Board logo

標題: 【版主討論】球局是否應該受限制？ [打印本頁]
作者: (=^x^=)    時間: 2012-8-16 10:57     標題: 【版主討論】球局是否應該受限制？

近來接二連三有網友投訴有私人球局，球會球局或球會比賽收費過高，牟利多於牟福利。情況好像三年多前有人投訴我們網友在論壇攪比賽一樣。所以后來攪比賽要事先申請，避免出現牟利問題。

以前有人攪球局分均分，每次都有毫子出現，后來有人乾脆收＄２０三個鐘，多除少補。又有人收＄１０一小時。假如你是商業机構，你的教練費收多少我們絕不干擾，但作為與眾同樂的球局，如果收費太高，人數太多，便會給人牟利的感覺。近來因某歌街球局事件，引致很多人出post投訴，又有某某某pm投訴，單單應付這些pm或留言，jcclee及黑暗無事都無時停，其实論壇很難定一個完美標準給所有球會作指引，但事到如今我們亦不能不管理。

個人來說我從不介意攪手有一些車馬費落袋，畢竟訂場出post安排球局比波都是工作，而工作或多或少會有回報，但車馬費人人心中的呎不同，有人覺得一晚１００蚊好滿足，有人覺得一晚要有＄５００蚊才滿足，如果真係有人利用論壇這免費平台透過球局以牟利為目標，我們應怎樣做呢？

詳細情況我會想一班管理員，資深攪手及網友上「貓館」開會以商對策。
而jccless及黑無士亦會幫大家計算你一年的球局收入及利潤是否合理。
經過上次美孚某先生的教訓及最近歌街事件，我們不能再婦人之仁了。

如各位有什麼意見，請留言！
作者: (=^x^=)    時間: 2012-8-16 10:58

http://hkttf.com/viewthread.php?tid=52973
作者: lycong    時間: 2012-8-16 11:08

引用:
原帖由 (=^x^=) 於 2012-8-16 10:58 發表
http://hkttf.com/viewthread.php?tid=52973
看不到鏈接內容
作者: ouhj    時間: 2012-8-16 11:34

開post時標明每位參加者的費用,是為了省卻找續的繁複和一旦參加人數不達上限,這個數目參加者的費用亦足以抵銷開支
當然如果上限數目參加者的費用會使攪手有利潤
但如果係場租按當晚參加人數來平分,攪手會冇利潤甚至會因提供乒乓波的成本而倒蝕
倒不如開post時列定幾多人參加就每個收幾多錢,3人參加收$20,4人參加收$15咁,及註明會否提供什麼類型、數目的乒乓波
只要收費不遠多於成本,確實可以接受。可能要set一個百分比
畢意本身康文署的設施,政府有提供資助的,亦不允讓人牟利。hkttf亦不是免費途徑讓人牟利。不能純綷以市場定律決定(寫明價錢,有人比就願意接訥這價錢)
而已,做攪手是不容易的,就算自己同班fd搞event亦麻煩到爆.
作者: smallstar    時間: 2012-8-16 11:34

多年前我最初認球局提議平均分擔是合理的, 但結果是非常煩麻煩一事,參加到局者有一小時, 兩小時或多小時, 亦有投訢是平均分擔問題, 有的說我打了一小時就除以那一小時的人數, 到最後有部份人是兩小時和三小時,計數更煩到暈, 亦又有誰人負責出波問題，十個多人就要計十幾分鐘和爭拗多少時間,結果給康文署職員趕離場,結果這答案給我的平均分擔想法是錯的。
作者: 土土仔    時間: 2012-8-16 12:03     標題: 回復 1# 的帖子

每次球局完成后， 有一个财务报告帖， 公布收支！ 即：收入多少，　支出多少（场租，球损耗，搞手车马费等），　结余多少。　
作者: smallstar    時間: 2012-8-16 12:14

搞手為每次為了訂場已經好煩, 你亦要試一下搞球局就知道問題所在! 報告由你先來做吧!
作者: 葉師傅    時間: 2012-8-16 12:25

引用:
原帖由 土土仔 於 2012-8-16 12:03 發表
每次球局完成后， 有一个财务报告帖， 公布收支！ 即：收入多少，　支出多少（场租，球损耗，搞手车马费等），　结余多少。　
相當唔錯的建議 ! 建議為節省麻煩可只私人球局要寫事後報告。
作者: ninthuncle    時間: 2012-8-16 12:26

其實佢地袋幾多喺牟利, 而袋幾多又喺非牟利? 點界定? 咁好可能需要制定若干標準黎釐訂準則.
作者: alanchan    時間: 2012-8-16 12:27

好似3小時如果有人打下半場, 有人打中間一個鐘, 又有人早走, 打爆N個波, A波友上次無散銀要比番個半, B波友上之比多左3蚊因為早走左..............

不要搞得太複雜...........會計死人的...........
作者: smallstar    時間: 2012-8-16 12:43

引用:
原帖由 ninthuncle 於 2012-8-16 12:26 發表
其實佢地袋幾多喺牟利, 而袋幾多又喺非牟利? 點界定? 咁好可能需要制定若干標準黎釐訂準則.
咁樣好似變左最低工資計算喎!
作者: neku    時間: 2012-8-16 12:46

只要開post 明碼實價, 設人數上限, 提供乜品質既乒乓球
二來遲到早退者照收原價,
你情我願下, 又有乜好嘈
而且所謂牟利, 果一百幾十,搞手既心血又點止呢個數, 幫你約埋人,買埋波, book 埋場, 比多少少都有問題, 果個問題只會係自己"懶" & "無朋友"
作者: 閃人    時間: 2012-8-16 13:01

是3小時收30元太高,所以不參與.
作者: lycong    時間: 2012-8-16 13:03

3小時30元如果場地比較好（例如歌街）還可以接受，超過就唔好啦
作者: 閃人    時間: 2012-8-16 13:22

好彩講如果兩個字,否則歌街球局收費一定費過其他體育館
論壇沒有指定歌街收費,可以費過其他體育館.
合理收費,所以我過香港區都參加3小時25元球局收費.
作者: alanchan    時間: 2012-8-16 13:40

如果真係要計到十足十, 4個人市區BOOK場3小時, 要HKD$63. 除番4之後一人比HKD$15.75.

但係搞手都有時間, 精神付出的. 早早起身為大家book場, 又要買定三星波, 又要個搞手有人氣先吸引到人來, 令大家打得開開心心. 一人送一杯凍奶茶的價錢比個搞手, 又何樂而不為呢~~~

[ 本帖最後由 alanchan 於 2012-8-16 13:47 編輯 ]
作者: kenken168    時間: 2012-8-16 14:17

其實球局好似二手區一樣，明碼實價便可！
如果好玩，收50你都去！如果唔好玩，比反廿蚊你都唔去！
作者: ouhj    時間: 2012-8-16 14:21

其實大家只係擔心一D收費貴、臨場人數多過預期、等多過打的球局
我諗係人遇到咁的情況都會嬲
感覺好似自己每次資助搞手打波食飯搭車,仲要有多一二百蚊落袋。
作者: (=^x^=)    時間: 2012-8-16 14:25

當天我們決定不比某人在九龍某區攪球局，原因是
寫是１：４，結果是１：６
作者: 小馬哥    時間: 2012-8-16 14:32

仲有唔好打皇制啦
作者: Terence    時間: 2012-8-16 14:35

引用:
原帖由 kenken168 於 2012-8-16 14:17 ][/url]
其實球局好似二手區一樣，明碼實價便可！
如果好玩，收50你都去！如果唔好玩，比反廿蚊你都唔去！
市場定律, 一語中矢
但論壇都有論壇規則, 所以作為搞手既我絕對尊重論壇任何決定.
可以既, 希望各管理層商討時不要光計每次收費多寡, 還要考慮位置, 時間, 每次總利潤為要. 謝謝!!
最後一句 : 為各大小球局搞手鼓掌, 你們當中付出既, 對於未搞過球局/比賽者, 好難體會你地當中所付出既心機, 就算每次積存100-200元盈利, 我也覺得參加者付出20-40元玩2-3小時球局, 也會感到物超所值的. 請繼續加油!!
作者: Happy仔    時間: 2012-8-16 14:53

我都覺得有d球局收費比較貴，但係自己可以選擇平既球局，就好似樓都有平有貴，自由社會，政府都不應限制，但當所有樓都貴到不合理的時候，政府就應出手，因為我們沒有選擇，同樣道理，如果所有球局都貴得不合理，我都同意攪攪佢
作者: lkkrjkfj    時間: 2012-8-16 15:04

有d球局真係貴左d.. 自己都會簡番d價格比較合理的球局
同埋我認為球局最好set番1:3-4  如果人數太多 就會出現等多過打的情況 但係點解大家一定要企硬打單打呢 有時雙打都可以架ma
最重要都係人數控制呢方面 同埋最緊要打得開心同抵玩

[ 本帖最後由 lkkrjkfj 於 2012-8-16 15:39 編輯 ]
作者: 十萬轉vs零轉    時間: 2012-8-16 15:08

引用:
原帖由 alanchan 於 2012-8-16 13:40 發表
如果真係要計到十足十, 4個人市區BOOK場3小時, 要HKD$63. 除番4之後一人比HKD$15.75.

但係搞手都有時間, 精神付出的. 早早起身為大家book場, 又要買定三星波, 又要個搞手有人氣先吸引到人來, 令大家打得開開心心. ...
我地南區係book個籃球場, $236一個鐘, 3個鐘就$708, 平均一張台要$29.5/hr, 球會名義一book就要3個月, 仲要cash預繳, 即係一次過要俾8千幾蚊, 平時book場都仲可以網上俾credit card, 到期先還, 仲可以預人數, 我地就硬局, 會長次次要預繳, 仲會隨時蝕錢, 但係最緊要好玩, 個場夠大又唔駛等一大餐,如果你問我地收$40 三個鐘貴唔貴, 我就一定話唔貴,仲抵到爛, 因為自己根本book唔到成個籃球場咁大地方同開8張台果種氣氛, 有好多野唔係冷冰冰的數字可以解釋到, 有人喜歡打3局2兩上兩落, 有人喜歡打5局3王制, 任君選擇, 搞手最緊要明碼實價, 講清講楚, 唔好有賺人錢之心, 參加者要睇清楚球局資料, 亦唔好expect $20 三個鐘可以打5局3做長王霸足一晚台, 想清楚能否合乎你既意願先join, 咁就大家玩得開心.

[ 本帖最後由 十萬轉vs零轉 於 2012-8-16 15:11 編輯 ]
作者: bd_fan    時間: 2012-8-16 15:22

引用:
原帖由 十萬轉vs零轉 於 16-8-2012 15:08 發表


我地南區係book個籃球場, $236一個鐘, 3個鐘就$708, 平均一張台要$29.5/hr, 球會名義一book就要3個月, 仲要cash預繳, 即係一次過要俾8千幾蚊, 平時book場都仲可以網上俾credit card, 到期先還, 仲可以預人數, 我 ...
Support!!!

而今d 網友講到要清算d球局主持人敢, 又要將收入與支出計長計短, 你估而家報稅....少d心力都死.

我地從來都無計較付出與收入掛鉤,  最緊要一句 "大家(包括主持人)都覺得值得", 就長打長有!

有口碑自然有人參與!!

[ 本帖最後由 bd_fan 於 2012-8-16 15:26 編輯 ]
作者: lwy7383    時間: 2012-8-16 15:31

引用:
原帖由 kenken168 於 2012/8/16 02:17 PM 發表
其實球局好似二手區一樣，明碼實價便可！
如果好玩，收50你都去！如果唔好玩，比反廿蚊你都唔去！
贊成

人數控制最重要
搞手應該拒絕 walk-in者
作者: 乒乓在線    時間: 2012-8-16 15:45

有球局看規模和使費, 搞手吃'肥野'好明顯, 正當話他應不會認, 甚至會影響其他正當搞手聲譽.......... 提議鎖定車馬費, 例如21元枱費的定30元計, 如訂場出身份證者獲9元枱/時, 要負起攜波責任, 最後收到場者總款額減30元乘以枱數@時數, 餘下的公開和CARRY FORWARD

[ 本帖最後由 乒乓在線 於 2012-8-16 16:43 編輯 ]
作者: smallstar    時間: 2012-8-16 16:08

引用:
原帖由 乒乓在線 於 2012-8-16 15:45 發表
有球局看規模和使費, 搞手吃'肥野'好明顯, 正當話他應不會認, 甚至會影響其他正當搞手聲譽.......... 提議鎖定車馬費, 例如21元枱費的定30元計, 如訂場出身份證者獲訂場者獲9元枱/時, 要付起攜波責任, 最 ...
咁做法即係返回之前既每人均分法大同小異,一元同一毫計數無大分別,最後計數果個真係頭都大埋。
要咁計既話, 點解唔計埋参加人數過少過預期,果時點算好呢?
作者: 乒乓在線    時間: 2012-8-16 16:15

引用:
原帖由 smallstar 於 2012-8-16 16:08 發表

咁做法即係返回之前既每人均分法大同小異,一元同一毫計數無大分別,最後計數果個真係頭都大埋。
要咁計既話, 點解唔計埋参加人數過少過預期,果時點算好呢?
建議和以前一樣參加費用都是定價, 搞手像二判MARK上少少價做訂場勞心勞力安排的成本, 絕對可以定超過30元; 收來總數減的成本是MARKED後的價錢, 餘下錢銀"透明"給有關人仕

[ 本帖最後由 乒乓在線 於 2012-8-16 16:17 編輯 ]
作者: 乒乓在線    時間: 2012-8-16 16:30

舉例: 3小時共8枱球局
[定參加一小時者15元, 兩小時者25元, 三小時者35元]

枱費成本定了35元<可不公開>

最後收到總款400元, 餘數是400元 - 35元 X 8 = $120 C/F

訂枱者收 (35 - 21)元 乘以時數(2小時上限) 但要付參加費

[這樣頭號球局搞手亦自然不會狂收參加者]


[ 本帖最後由 乒乓在線 於 2012-8-16 16:31 編輯 ]
作者: 十萬轉vs零轉    時間: 2012-8-16 16:43

引用:
原帖由 乒乓在線 於 2012-8-16 16:30 發表
舉例: 3小時共8枱球局
[定參加一小時者15元, 兩小時者25元, 三小時者35元]

枱費成本定了35元

最後收到總款400元, 餘數是400元 - 35元 X 8 = $120 C/F

訂枱者收 (35 - 21)元 乘以時數(2小 ...
這太複雜了, 恕小弟直言, 絕大部份攪手都是有心為大家服務的, 都係想開開心心同多D唔同球友打波, 攪到咁複雜的話, 真係寧願唔攬好了, 害群之馬自然會有人係度篤爆佢, 被大家入黑名單, 無謂因為個別人士令其他攪手難做, 這絕非論壇之福
作者: 太陽之子    時間: 2012-8-16 16:52

我個人認為，不應硬性規定，球局搞手不可有一分一毫的盈餘。

搞手有少許盈餘是合理的。大家只看到搞手有錢剩，但有否想過球局都可能會間唔中蝕錢呢？

有時球局未必次次都咁多人參加，或者忽然很多波友要請假。入不敷支的時候，搞手就要蝕錢。咁對搞手都不太公平。

只要合理的收費及比例，打得開心，同其他波友啱傾便可以，那少少錢又何必計較。
作者: smallstar    時間: 2012-8-16 17:20

以下是一位搞手的說話, 也許是其他搞手同樣的心聲!

我自己個人心態就好似愈攪愈灰, 除了每星期兩次晨早起身book場, 又怕唔夠人快, 反而給了自己好大壓力. 某些網友超大力, 一晚2張抬點會2個波丫, 試過一晚都要四, 五個波 :( 加上有好幾次私人球局, 我都係想大家打得開心, 有d網友報了沒有來, 我心都無公開話放飛機, 心想或者他們都係有個人理由又無時間通知, 無謂公佈等其他波友都誤會他...  加上近期論壇又話有人投訴, 另到攪手好似時時刻刻都比人問責和聲討咁.
我星期四攪了球局都只收十至十五蚊。但近期論壇投訴聲音太大，我也心力交瘁。我也無力再撐，一人之力實在有限，因此我也攪埋下一次放棄了。
作者: wlwlwl    時間: 2012-8-16 17:44

絕大部分搞手都係一等一大好人
只有小之又小數係為了錢
做搞手又要 時間,心機,耐性,組織能力...etc
有時還要聽D無厘頭Complain or Comment
自問就無咁既能力做搞手

係到我真心多謝所有我參加過球局既搞手
作者: ninthuncle    時間: 2012-8-16 17:45

為一眾不辭勞苦嘅球局攪手門致敬.  Thank you!!!
作者: (=^x^=)    時間: 2012-8-16 18:39

首先再一次多謝各位攪手，我的post只是想討論大家的看法。剛有一位網友寫了近８００﹣１０００字給我分享意見，其实論壇不想干擾太多，待收集各位看法后，我們再坐埋一齊開一會，再決定怎樣做。
作者: jcclee    時間: 2012-8-16 18:52

首先, 我也要在這裡借機會向一眾的球局搞手致敬 !
也要多謝一眾的參加者 !
缺一者....球局根本就不能成事 !
多謝你們的努力和付出 !

每人心中都會有數得計,
搞手識得計, 參加者識得計, 論壇也是識得計; 而且是一清二楚的 !

如果是說搞手們要蝕住本來搞球局, 相信論壇再沒有人會願意去搞球局了.
但如果任由收費浮動, 一年比一年的貴(加價)落去,
人數由4打1變成6-7打1(4人打1檯), 球局亦遲早沒有人願意參加.

論壇是絕對不想去管制任何一方的, 但到了某個臨界點的時候,
我們是有責任去幫大家達致妥協或三贏的方案.

管理層短期內會商議及表態落實, 唔排除將會有新的制度或建議上的安排.
目標只是想大家可以更加容易, 有效率和開心地繼續舉辦和參與球局.

Thanks.

[ 本帖最後由 jcclee 於 2012-8-16 19:02 編輯 ]
作者: (=^x^=)    時間: 2012-8-16 23:56     標題: 【超版通訊】５years

今次想攪５年生日會！
９１５大家得唔得閒，唸住攪到會在貓館攪，比d意見！
welcome一家大細及帶埋女朋友出席！！
攪到會！
費用全由論壇支付！
作者: 黑暗武士    時間: 2012-8-16 23:59

下午應該OK!
作者: (=^x^=)    時間: 2012-8-17 00:00

時間無問題，最多我趕晒班馬，貓，羊（太陽）走
作者: (=^x^=)    時間: 2012-8-17 00:00

馬是馮
本來想叫畜牲球館
作者: wilson2020    時間: 2012-8-17 00:01

死火 逢星期六返教會 如果係或返少次來貓館

[ 本帖最後由 wilson2020 於 2012-8-17 00:13 編輯 ]
作者: jcclee    時間: 2012-8-17 00:06

我只需要夠24小時通知便ok, (9月5日後任何日子都可以)
作者: 太陽之子    時間: 2012-8-17 00:17

9月15，星期六，幾時都得
作者: (=^x^=)    時間: 2012-8-17 00:21

引用:
原帖由 jcclee 於 2012-8-16 18:52 發表
首先, 我也要在這裡借機會向一眾的球局搞手致敬 !
也要多謝一眾的參加者 !
缺一者....球局根本就不能成事 !
多謝你們的努力和付出 !

每人心中都會有數得計,
搞手識得計, 參加者識得計, 論壇也是識得計; 而且 ...
jcclee講出了核心
要管制攪手，定規矩對我們論壇一點好處都沒有。攪手少了錢，論壇又不會多了錢，有人話此舉是損人不利己，如樓上所說９０﹪的攪手都是儘心儘力，
bd_fan, kei, cococheung, 譚校長，Kitty姐,Poon, 2468, 1357........，但乒壇中她們�他們可能不是很多人認識，但他們便是每週每月默默的耕, 默默的做。

我謹代表論壇向你們致敬！
作者: (=^x^=)    時間: 2012-8-17 00:22

引用:
原帖由 太陽之子 於 2012-8-16 16:52 發表
我個人認為，不應硬性規定，球局搞手不可有一分一毫的盈餘。

搞手有少許盈餘是合理的。大家只看到搞手有錢剩，但有否想過球局都可能會間唔中蝕錢呢？

有時球局未必次次都咁多人參加，或者忽然很多波友要請假。 ...
你做壇規矩，球局人數經常１：２
作者: (=^x^=)    時間: 2012-8-17 00:30

等埋星星，星星唔該問埋輝蛇！！

我地論壇有猩猩，有貓貓，仲有蛇
作者: wilson2020    時間: 2012-8-17 06:05

剛check返司事rota我7-9月每月的第三星期都要做司事,15/9我偏偏撞到應我試下找不找到組員代我否則我應無法出席

[ 本帖最後由 wilson2020 於 2012-8-17 06:11 編輯 ]
作者: jcclee    時間: 2012-8-17 09:52

我都記得曾幾何時, 在保安道(泓景的球局當中),
試過了有3幾次打到9:00pm - 10:00pm 時, 6張檯都是 1:2
當時應該是正值考試期間, 又或者是少左人在星期五晚得閒打波.(或早走)
16個檯鍾(3小時的球局) 可能只得15-16人參加....無奈

(有參與過或幫手book場, 簽場的都知道) 搞球局是勞心勞力的 !
講真, 無人會願意去做的, 論壇又點會唔知道呢 ?

而且大部分搞手都是朝著正確的方向, 為燃點起論壇而作出了無私的奉獻和甚至犧牲 !
雖然, 有時唔排除都會有d 小問題出現, 但相信都是可以透過協商後解決的.

就好似大家一齊開緊 Party 咁, 一切都本是好地地的, 玩得高興....
卻突然飛來了叮人的蚊子, 攪到d 小朋友嘩嘩大叫.
唔通要大噴殺蟲劑 ?!  (不會吧)....破壞了 Party 的氣氛, 誰也不想;
快趕開d 蚊子就算吧了事.
(搞手們, 請放心)只要你是跟著大隊一起行, 論壇也會是有義務去保障你的 !

[ 本帖最後由 jcclee 於 2012-8-17 09:58 編輯 ]
作者: 乒乓在線    時間: 2012-8-17 10:05

引用:
原帖由 jcclee 於 2012-8-17 09:52 發表
我都記得曾幾何時, 在保安道(泓景的球局當中),
試過了有3幾次打到9:00pm - 10:00pm 時, 6張檯都是 1:2
當時應該是正值考試期間, 又或者是少左人在星期五晚得閒打波.(或早走)
16個檯鍾(3小時的球局) 可能只得15- ...
有點像溫總理的風格, 支持!
作者: happy32    時間: 2012-8-17 10:31

我個人覺得:
利潤% <10%, 是為波友服務,波友不要對是次活動太苛求;
利潤%界乎15%至25%, 是可以理解,波友可以對是活動提出雙方有利意見;
利潤%>30%, 是在做生意,攪手應該盡量PLEASE波友,當生意咁做, 滿意的波友自然願意俾$, 繼續參與, 不滿的自然無下次;

我一直覺得乒壇是一個開放, 公平和講道理的地方, 應該可以接納不同動機的人士;
但如果活動涉及$, 還是透明的處理好, 參與的人也知道是什麼回事, 組織攪手又可以清清楚楚, 不用再解釋;

我建議 每個乒壇帳號加3個資料, 分別是1.活動透明%,  2.活動利潤% 和 3. 近10次活動收支記錄, 如上資料都可供任何波友參考,但當然乒壇帳號有咁上下級別才有這些統計資料;

當每個活動完結後, 攪手都需要填出以下資料, 當然攪手可以唔填, 但活動透明率就會被DOWNGRADE, 波友可以自行判斷是否參與其球局;

租場總計: $$$
租場概要: 文字
教練總計(如有): $$$
教練概要(如有): 文字
其他雜費總計(如有): $$$
其他雜費概要(如有): 文字
整個活動開支: $$$
整個活動收入: $$$

利潤%= 100% *(整個活動收入-整個活動開支)/ 整個活動開支


但如實行以上統計, 供波友參考, 版主就需要費心思(或有心人幫手), 加建這個統計系統了!

有了這個統計系統, 假以時日, 多方都再無痛苦了!!!
作者: (=^x^=)    時間: 2012-8-17 11:00

個人而言　有些活動的 GP 是 Double
情況好像以前在大陸坐２４van，本來一架van仔只能塔２４人，但上多一個便收多一個錢
結果最誇張可以上到５０人，這是我十年前的經歷
我明白有 walkin 我曾經攪馬拉松五張枱，結果walkin了８個人２８人。
黎到你唔佢打又唔係，比佢打又對其它人唔公平。
有些網友喜歡將球局放兩三個討論區，結果有時update了一個，這個又忘記update
有時先后攪不清。
最近我們停止了一個美孚球局，大家都可能略知１，２
停他的原因有很多，其中有數點可以參考

1) 球局１：６，但結果可能仲多於１：６。佢話控制唔到
2) 私底下收入會費，沒有透明度
3) 不老实

我們論壇十分感激一直為大家服務的攪手，近來討論這些事亦不是要清算攪手，或計你有多少落袋。
如我先前所講９０﹪的攪手都是儘心儘力，只有很少數有歪心。

數月前有人向我投訴荃灣某人攪比賽賺錢，她只收會員＄１０打比賽，我都想知佢可以賺多少
所以自問行得正企得正，根本不用怕。

當然如果有些存心賺錢的人，我相信這些人會好快流入其它討論區，因為其它討論區只要流量......
而我們是黑暗討厭麻煩討論區。

我重申無意插手干擾任何球會的內政，我們只管理論壇內的事。
作者: (=^x^=)    時間: 2012-8-17 11:03

wilsom真是好
作者: kei    時間: 2012-8-17 11:06

JCCLEE: 搞球局是勞心勞力的
KEI: 球局可以長期搞下去, 因為有高質素球友的支持

真實例子
1)  有一次, 我們的球局如常由7:00-10:00, 雖然8:00-10:00有5張枱, 但7:00-8:00只有3張枱, 人數亦有不少, 令我感動的, 是一些資深球友, 主動讓其他朋友打波, 另一方面, 我不斷向球友道歉, 他們十分體諒我, 只是叫我不用道歉

2)  另一次, 在大約9:00之後, 那天大約有5張枱, 但波友可能各有各忙, 不少波友都提早離場, 而有一位波友, 有點氣地提我, "得小貓3幾隻, 下次要小心控制人數呀!"  我只有說"是", "唔該"等等, 那時, 立即有一位天使波友, 說, "okay呀, 大家可以打多d咪仲好"  就是高質素的波友, 一句說話化解了波友的怨氣

3)  搞手和球友, 必須建立一份最高的信任和尊重, 搞手付出的, 球友是感覺到的.  例如我見過一個經常搞比賽的球會, 他們收費之後, 扣除場租, 一定有盈餘, 但搞手卻買一些昂貴的膠皮, 以及現金卷作為獎品, 所以沒有人質疑他們謀利.  此外, 有時波友遲到, 早走, 甚至在last minute才通知我缺席, 一般來說, 我不會要求他們解釋, 因為大家明白, 波友公私兩忙, 遲到, 早走, 缺席背後, 一定有他們原因, 但你可能會話, 如果個個都無故缺席, 球局如何繼續呢?  對於這一點, 我反對假設球友缺席是故意的, 反而, 他們為打波, 為跟朋友吹水, 聚會而來, 無故缺席只是個別例子

4)  最後, 可能有部份波友不同意我的講法, 但我始終認為, 球局有些事情, 搞手應自行跟球友溝通, 而不必下下將事情放在網上, 讓一眾網絡判官公審, 因為球局搞手和球友, 都視球局為工餘活動, 如果當中涉及太多行政事情, 只會令大家感到壓力. 亦會破壞hkttf的精神, "more ball games, more fun".  

誠然, 如何令hkttf的行政事情可以簡單?  這一定要靠搞手的付出, 以及波友的支持
在此, 一定要向長期支持各方球局的朋友致敬
作者: smallstar    時間: 2012-8-17 11:17

引用:
原帖由 (=^x^=) 於 2012-8-17 00:30 發表
等埋星星，星星唔該問埋輝蛇！！

我地論壇有猩猩，有貓貓，仲有蛇
我問下亞蛇啦
作者: (=^x^=)    時間: 2012-8-17 11:29

我找cola及yiuyiu
作者: likwaiw    時間: 2012-8-17 11:47

只要寫明有多小人参加, 幾多檯幾個鍾及幾多錢, 其實攪手賺定唔賺都無問題. 最緊要老實~~~~
作者: alan_lokwunlun    時間: 2012-8-17 11:55

agree~~~~~~~
引用:
原帖由 kei 於 2012-8-17 11:06 發表
JCCLEE: 搞球局是勞心勞力的
KEI: 球局可以長期搞下去, 因為有高質素球友的支持

真實例子
1)  有一次, 我們的球局如常由7:00-10:00, 雖然8:00-10:00有5張枱, 但7:00-8:00只有3張枱, 人數亦有不少,  ...
作者: Starbar    時間: 2012-8-17 12:10

點解搞到咁複雜?
搞手: 清楚寫明幾多張台,幾多個鐘,  人數上限, 球局形式(例如兩上兩落, 三盤兩勝最多三次王), 出波...
收費: 定額....遲到早退, 閣下自理
參加者: 睇岩先報名, 唔放飛機, 唔走數...

係咁多, 有咩咁煩?
作者: 葉師傅    時間: 2012-8-17 12:30

引用:
原帖由 smallstar 於 2012-8-16 12:14 發表
搞手為每次為了訂場已經好煩, 你亦要試一下搞球局就知道問題所在! 報告由你先來做吧!
但既然有參加者對此有疑問,就應該解答。更何況正規搞活動及搞比賽,係應該有事後報告及會議,這都係必須的 ! 冇話煩唔煩。不過建議論壇如對個別搞手唔太熟悉,才可要求其搞手要有事後報告囉 !

[ 本帖最後由 葉師傅 於 2012-8-17 12:33 編輯 ]
作者: jcclee    時間: 2012-8-17 13:07     標題: 回復 48# 的帖子

其實每個球局當中所發生的事, 包括營運概況, 論壇都早已心中有數.
不認同的不是在於人, 而是在於手法.
邊個去攪都得, 但一定要攪得正當, 唔一定要攪到有聲有色, 但一定要公道 !
論壇所要求既透明度, 唔係指要睇盤數.
想見到的是可以一視同仁, 放心地去信任所有搞手.
要連新會員都覺得 HKTTF 是一個高質素的論壇 !
強調 : 我地唔會想去針對任何人, 只要做好件事就已足夠.
作者: 老楊    時間: 2012-8-17 16:09

大部份論壇D攪手攪得好好
其實所有球局都列出幾張枱、時間、收費及上限人數明碼實價
唔駛攪到咁複雜大家可自由選擇
最緊要玩得開心
作者: (=^x^=)    時間: 2012-8-17 16:33

先前停止某人戶口，不是因為earn　money，也不是因為他另有目的
而是不老实
作者: likwaiw    時間: 2012-8-18 00:11

引用:
原帖由 葉師傅 於 2012-8-16 12:25 發表

相當唔錯的建議 ! 建議為節省麻煩可只私人球局要寫事後報告。
如果要寫事後報告, 我諗一晚唔賺你三五百蚊都唔得. 邊有咁多時間呀?
作者: likwaiw    時間: 2012-8-18 00:13

引用:
原帖由 (=^x^=) 於 2012-8-17 16:33 發表
先前停止某人戶口，不是因為earn　money，也不是因為他另有目的
而是不老实
對, 我體驗個1:8 一張檯, 坐足兩小時, 所以之後都唔打球局了. 一於自己攪最可靠.....
作者: 乒乓小妹    時間: 2012-8-18 01:08

其實有咩所謂，只要一開始講明價錢，明碼實價就得啦，一個願打，一個願捱，你覺得貴咪唔好報，每個人嘅 cost都唔同，唔可以一概而論。你覺得貴唔報，攪手無肉食，下次就會調整價格，咁如果仲有大把人報，即係該球局真係有優勝之處，值咁貴。
支持大市場，小政府，論壇應該俾球友更多自由，唔適合介入太多。
作者: old-cake    時間: 2012-8-18 01:23

因工作吾定時,我好小攪球局,都係join球局同比賽局,hkttf上的球局同比賽都join過8899,每個球局同比賽都不盡相同,各有特色,大部份攪手都很認真,其實我覺得論壇都吾駛俾太多限制俾d攪手,其實我都好相信呢個市塲學同物以類聚的特性,如果個球局收得貴又吾好玩,你估佢下次會吾會去呢,但係有d球局攪得好好玩,須然收貴小小,但係d人都會排著隊去參加,所以我覺得論壇應該企後小小,讓d攪手多一点自由空間去攪一d特式的球局或比賽,我係驚論壇學左董伯伯,好心做壞事,呢d係我一d個人的意見而巳
作者: KKFan    時間: 2012-8-18 01:27

我聽本會付責財務的會員講,前年他們無盈餘,今年的財務報告也只有一千多元盈餘,所以我覺得如果唔係大家對乒乓球有興趣,大家都唔會繼續去推廣此活動

[ 本帖最後由 KKFan 於 2012-8-18 01:31 編輯 ]
作者: ta40gt    時間: 2012-8-18 01:53

局球資料有齊,上限也有,(除非離普,1比6這些,如果唔係,多一兩個感覺問題不大),再講,慼謝真心的攪手們,多謝你們的心血攪局!貓哥,有你們在背後睇實,多多的放心,不良者都給你揪起!感謝你的團隊!
作者: likwaiw    時間: 2012-8-18 10:18

ta40gt 很讚~~~~~
作者: 大吉    時間: 2012-8-18 12:08

其實..個人認為無謂搞到每一個球局都咁複雜
眼見既球局有幾多可以賺到錢,搞過球局既可以睇得到...
如果論壇設立左一個盈利既上限,我相信搞手都必須遵從...
就好似之前搞比賽咁,論壇話1咪1  話2咪2 得就得 唔得就唔得  有清晰而明確既規條咪得
每一個球局都有每一個球局既特色..無謂限死晒所有球局
我個人認為,論壇既立場係提供一個場地比搞手去發展球局,並唔係要將球局"餅印化" 整到一模一樣
講得好聽D叫統一,講得唔好聽D叫專制
假設有球局搞手只係想設球局作為娛樂   目標係扣除波鐘,波錢達到唔會蝕錢
亦都會受其他球局"冷眼", 出現左異類 好耐之前好多球局都係15蚊,因為人數不設上限
依家設左人數上限大部份都係20-35元,但卻出現左盈利既出現
亦都會因為達成左論壇一條formula...令到論壇每個球局一樣,"四個人,三個鐘,二十五蚊"(例子,並不作實)
所以我認為論壇應該設立規限...而唔係規條

[ 本帖最後由 大吉 於 2012-8-18 12:13 編輯 ]
作者: Simon-Lee    時間: 2012-8-19 13:09

同意上述各位
或者可否開立一個非限制區
讓一些搞手或參加者
各自各精彩
作者: jcclee    時間: 2012-8-20 01:28

引用:
原帖由 Simon-Lee 於 2012-8-19 13:09 發表
同意上述各位
或者可否開立一個非限制區
讓一些搞手或參加者
各自各精彩
這個問題好好 !
或者仲會係多數搞手的心聲....
論壇有一日可以做到咁, 即係表示已經取得完全的成功了 !
不用擔心球局會有甚麼問題出現, 沒有人投訴, 沒有不公平事件, 太好了 !

可惜, 這景象今日還是未(完全)見到有....

自由發揮, 不限制, 卻只換來了一點投訴 :
1張檯4人打....自由發揮至1張檯8人打
2小時$20....自由發揮至(假設)明年的2小時$40
當中還可能有其他不公平的小問題....

論壇的最終目標是完全可以放手干預球局.
作者: 輝Ｓｉｒ    時間: 2012-8-20 02:45

這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲

1.起壇時一心習結各階層波友可在此找到對手打波消遣，當時論壇非常鼓勵各方波友仔可在各區自己區域book場開局，論壇是無任歡迎的！

2.至於話收費問題，坦白講，論壇一向無定位，並無償地劃出及借出版位給有心人攪球局識朋友！及沒有想過會有人用此謀利！

3.論壇過了多年發展，我相信好多出來打開波的老友/朋友/波友都會知現時場租大約是多少，一個三星波又會值多少，及Book場的難道又是多少（以一次性同時段租多張檯來計算）；講到尾，係咪真係要一分一豪都要計到好似婆仔數咁呢？

4.如覺得有球局攪手收得貴、唔抵；我可以講句，俗語話齋：笨柒做一次.......（無下次），請問你又會損失多少？你估攪球局果個唔驚比人唱？唱一次唔死，唱多兩次佢都以後有局都無人到喇！

5.這個平台起先只是一眾對乒乓球有熱誠的波友一個聚腳地，並唔係去立規則去指明要點、要點、又要點，我們是非常專重波友的言論自由，就算有人攪球局賺了多少多少，你看不過眼你可以去攪，可以在此招攬自願者，但希望唔好將收費多少的責任推到論壇頭上，始終我們都是出個平台比大家去玩，對不對？

6.可能有好多波友都唔識得我，而我計計埋埋都有兩年幾無出來參加任何球局，打咁多字都係想大家明白：樹大有枯枝，何況，人有好多種，有人會將是非當人情，將雞毛蒜皮之事無限放大，然後就發陽光大，唯恐天下不亂；亦會有人處事待人過份熱情、直率，比人錯覺無禮、小家、唱人....等等

我就唔想呢頭家咁快會散，亦知道好多老友/朋友/波友都唔想見到！

以上廢話，不喜勿插，我的言論只是個人觀點，並非代表論壇立場。

謝謝觀看！
作者: Tam校長    時間: 2012-8-20 11:18

引用:
原帖由 輝Ｓｉｒ 於 2012-8-20 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...
100% agree and also what I think.
作者: 日本仔    時間: 2012-8-20 11:25

引用:
原帖由 輝Ｓｉｒ 於 2012-8-20 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...
2年幾唔出來打波，可以出來請我飲茶  ( 我系街童 )
作者: (=^x^=)    時間: 2012-8-20 11:30

輝sir，你快d出番來啦！論壇無左你小左好多　殺氣
作者: (=^x^=)    時間: 2012-8-20 11:46

所有會員意見我們都會一一記下，待九月中開會時討論
無論最后決定係點，我相信都無可以滿足每一個網友，開局者自然不想限制太多，但參與者亦想我們做多一點工作。單單這個月我私底下收到不少意見，而大家亦看到其实在論壇上有不同的聲音，這問題亦沒有絕對答案。

無可否認，明碼实價，願者上鈎。
如果這樣說私人球館�乒乓商店是否也應該隨意開局或開出售post？明碼实價願者上鈎呢？
作者: 葉師傅    時間: 2012-8-20 12:55

其實只要唔好太過份及沒什麼投訴,就可不用那麼多限制囉 ! 最緊要都係個搞手可以令個局如預計般進行,所以我建議可增立搞手可信性等級,使玩家多一樣嘢作參考。
作者: bd_fan    時間: 2012-8-20 13:37

引用:
原帖由 輝Ｓｉｒ 於 20-8-2012 02:45 發表
這個論壇宗旨的起源...........More Game More Friend（唔知重有幾多人記得）

我只是一名好耐無出聲+好耐無出來打波............的微不足道管理員的一點心聲images/smilies/default/bye.gif

1.起壇時一心習結各 ...
絕對同意  輝Ｓｉｒ的 More Ball Game More Friend!!

簡簡單單為打波而攪波局, 是我等攪球局的目的!!!

一時又說什麼要每次都列出收入與支出清單, 一時又要出什麼攪手評分.......

好似做到要攪上市公司 ,

動作多而不雅觀, 語言多又不達致!!
侮辱大眾球局參與者的精確抉擇!!  
作者: jcclee    時間: 2012-8-20 17:55     標題: 回復 68# 的帖子

我都唔贊成攪到咁複雜 !

總之一定有辦法令到"母子"都可以平安既.
作者: 葉師傅    時間: 2012-8-21 00:35

小弟看各位的重點都放係錢方面,而我就覺得20蚊3個鍾鐘同30蚊3個鐘,都沒什麼所謂,最緊要係開心好玩。反而我較留意的,係球局枱數同人數控制的問題上。人多玩得少,人少冇咁多力,剛剛正好 ! 我知搞球局經常受限制,會形成隱憂 ! 但我相信絕大多數的球局,都應有一些經常玩家支持先搞,應該唔會蝕掛 ?! (但如果冇的去搞,冒多少風險都預咗啦 !) 當人數超出預期,對玩家嚟講真係玩少咗 ! 多1-2個係可以容忍,但真係多太多,反應係覺得該球局唔老實,甚至覺得被欺騙咁囉 ! 我相信論壇都唔會容忍,有欺騙/不盡不實的事情發生。希望各搞手真係自律,登得出就要做得到,就算因實際情況而改變,都唔好太離普 ! 多謝各位 !
作者: (=^x^=)    時間: 2012-8-21 00:39

文仔講出了重點，
我們論壇雖然黑暗，但黑暗得來老实。
所以今晚我們數個超版討論的重點亦在這裹。是人數與枱數的比例。
稍后jcclee亦會出post詳細說明，希望達到三win
作者: jcclee    時間: 2012-8-21 03:03

由於近期收到了不少有關會員投訴公開球局的問題,
經過論壇深入了解後, 認為有必要去作出檢討.
我們嘗試由不同的角度去體會搞球局的過程, 同時亦要顧及到參加者的感受.
重點是, 論壇不願意行駛一些行政手段來干預球局的自由市場,
只是在適當和有需要的時候, 我們會給予一點的建議/方向.


[論壇公眾球局指引]


(1) 人 : 檯 = 4 : 1
此數字比例雖然是屬於建議性質, 但如果人數比例太多會對參加者不公平.
檯數不能過份取巧, 基本上, 全程的檯數應該要是一致的, 不過參加者都會接受偶然輕微的差異.
但一定要是"實事實報"和網上所刊登的所相符 !
要確實book 了檯後才可以出 post 上網, 每一小時有幾多張檯都要如實申報.
e.g 7pm-8pm有4張檯 / 8pm-9pm有5張檯 / 9pm-10pm有3張檯
(不接納如果人多的話才到時再加檯等等的藉口, 一定要是先book檯, 後出 post)

(2) 建議性每小時收費不超過HK$10
換言之(e.g 3小時的球局不能多於HK$30/人), 如有例外, 必須要先向我或管理層提出合理的解釋.

(3) 網上刊登球局的核心資料, 必須屬實, 例如申報用三星紅雙喜乒乓球, 但臨場原來只是一星波,
(沒有規定要提供三星乒乓球, 就算用一星波都唔係問題, 但要事先講明, 讓消費者自行決定)
論壇會確保球局當中沒任何謀利或欺詐成份, 如有必究 !

經過詳細分析, 如能確切執行, 相信可以足夠地保障到各方面的平衡,
更希望各區的搞手可以團結一致, 盡量做好自己的本份, 與論壇一起共同成長.
論壇的目標始終都是 More Ball Games, More Friends !

P.S 最後, 論壇亦會保留舉辦球局的最終決定權, 有必要時不排除會安排更適合的人選來舉辦球局.
(如有需要, 將來會定期作出重新評估)

[ 本帖最後由 jcclee 於 2012-8-21 13:33 編輯 ]
作者: jcclee    時間: 2012-8-21 03:05

大致上出了初步草擬, 請大家看看及給予意見.
如果ok, 將會中午前可 post 出去.

Thanks.

[ 本帖最後由 jcclee 於 2012-8-21 08:33 編輯 ]
作者: 黑暗武士    時間: 2012-8-21 07:45

我就覺得OK呀!這個方案只規限私人搞的球局，應不會引起一班球會的抗議，但使唔使在15�9大家再討論一下呢?
作者: 黑暗武士    時間: 2012-8-21 07:47

況且我覺得建議方案對兩方面都有保障及合理。
作者: jcclee    時間: 2012-8-21 07:55     標題: 回復 70# 的帖子

絕對不單是針對"錢"的問題 !
當然啦, 如果球局本身都好多問題, 收費仲要貴過人, 咁我就一定會順便針對埋價錢 !

(1) 對"超人"冇好感 ! (即是超多人打一張檯, 有排輪候, 變相是趕客)
(2) 資料要符合網上所刊登 ! (否則即是誤導人入局)
(3) 收費上限只是最不重要的一part, 因為知道大家都唔會亂來.
(不過今次我都順帶出了一個上限的建議指引)

## 草擬版本已經post在超版專區內, 冇問題的話, 今日中午前可出 ##

[ 本帖最後由 jcclee 於 2012-8-21 08:41 編輯 ]
作者: jcclee    時間: 2012-8-21 07:58

15/9/2012 順便咪傾吓囉, 反正球會的問題暫時不是急切性.
目前最重要是先擺平私人球局的爭議.

不影響大局為主, 但又要嚇一嚇班"古惑仔", 等佢地打消利用球局來搵錢的念頭 !

現在已經算是幾公平(對雙方)
連乒乓球的損耗, 我地都計到好充裕(每個檯鍾就一個波)
輪打方式是個別少數的家事, 不管了(波友會識得揀)
至於參加者, 佢地仍然可以選擇去d 收費平的球局.

[ 本帖最後由 jcclee 於 2012-8-21 08:39 編輯 ]
作者: jcclee    時間: 2012-8-21 11:29

收到 !
我馬上執一執過佢....
作者: jcclee    時間: 2012-8-21 12:06

Revised !
請再幫手睇吓有冇漏 ?
作者: jcclee    時間: 2012-8-21 12:26

引用:
原帖由 (=^x^=) 於 2012-8-21 12:22 發表
有一個平均球枱時數
如２，５，５　其实平均時數是１２�３＝４即是話最多收１２人
我們管只能要求攪手不多於１２人
﹣﹣﹣﹣﹣﹣﹣﹣﹣﹣﹣﹣﹣﹣﹣﹣
但实際上若遇此情況，攪手最好首小時只 ...
其實自大眼仔的csae, 我發現人人都自動揸正左來做, 叫做自律掛...
如果日後真係仲有人夠膽取巧, 我地先再私下話佢.
咁做就可以暫時避重就輕, 你認為如何 ?
作者: jcclee    時間: 2012-8-21 14:37

No Problems !

一陣如果我冇 online, 又急的話, 可請武士照出先,
otherwise, 我9:00pm 後做完 Gym 會返來.
Thanks
作者: wilson2020    時間: 2012-8-21 18:19

引用:
原帖由 jcclee 於 2012-8-21 07:58 發表
15/9/2012 順便咪傾吓囉, 反正球會的問題暫時不是急切性.
目前最重要是先擺平私人球局的爭議.

不影響大局為主, 但又要嚇一嚇班"古惑仔", 等佢地打消利用球局來搵錢的念頭 !

現在已經算是幾公平(對 ...
915甘多人你一言我一語好難傾到件事

[ 本帖最後由 wilson2020 於 2012-8-21 18:36 編輯 ]
作者: 黑暗武士    時間: 2012-8-21 19:09

不如搵個星期一上貓館傾傾都可以。
作者: wilson2020    時間: 2012-8-21 19:12     標題: 回復 27# 的帖子

agree武士的建議:)

[ 本帖最後由 wilson2020 於 2012-8-21 19:13 編輯 ]
作者: mym    時間: 2012-8-21 19:37

有定案嗎?
引用:
原帖由 jcclee 於 2012-8-21 07:55 發表
絕對不單是針對"錢"的問題 !
當然啦, 如果球局本身都好多問題, 收費仲要貴過人, 咁我就一定會順便針對埋價錢 !

(1) 對"超人"冇好感 ! (即是超多人打一張檯, 有排輪候, 變相是趕客)
(2) 資料要符合網上所刊登 !  ...

## 草擬版本已經post在超版專區內, 冇問題的話, 今日中午前可出 ##
作者: 輝Ｓｉｒ    時間: 2012-8-21 22:48

（閱讀前，懇請閱讀者不要自動地對號入座！）
坦白講！

我就唔建議應一些雞蛋裡挑骨頭的波友的指責，

而要我地幫手Set個辨法出來，

畢竟，佢地又要馬兒好又要馬兒吃干草，

參加人地攪的球局又要諸多要求，

而不滿的參加者往往就講無數咁多籍口，

去話唔方便/無辨法/怕無人來/book不到場...等等千字文理由，

論壇是自由文化的現證，亦是不應該攬上不義之名（如果set了規則後又發生問題），

到時又要去擺平事端又要解釋又要再行處理，

呢種事我覺得應該由市場自由去調節，

無謂因一小數人你一言我一語就去做一些好心的壞事，徒勞無功！

我覺得應該係：無為而治，自由發展，不要自轉牛角尖..............謝謝收看！
作者: Tam校長    時間: 2012-8-21 23:07

totally agree 無為而治，自由發展，不要自轉牛角尖...........

[ 本帖最後由 Tam校長 於 2012-8-21 23:16 編輯 ]
作者: (=^x^=)    時間: 2012-8-22 03:36

我搬了入超板區, 因為收集意見也差不多了.

容我回應輝SIR一些個人感想及論壇改變

1.起壇時一心習結各階層波友可在此找到對手打波消遣，當時論壇非常鼓勵各方波友仔可在各區自己區域book場開局，論壇是無任歡迎的！
more ball games more friends, 從來都無變, 論壇由十數人到近七千人, 球會球局亦由一個變為數十個, 月來月多GAME,亦月多月多FRIENDS, 不過如防兄名言,有人便有(話題), 朋友如是, 同事如是, 夫妻如是, 網友又怎會例外,

2.至於話收費問題，坦白講，論壇一向無定位，並無償地劃出及借出版位給有心人攪球局識朋友！及沒有想過會有人用此謀利！
開論壇時的確無定位, 但約2-3年前我們已經有建議性收費及人數比例的指引, 我們也沒想過有網友借此謀利, 但事实如此, 但其实謀利的定義又是什麼? 怎樣劃這條線


3.論壇過了多年發展，我相信好多出來打開波的老友/朋友/波友都會知現時場租大約是多少，一個三星波又會值多少，及Book場的難道又是多少（以一次性同時段租多張檯來計算）；講到尾，係咪真係要一分一豪都要計到好似婆仔數咁呢？ 我完全同意, 最重要不是多少錢, 而要老老实实看一個球局
4.如覺得有球局攪手收得貴、唔抵；我可以講句，俗語話齋：笨柒做一次.......（無下次），請問你又會損失多少？你估攪球局果個唔驚比人唱？唱一次唔死，唱多兩次佢都以後有局都無人到喇！ 我也同意你的說法, 但若有不良的球局, 或過份的收費, 太多人投訴, 我們怎樣也不能坐視不理, 雖然每年電視都有人賣新聞說旺角NATHAD ROAD深容海味欺騙, 但總會不停有新的白老鼠, 如果有得選擇, 我會拉人封店, 減少不良份子在社區出現. 如童XX問題, 直到我們知道已經有很多受害者 , 當然你說的觀點我也十分同意, 只要不過份, 其实我們也不會干涉太多.

5.這個平台起先只是一眾對乒乓球有熱誠的波友一個聚腳地，並唔係去立規則去指明要點、要點、又要點，我們是非常專重波友的言論自由，就算有人攪球局賺了多少多少，你看不過眼你可以去攪，可以在此招攬自願者，但希望唔好將收費多少的責任推到論壇頭上，始終我們都是出個平台比大家去玩，對不對？
對, 這樣講沒有錯, 攪手賺多了, 我們不會虧, 若單單以論壇點激率計算, 我們應該什麼也不理, 最重要有人, 過去你不在的三年, 我REFUSE 大大小小20多個球會申請入論壇, 甚至連最大的球會我都放棄了, 某角度看我很STUPID, 但我有我做事的原則, 好聽叫原則, 唔好聽叫執著, 無人會想比人管, 我們亦不想管人, 只想大家自律.

6.可能有好多波友都唔識得我，而我計計埋埋都有兩年幾無出來參加任何球局，打咁多字都係想大家明白：樹大有枯枝，何況，人有好多種，有人會將是非當人情，將雞毛蒜皮之事無限放大，然後就發陽光大，唯恐天下不亂；亦會有人處事待人過份熱情、直率，比人錯覺無禮、小家、唱人....等等

我就唔想呢頭家咁快會散，亦知道好多老友/朋友/波友都唔想見到！ 我明你講什麼, 亦多謝你為人寫了咁多比我們分享. 我希望各人多點像你一樣與大眾多點溝通, 我已經行了好多步, 論壇是在變, 不停變. 有些地方變好, 有些地方可能變壞, 對某些人可能是變好, 但對某些人又可能是變壞, 管理員如何平衡6000會員, 40-50攪手, 20多個球會, 3 個商店, 10間球館, 如何滿足所有人?? 無可能, 只能沒有害人之心, 儘力做好自己本份. 問心無愧


以上廢話，不喜勿插，我的言論只是個人觀點，並非代表論壇立場。
沒有人會插你, 我仲第一個支持你,


謝謝觀看！



歡迎光臨 香港乒乓網 (http://hkttf.com/) Powered by Discuz! 6.0.0