香港乒乓網 - Powered by Discuz! Board

標題: [球例] 對 ITTF 不斷改制的看法 [打印本頁]

作者: belcher168 時間: 2011-5-16 17:25 標題: 對 ITTF 不斷改制的看法

自從沙拉拉上左台後，一味淨係識針對中國乒乓球既強勢，不停改制改制再改制，但完全冇諗過點解中國乒乓球可以咁強大！

中國乒乓球可以咁強大，點解其他國家又做唔到呢？

不外乎下列幾個原因:

1. 投入大量資源
中國每年投放係訓練乒乓球的資源，包括資金, 人力, 物力絕對比其他任何一個國家(甚至比整個歐州)還多！無足夠的INPUT，點會有好的OUTPUT呢?日本是明白這點的，才能培育出水谷隼,賢平建太這批新一代的球員，而近幾年己開始小有成績。

2. 先進訓練系統
因為中國投入大量資源，已建立了一套領先世界的訓練系統。在資深的教練和培練員的幫助下，進行魔鬼式訓練，才能產生一個個的世界冠軍。然而，建立這系統不是一朝一夕的事；外國要從中國引入大量的教練和培練員(不是一兩個教練)，並要花上數年時間才有成果。

3. 國際乒聯的改制
國際乒聯的每一次改制，運動員都需要時間適應，而且對本身的整套技術有一定影響;甚至扼殺球員生命。可是，這反而有利于中國。因為中國人材齊齊，而外國球星寥寥可數。例如: 2000年奧運會後改用大球，沒有參加奧運的馬琳潛心苦練; 結果奪得2000世界杯單打冠軍。

4.賽制的改革
其實，所謂的”大包覽”和” 包覽”金銀銅”這事是在近10年才經常發生。其一是把世乒賽分開為世乒賽團體賽和世乒賽單項賽。二是把21分改為11分的總回合數減小。這種減小競賽強度的改革明顯有利于實力較高中國隊。因為體力,精力和心理負荷相對要小很多。
例如: 2010女團决赛丁寧輸球後有一年時間調整；但按原賽制女單在女團後舉行，丁寧輸球數天後再遇給溤天薇還可以橫掃對手嗎? 實際上，團體奪冠單項輸球的例子不小。例如: 1993年中國女團奪冠，鄧亞萍和喬紅女單32強出局；1997年中國男團奪冠，男隊4強全軍覆沒。

而沙拉拉淨係識話中國乒乓球太強大對國際乒壇唔好，其實最唔好就係佢上任！做生意有所謂既開源同截流，但佢淨係一味識截流而唔識開源，從來唔會下苦功去世界各地推廣普及乒乓球呢個運動；從來唔會投放資源俾一d乒乓球資源缺乏既國家去培養人才！

如果不停改制同限制每國參賽隊員參加比賽，咁只會扼殺左真係有潛質既運動員既運動生涯，咁唔單止對世界乒乓球發展唔好，仲會影響乒乓球既發展！中國好多有潛質既乒乓球運動員，就係因為沙拉拉而被迫退出乒乓球生涯。

[ 本帖最後由 belcher168 於 2011-5-16 20:03 編輯 ]

作者: 乒乓在線 時間: 2011-5-16 17:28

CHINA IS RICHER THAN MORE EUROPE COUNTIES NOW

作者: kenschans 時間: 2011-5-16 19:25

佢只係識針對中國

完全冇體育精神
技不如人，應該諗下西方點解不及中國，而唔係用手段去限制中國

田徑、游泳美國夠每年都好勁，又唔見改制度....
(純粹個人意見，如有錯誤之處，敬請原諒)

作者: 閃人 時間: 2011-5-16 19:26

引用:

原帖由 kenschans 於 2011-5-16 07:25 PM 發表
佢只係識針對中國
完全冇體育精神
技不如人，應該諗下西方點解不及中國，而唔係用手段去限制中國

田徑、游泳美國夠每年都好勁，又唔見改制度....
(純粹個人意見，如有錯誤之處，敬請原諒)

同意 0000000000000000000

作者: feideepking 時間: 2011-5-16 20:18

轉一千個圈乒乓本身應該係運動嚟, 等人可以發洩, 唔會塞住; 因為個球大咗, 球速慢咗, 變普及咗, 中/西方都想將佢專/工/商/企業化咗佢, 都係為咗果d嘢

唧.

作者: 天樂 時間: 2011-5-16 20:27

中國人願意上刻苦去練習,從而得到成功,反之,西方人刻苦既態度感覺不強烈

作者: ninthuncle 時間: 2011-5-16 21:05

引用:

原帖由 belcher168 於 2011-5-16 17:25 發表
自從沙拉拉上左台後，一味淨係識針對中國乒乓球既強勢，不停改制改制再改制，但完全冇諗過點解中國乒乓球可以咁強大！

中國乒乓球可以咁強大，點解其他國家又做唔到呢？

不外乎下列幾個原因:
...

完全同意師兄所言。當烏龜力爭上游，不斷努力不斷革新嘅時候，啲兔仔不思進取，完全鬆懈下來。最終被烏龜迎頭趕上，超越甚至大幅拋離。 o甘佢地就要限制抵制同抹殺人地辛苦努力所得成就，仲天真到想同人地分享(偷師?)研究成果心得。聽到都覺得攪笑。

作者: kin 時間: 2011-5-16 23:09

甘你同唔同意，改用大球同轉左11分制增加左比賽的可觀性？例如，來回球多左同比賽節湊快左...!

作者: nixonwin 時間: 2011-5-16 23:12

其實乒乓球運動某些部份都需要討論和有建設的改革, 這項運動才會更加普及和受歡迎.
例如: 全球的平均高度在上個世記到現在,又或者上一代到依家都高左好多吋(仔都高過老豆3,4吋啦), 但球枱高度依舊不變, 對於高大的白種及黑人有不利的競爭因素,我地大人打細枱都唔舒服啦.
仲有最需要改革是包裝, 國際乒聯真係冇網球,羽球造得更好, 明星都冇更多.

歡迎光臨香港乒乓網 (http://hkttf.com/)