Wilson大人威威威威威武武武武武

實數丫，日期丫，小弟真係老了，頭腦又有d混亂，唔係好記得∼∼

alan又抽我水

你仲好年青

邊老呀

[ 本帖最後由 wilson2020 於 2012-10-6 22:28 編輯 ]

歡迎光臨香港乒乓網 (http://hkttf.com/)