香港乒乓網 - Powered by Discuz! Board

標題: [是非] 學校教練偏心＞＜ [打印本頁]

作者: chesss 時間: 2011-4-15 01:00 標題: 學校教練偏心＞＜

學界剛剛在上星期打了初賽，報名有五位同學，好囡囡水平排２-3
不過比賽當日我囡囡由早坐到晚一塲都無打過
教練話初賽水平不高所以由其它同學先打，取多一點經驗
而事實上可以出塲的同學是因為有跟該教練打私鐘，
而我囡囡沒有跟他學波，我囡囡好失望
如果因為水平低教練唔比出塲，我心甘情願
但如為了一己的利益而出賣其它學生，我覺得這些教練好無職業操守

學校是九西其中一間學校，

其實你們覺得打團体賽是否可以要求學校甄選，然后選最強的學生打決賽
還是應該讓小朋友取經驗，輸都應該安排他們出塲呢？

作者: 太陽之子 時間: 2011-4-15 01:16

由於是淘汰賽，非勝不可
所以應該要出最強陣容呢

打內部賽當然會是一個比較好的挑選方法
有成績支持，大家也心服口服呢

作者: 吉野家 時間: 2011-4-15 06:51

體育運動本來有益身心，公平公正，但因利益關係，將小朋友提早帶入大人的世界，深感無奈。

作者: dannyyslhk 時間: 2011-4-15 09:42 標題: 學校教練偏心

我兒子也有類似遭遇...........初上中學代表學校出戰學界 ; 不論出賽經驗 , 隊內賽及兵總排名均排第三(在六位隊友當中) ; 主力肯定就無份 , 但出佢打C仔應沒人異議...........但最终因教練投訴佢少來練波及新丁不夠服從 ,所以在四強時沒给他機會 (其實我兒一星期打三日精英隊 , 一日球會 ,一日C鐘 , 只是教練不知道) 结果己隊輸了2:3 ..............到下場爭第三仍然唔肯出我兒子 !!! 最後己隊只得第三 . 其實我和家人一知道教練唔Like這事後已在初賽現場親自訓導兒子向當眾向教練道歉了! ,结果於初賽時给他出了一場(Win咗)............................我覺得呢件事令到我兒受了很大教訓..........................唯有以後只有教他再再努力D才不會不受重視吧!!!!!

作者: nixonwin 時間: 2011-4-15 11:15 標題: 回復 1# 的帖子

九西複,決賽應該今個星期六(明天)打, 貴校安排在初賽比實力差的副選出戰, 其實問題不大, 反而是一個好安排, 因校隊是包括團體合作和分享的, 對實力次一等的成員來說有一次寳貴的參賽機會, 只要教練明天選用實力最強的三人包括令愛出戰複,決賽, 咁就成隊校隊都HAPPY 啦, 其實參加校隊又要比錢,又冇乜教野,只為能參予賽事, 多D人參與先開心

作者: atvb 時間: 2011-4-15 15:44

排第三,四系邊緣人,教練點出可自行決定,你都好難議異,
努力D再打上D,做到主力就唔出唔得.

作者: 廠長 時間: 2011-4-15 16:02

照道理,入到複賽應以最強陣容爭取最好的成績,如真的如你所說有跟教練私鐘就優先出場,校隊教練應以學校成績為大前提,如偏私自己學生而影響作賽成績,咁呢位教練好有問題,應向校方投訴,不應將一項團體運動利益化,小小愚見,請多多包涵!

作者: chesss 時間: 2011-4-16 02:13

教練今日同我囡囡講明天無得打 , 因為某某小朋友好想打

叫我比個機會佢 , 我囡囡比機會佢 , 咁邊個比機會我囡囡

教練又話主力同次主力已足夠嬴波

所以決定比機會一些低年班同學爭取多一點比賽經驗

低年班同學其他是他的愛將兼私人學生

說得好聽是取經驗 , 如果沒有利益輸送誰也不相信

聽日我已準備去信校長提出退出校隊

初賽不是以最強陣容我不怪貴教練

但是明天決賽也這樣做 , 未免有點兒那過

入得校隊個個都想代表學校
假如水平唔夠班唔比打我無野好講

但係將金錢掛鈎在乒乓球出塲上我覺得好可恥
教練界的人渣敗類

退隊以後唔打校隊

作者: 青見人 時間: 2011-4-16 03:59

引用:

原帖由 fairy 於 2011-4-16 02:13 發表
教練今日同我囡囡講明天無得打 , 因為某某小朋友好想打
叫我比個機會佢 , 我囡囡比機會佢 , 咁邊個比機會我囡囡
教練又話主力同次主力已足夠嬴波
所以決定比機會一些低年班同學爭取多一點 ...

不要退隊那麼簡單，你要和校長說明一切！
搵食還搵食也要有點道德！
如這是事實，不怕在這裡開開名！佢就知你唔夠膽！再唔係講吓你讀邊間！

作者: ho1615 時間: 2011-4-16 07:47

提示: 作者被禁止或刪除內容自動屏蔽

作者: 乒乓之皇 時間: 2011-4-16 21:50

其實你有打內部賽.
教練唔比你出都係一樣.
不過可以向校長篤佢背脊

作者: Godwin 時間: 2011-4-17 00:28

Sad to hear this incident but I believe that such a case happens all over the world!

作者: 金擇魚 時間: 2011-4-17 01:02

成個乒壇都係咁,不知所謂.

作者: kei 時間: 2011-4-17 01:56

引用:

原帖由 乒乓之皇 於 2011-4-16 21:50 發表
其實你有打內部賽.
教練唔比你出都係一樣.
不過可以向校長篤佢背脊

我覺得向校長篤佢背脊, 好似去得盡左d

個教練可能只係用學校一d fundings 去請
學校用錢請佢, 其實只係想負責乒乓球隊個老師, 有多d時間做好教書, 或行政工作
你投訴個教練, 個教練頂多拍拍屁股下年唔做
但個老師就慘lor

第一, 校長一定唔會出面丙個教練
一定叫個老師做個教練同家長個磨心
要個老師拆得好好睇睇, 要家長, 學生, 教練大家開心
你諗下, 個教練一定唔會認錯, 一定講好多理由話自己無錯
而你睇下上面幾位家長網友, 講到要向校長投訴, 一定無彎轉la
試想, 是否需要行這一步呢?
你可能話, 邊個叫個教練唔做好呀? 係佢自己攞黎
但, 你投訴完, 你認為個教練會唔會個心有條剌, 會好比心機教個小朋友, 並且對佢特別好呢
所以, 是否先聯絡左相關老師好d呢?

第二, 教練可以話係用來減輕老師壓力
但一有投訴, 老師一定比校長照肺
既浪費改簿, 備課, 做行政野既時間
之後又要解話, 跟進, 你話無壓力就假既
最後反而無時間做好教學
係咪大吉利是呢?
可能你會話, 負責乒乓球個老師有責任睇住個教練
對! 但既然請得教練, 老師多數會尊重教練的專業, 對教練的決定好少指指點點, 好似做埋人地果份咁
教練會覺得不被信任和尊重
再者, 如果一有問題發生, 家長立即代小朋友向校長投訴, 小朋友解難的能力豈能培養出來呢?

所以, 都係果句, 何不鼓勵小朋友教教練, 或相關老師先溝通一下呢?

作者: henrytam 時間: 2011-4-17 02:58

當然直接叫校長啦,
而家所有學校校長都好怕家長投訴,
你一出聲,
學校肯定會宿,
如果教練係學校透過康體請,
呢單野夠寫花個教練個FILE

作者: nixonwin 時間: 2011-4-17 10:59

引用:

原帖由 kei 於 2011-4-17 01:56 發表

我覺得向校長篤佢背脊, 好似去得盡左d

個教練可能只係用學校一d fundings 去請
學校用錢請佢, 其實只係想負責乒乓球隊個老師, 有多d時間做好教書, 或行政工作
你投訴個教練, 個教練頂多拍拍屁股下年唔做
但 ...

奇哥,如果引用你個句,(個教練可能只係用學校一d fundings 去請),譠主應該條氣冇咁頂往,依家一般學校辦好多興趣班或校隊,家長都要比錢架. 雖然明白老師的難處, 但比左錢,又學唔到野,又冇得比賽,又多是非,難怪家長有動作矣!

作者: sam1996921 時間: 2011-4-17 11:32

我今日有個fd都係甘
唉

........
所以教練唔係個個好有時

作者: Baukaw 時間: 2011-4-17 11:50

Better express your discontent to the principal.
The similar case frequent happen on other school match, such as swimming, track and field, and other ball games.
Kids who joining private lessons from the school team coach can get more joining opportunities in competition, even they are not the most capable candidates.

[ 本帖最後由 Baukaw 於 2011-4-17 11:56 編輯 ]

作者: 乒乓之皇 時間: 2011-4-17 15:59 標題: 回復 15# 的帖子

其實同校長講會令個教練有d驚...
唔敢再針對or漠視個學生....
但如果佢再係咁樣唔理個學生.....
就可以要求校長考慮換教練

如果你忍佢...佢下年都會咁樣做.

[ 本帖最後由乒乓之皇於 2011-4-17 16:00 編輯 ]

作者: chesss 時間: 2011-4-17 18:09

多謝各位的意見我準備已去信校長
唔可以放過教育界的寄生蟲
如果是靠關係便可以代表學校打比賽這些比我囡囡不打也擺
教練的名字算我不在此公開了
只是教練的名言我同我囡囡永遠都會記得
恒生學界盃囡囡會以實力証明教練是錯的

(唔跟我打私鐘 , 你都唔洗代表學校打比賽)

作者: (=^x^=) 時間: 2011-4-17 18:13

世界有時便是咁黑暗。
But we still suggest to post the name of school and coach to us
We sure that coach wil become super star in TT market
Since hkttf is more dark

作者: sam1996921 時間: 2011-4-17 20:35

引用:

原帖由 (=^x^=) 於 2011-4-17 06:13 PM 發表
世界有時便是咁黑暗。
But we still suggest to post the name of school and coach to us
We sure that coach wil become super star in TT market
Since hkttf is more dark

作者: 廠長 時間: 2011-4-17 20:42

引用:

原帖由 (=^x^=) 於 2011-4-17 18:13 發表
世界有時便是咁黑暗。
But we still suggest to post the name of school and coach to us
We sure that coach wil become super star in TT market
Since hkttf is more dark

support!!!!!!!!!!!!!!!!!!!!!

作者: ycfu 時間: 2011-4-17 20:54

唔出聲唔回應=助紂為虐

作者: hkw2010 時間: 2011-4-17 22:07 標題: 個人意見。

我記得我細個打球隊比賽打到起晒q.  到下一塲我會對一個幾勁既對手。  個教練比左個塲佢個仔打囉。 he lost the match 因為佢d波對手一早就打win 過佢。點解出佢個仔而唔出我呢。  我就成個下午坐左係度啦。  我都仲記得。  細路仔比人take advantage 真係好難受。

你小朋友教練唔可以只係揾錢﹐ 比人唱出去有乜好呢? 不過我都見個依d 契弟。

叫你小朋友加油。。。再打好d。  打波打到朋友respect更有意思。  你做家長你既責任係唔好比你既小朋友同你一同勞氣。

唔好你地話你去啦去 complain 佢囉。  你話佢唔fair, 但佢話冇喎。  佢慢慢攪你小朋友你都煩啦。唉
冇計。  望你小朋友一路打上去啦。  但我個人覺得只有 5% 既人係咁衰格。 avoid them.

作者: Crocotai 時間: 2011-4-17 23:29

在此想先分享小小個人經驗
正如阿基所言，我在學校除了教書，也要教波，工作量真的很繁複。經常希望有個教練幫我，可惜沒有，教書教波，時會有兩頭唔到岸的情況，學校有教練幫手其實應該好好珍惜。

我說話方式很直接的，請不要見怪，我認為家長就此事去信校長投訴，其實並不是最合適。

我不知道閣下對學校的容忍度有多大，也不知道您對學校的要求有多高。但就我的所見，每次的投訴，都會令老師忌了該學生幾分，處處保護你的兒女，表面上是好，其實只會令老師即使看見你的小朋友有錯，也不敢改正，其實受損最終也是你的小朋友。

作為老師及教練，出賽時我有三個不同的考慮，第一是獎項，第二是新人培訓，第三是隊員出場機會，我強調，這三件事是有衝突的！在比賽時我有不同的處理，必勝的比賽，我會多出少經驗的學生，必輸之比賽，則會把主力放在次要位置，為求多打幾場，只有要拼搏的比賽，才會用上最強陣容。

您的女兒是否快獎畢業？如果是，若以我的考慮方式，以她的實力(排行二、三)，出賽機的確會較微，當然，如有足夠的場次，是否應該也讓女兒有一次的出場機會，這值得商確。

各行各業也是要討飯吃，就假設教練有私心吧，他也是要向讓私鐘學生的家長有個交代吧？也不想給私鐘學生的家長罵：「跟你咁耐，都無機會打。」不如就大量一點，給他一個機會，何必置人於死地呢？

最後，閣下說不會再讓小朋友打校隊，令我想起了我最近一次帶比賽的經驗，四個學生打團體賽，只能出三個，結果有一個不能出賽。在比賽過程中，他不斷發脾氣，說以後不打校隊，其他同學在打比賽時，他又不斷取笑自己的隊員，結果在第二場的比場中，我派了他出去，輸掉了，又怪我放他在一個難打的位置(我鬼知人地出咩人= =)，當然，這個學生結果比我媽到飛起。其實有出賽與沒有出賽也好，團體賽必須要學習的是團體意識，無論場內場外，也應為團體努力付出，場內努力比場，場外努力打氣以及透過觀察吸叫經驗，才能成為團隊的好成員。

[ 本帖最後由 Crocotai 於 2011-4-17 23:32 編輯 ]

作者: cgwc 時間: 2011-4-18 02:29

fairy

引用:

原帖由 fairy 於 2011-4-17 18:09 發表
多謝各位的意見我準備已去信校長
唔可以放過教育界的寄生蟲
如果是靠關係便可以代表學校打比賽這些比我囡囡不打也擺
教練的名字算我不在此公開了
只是教練的名言我同我囡囡永遠都會記得
恒生學界盃囡囡會 ...

小弟是某多間中學的低級教練︰

排陣的最佳的方法…就係打排名賽…現在中國國家隊都係用呢個方法…還要直播+輸波要罰錢…

就fairy而言︰
第一段對話…我認為可要求打排名賽(初賽前及決賽前)…是否真的排第二或三名？…可能最終會第一名或第五名…這樣各方相對心服口服…

就8#的一段話…那最終結果是否頭､兩分贏了…而第三分輸？最後的結果是…她們是打甚麼組？甲或乙？2000或以後定99或以前？

就21#的一段話…如果真係如貴家長所說…是否應該先與該教練､教師及其他學員的家長face to face傾先會否好啲呢？
因每間的學校的要求不同…訓練､排陣都會不同…一個正常的教練都係按照學校的指引來做事…因為學校先係佢地老闆…
例如︰
有些以攞獎為目標…當然排最強…或最佳陣容…如左手…怪膠…狀態…心理…經驗等…
有些以參與為目標…以國際學校為例…他們當比賽是一個活動…盡可能每個人都有得打…
有些以紀律為目標…要求絕對的服從性…話之妳係馬林…王勵勤…如果不時操行唔好(包括校內､外)…成績不佳…出席%低…自律性及心態性差的話…一律會out或變後備…
有些以輸波為目標…(真有其事)某觀塘一間中學…因領隊老師不想球隊進入複賽…(因帶隊係在職老師裡面係冇人工加…即使拿了學界冠軍或第尾…人工係照舊)當然…攞冠軍名譽係好聽啲…但佢地會覺得增加工作量…所以那間中學…我教了半個學期即走…

所以要看看甚麼情況…

[ 本帖最後由 cgwc 於 2011-4-18 02:33 編輯 ]

作者: cgwc 時間: 2011-4-18 02:44

引用:

原帖由 dannyyslhk 於 2011-4-15 09:42 發表
我兒子也有類似遭遇...........初上中學代表學校出戰學界 ; 不論出賽經驗 , 隊內賽及兵總排名均排第三(在六位隊友當中) ; 主力肯定就無份 , 但出佢打C仔應沒人異議...........但最终因教練投訴佢少來練波及新丁 ...

就dannyyslhk而言︰

我想這是個最好的教導例子…因少來練波及服從性低…所以在四強時沒给他機會…是絕對正確！話之你係天皇巨星…馬林王皓…因為這可能是學校對教練及學生的要求！

希望各家長能明白教練之苦！

作者: bigsam 時間: 2011-4-18 09:25

引用:

原帖由 fairy 於 2011-4-17 18:09 發表
多謝各位的意見我準備已去信校長
唔可以放過教育界的寄生蟲
如果是靠關係便可以代表學校打比賽這些比我囡囡不打也擺
教練的名字算我不在此公開了
只是教練的名言我同我囡囡永遠都會記得
恒生學界盃囡囡會 ...

If it is really the fact, I think you should report to the ICAC instead of then sechool, cause it involves conflict of Interest.

作者: kei 時間: 2011-4-18 10:00

引用:

原帖由 Crocotai 於 2011-4-17 23:29 發表
在此想先分享小小個人經驗
正如阿基所言，我在學校除了教書，也要教波，工作量真的很繁複。經常希望有個教練幫我，可惜沒有，教書教波，時會有兩頭唔到岸的情況，學校有教練幫手其實應該好好珍惜。

我說話方式很 ...

各行各業也是要討飯吃，就假設教練有私心吧，他也是要向讓私鐘學生的家長有個交代吧？也不想給私鐘學生的家長罵：「跟你咁耐，都無機會打。」不如就大量一點，給他一個機會，何必置人於死地呢？

crocotai老師:
這是一般打工仔的心聲
亦是小弟的心聲
你說得很有見地

你係客
而且你有你既道理
一定係你惡d

我從來無話個教練無錯
但係風水輪流轉
有一日, 有個客捉住一d你認為唔大既事,
咬住你唔放, 仲向你老闆投訴你
你又會點諗呢?

晚愚 kei

[ 本帖最後由 kei 於 2011-4-18 10:04 編輯 ]

作者: Lamlam 時間: 2011-4-18 13:55

"各行各業也是要討飯吃，就假設教練有私心吧，他也是要向讓私鐘學生的家長有個交代吧？也不想給私鐘學生的家長罵：「跟你咁耐，都無機會打。」不如就大量一點，給他一個機會，何必置人於死地呢？"

作為家長我對以上言論極之反感。首先香港比大陸及一些亞州國家先進，其中一個原因係我地有個廉潔的社會。學校係社會的縮影，學生的個人價值觀，很多時都係學校學習。其實學生打乒乓波，多數唔會打一世，但如果佢地學打波的過程, 價值觀被歪曲，那就會害佢地一世。

我囡囡都沒有找學校教練練波，可是我囡囡實力比較高，所以都要靠佢出塲比賽。但平時校隊練習，我可以話比大家知，那些學生有向校隊教練補私鐘的，都會自恃有特權似的，常要求教練和他們練多一些，為咗唔得失呢啲學生及佢地啲家長，教練會和他們每人練兩、三籃波，但我個女就頂多練半籃波就唔同佢練，雖然我囡囡還很細，很天真，但都知道發生什麼事。其實那些學生的家長未必教佢地的子女這樣做，但那些學生小小年紀已經會諗 ” 既然我父母比咗jetso過教練，我就可以係其他同學面前攞番啲jetso” 。唔好以為這些是小事唔需要理，如果唔係啲學生就係學校上的道德倫理堂學一套，實際又做另一套。

我唔反對學校教練教私鐘，但一定要一视同仁。學校負責的老師其實有責任監察學生係課外話動學習情况，唔可以衹係推比教練就算數。

作者: youtube 時間: 2011-4-18 14:13

引用:

原帖由 Lamlam 於 2011-4-18 13:55 發表
"各行各業也是要討飯吃，就假設教練有私心吧，他也是要向讓私鐘學生的家長有個交代吧？也不想給私鐘學生的家長罵：「跟你咁耐，都無機會打。」不如就大量一點，給他一個機會，何必置人於死地呢？"

作為家長我對以 ...

我也十分反感 x 2

作者: Crocotai 時間: 2011-4-18 14:20

其實我那段說話的重點在於：置人於死地
表達方式有很多種，但如果一下就去到高層，很多事情就無彎轉
我說的大量，不是要視而不見，而是不要去得太盡
公平是學生要學習的價值
同樣地，(合理地)寬恕是學生要學習的高尚情操

作者: dannyyslhk 時間: 2011-4-18 14:32 標題: 回復 22# 的帖子

agree !!!!

作者: (=^x^=) 時間: 2011-4-18 15:32

http://hkttf.com/viewthread.php?tid=37665&extra=&page=2

論壇保持中立, 但歡迎理性討論

作者: 青見人 時間: 2011-4-18 16:06

引用:

原帖由 乒乓之皇 於 2011-4-17 15:59 發表
其實同校長講會令個教練有d驚...
唔敢再針對or漠視個學生....
但如果佢再係咁樣唔理個學生.....
就可以要求校長考慮換教練

如果你忍佢...佢下年都會咁樣做.

依個冇錯！我就識得學生佢學校個教練係咁！
「你唔跟我學波，唔代我球會比賽！我係唔會出你」
結果，個教練真係唔出佢！佢嘅實力喺丙組1、2位！乙組都有2位！我著家長出聲，但係家長怕攪大件事對兒子不好！
一忍就係3年，個細路差點放棄打波！直到中三學期尾個家長終下定決心告知帶隊老師後就同校長會面！校方也正視問題，由於證據充份，校方就把該教練炒了！新拼的教練打內部賽定出場次序！知人善任！最終結果不錯！可是浪費了三年代表學校機會！藉得嗎？
的確我們看見不平事應出聲，不是搞事！
「教練須向私人學生交代從而給予更多機會出賽」那誰給機會那些給你以權謀私失去機會出賽的同學呢？
教練，請弄清楚你的位置你的角色！如果你自己報外面公開團體賽！團隊裡有私人及找回來夾隊的學員！你出賽偏向自己學生我未必能說你甚麼！記住你的位置！不要以權謀私！

作者: ycfu 時間: 2011-4-18 16:16

我也十分反感x3

作者: ycfu 時間: 2011-4-18 16:24

甚麼時侯開始歪理變成真理,唔好阻人發達,打爛人地飯碗......變成凌架於公平,公正,公義之上呢?

希望那只是衝口而出,不是發自內心的說話。

[ 本帖最後由 ycfu 於 2011-4-18 16:36 編輯 ]

作者: 儍峰 時間: 2011-4-18 16:37

睇嚟中國既“直通xxx”真系一個最理想既選法，人人都有機會出賽
但系會肯咁做既有幾個

同埋夠唔夠時間打一個咁多人既大循環都系一個難題.....

作者: Terence 時間: 2011-4-18 16:47

引用:

原帖由 ycfu 於 2011-4-18 16:24 發表
甚麼時侯開始歪理變成真理,唔好阻人發達,打爛人地飯碗......變成凌架於公平,公正,公義之上呢?

希望那只是衝口而出,不是發自內心的說話。

絕對認同.

作者: kei 時間: 2011-4-18 17:04

引用:

原帖由 ycfu 於 2011-4-18 16:24 發表
甚麼時侯開始歪理變成真理,唔好阻人發達,打爛人地飯碗......變成凌架於公平,公正,公義之上呢?

希望那只是衝口而出,不是發自內心的說話。

我始終認為, 成年人要告訴孩子世界是公平, 公義的
但, 只是我的睇法, 要追求公義, 未必下下做得太激
攪到人地飯碗都爛埋
用溫和的方法, 追求一個多贏局面
一樣可以讓人看到什麼是對, 什麼是錯
一個做錯事的人, 飯碗不破
並不等於歪理變成真理吧

ps. 如果小弟用詞不當, 被誤為挑起罵戰, 管理員可隨時delete小弟之留言

作者: ycfu 時間: 2011-4-18 17:16

校長的處理方法只有炒嗎?

一個明理的校長方法應不只有一個方法。

解決方法一定不是叫吃虧的學生,家長啞忍。

我明白kei兄的說話,以事論事而已,不是罵戰。

作者: ycfu 時間: 2011-4-18 17:18

若果真的炒了,也不見得是壞事!

作者: jcclee 時間: 2011-4-18 17:33

其實個教練實在唔抵幫 !
不妨直接警告佢及表示不滿, 當是給他一次機會, 踢波犯規都會先黃後紅.

如果認同中國人口中常說的 : 得饒人處且饒人
又或者站在宗教的角度去一試身體力行 : 施比受更為有福

可能可以將一些淚氣化作祥和

更好讓孩子也可上一課在校園也不會學到的寶貴課程

作者: Terence 時間: 2011-4-18 17:39

Kei兄, 大家可以理性討論, 絕對好事. 每人內心都有把天秤, 在評論事件上也有差異, 只要雙方處於對事不對人之態度, 無論結果如何, 多方都有得著.

就此事來說, 明顯地教練有偏私行為, 現代社會, 每事都講求合情合理, 若教練有理據支持出人決定, 可以同家長詳細解稈; 但若單憑一己私慾, 作出偏私行為, 這是一個極壞榜樣; 現代社會, 色情暴力歪風漫行, 昨天大結局之電視劇, 血腥暴力層出不窮, 一個妙齡少女委身於56十歲可作為其父之男人, 寧棄養肓其20多年之長輩不顧, 當今世道, 歪理太多了, 作為父親的我們, 看到不平事是否不應改善, 不應爭取呢?
若該教練有如此行徑, 喪失工作是遲早之事, 今日, 作為兒女之榜樣, 我們是否要積極點站出來呢? 向校長反映的做法個人認為並無不妥, 事情黑白, 必須要分辨清楚, 據理力爭, 才能教導下一代有正確觀念.

P.S. 本來打左好多字, 但發表后有部份删除左, 希望只是技術問題而已

[ 本帖最後由 Terence 於 2011-4-18 17:46 編輯 ]

作者: kei 時間: 2011-4-18 18:16

"每人內心都有把天秤, 在評論事件上也有差異, 只要雙方處於對事不對人之態度, 無論結果如何, 多方都有得著."--正是這個原因, 加上有質素的留言, 以及網民, 使我有興趣參與討論

我十分同意terence的話, 反對不公義的事, 做一個好榜樣, 但都是同一句話--溫和, 且做到多贏, 在還有選擇的時候, 未必要將錯事的人處死,

若教練不作出改善, 飯碗不保當然與人無關

開心和ycfu and terence討論

作者: dannyyslhk 時間: 2011-4-18 19:26 標題: 回復 28# 的帖子 :

我兒的學校正正就是CGWC所說的 " 有些學校以紀律為目標…要求絕對的服從性"的學校 , 所聘用的教練 , 不常出現, 又深資得很( 我绝不是歧視高齡 , 只是認為有足夠勝任資格的教練也應為大局着想, 與時並進 )........... 管理方法守舊 , 資源像很有限似的 , 似乎不太重視名次..............只靠一些高级別的師兄自發打點及帶隊 , 跟其他D1前列常客學校 ,不論管理方法 , 重視情度 , 及資源投放上都有很大分別...............我想說的是 : 如果校學於體育上行的方針 , 只需留在高组別便滿足了的話 , 當然沒有問題 ; 但也相信很難再爭取到更好的成績 !!!! 纪律及服從性對任何團隊是很重要的 , 這我绝對認同 , 亦贊同國家隊级別更加是別無他選的方針 . 但學校管理人是否也需因應事件的嚴重性而给予機會學生呢? 況且我兒只得12歲 , 為人較單纯及害羞 . 初來報到是更需時間给校隊認同呢!!!

作者: sam1996921 時間: 2011-4-18 19:30

係佢地心中得個錢字既姐

作者: Crocotai 時間: 2011-4-18 20:58

其實由始至終我也沒有說話教練沒有做錯，我之前說過我說話直接，都知會有人不高興的了。對於本帖我最後回應如下

第一：可以的話，盡量給人改過機會
由讀書到做野，我一直有這樣的感覺
做學生時，我無比人踢出校，不是因為我沒有做錯，而時有老師給予提點和改過機會
做老師時，我暫時未比人炒魷魚，不是因為我教得好，也是因為同事上司的提點和包容

我不認為人家做錯事，給予改過的機會是歪理，每人也是曾經被別人寬恕、提點。相信沒有家長希望小孩犯錯，就被學校一下子煮死；沒有打公仔希望自己犯錯，就被人馬上向大老細投訴。我不明白為何現在的香港人一有不滿，一下子就用最高姿態表達。

第二：機會是留給珍惜機會的人
如果表達過，提點過，人家的表現有改善，其實可以對人寬容一點。如果機會不被珍惜，絕一點也無妨。學校也是這樣的，學生犯錯，先警告，後缺點，最後策略才是踢出校。

第三：勿用消費者的想法去處理學校提供的服務
這是順帶提出的，在工作時接觸過不少家長，感覺到有些家長會對學校要求太多，認為自己是消費者。學校教育是服務，但不是服務性行業，我覺得學校要滿足家長的要求是很容易的事，但滿足家長的要求其實未必對小朋友的成長是最好。好希望家長對學校的服務有b意見時先用查詢或協商的態度，不要一下子投訴。

針對事主的問題，我建議事主可先向教練直接反映，如果無效再向校隊老師反映，最後的手段才去到校長。

最後，我想分享一個我真實的經歷：
　　中四的時候，我和家人到上海旅行，我們是跟團的，一團只有十二人。司機是一個三十出頭的男人，這位司機的駕車技術除了爛外，更不清楚目的地的所在，三天的旅行中，他最少有四次因為迷路，延誤甚至取消了行程，最厲害的一次更把半小時的車程延誤了一個半小時。
　　那時我和哥哥也說，填檢討表時，我一定要如實反映，而在車上，我也隱約聽到其他團友的抱怨。只有一對夫婦----一對退休的警員，他們不但沒有抱怨，更間中在買一些小食和飲品給司機。
　　到了最後的天，我們在吃午飯時，領團派發了意見表，老警員在領隊走開後對我們說：「年青人打工，錯一定會有，其實佢都好盡力架喇，不如大家比個機會，比個鼓勵佢啦。」不知為何，經他這樣一說，團友都同意。司機最後看到了我們的評分，雖然他沒說什麼，只淡淡說了一聲「謝謝」，然後就忍不住哭了起來。
　　老人家的說話，和司機當時的表情，我依然印象深刻。我學了什麼，不用說大家也明白了吧？在此僅作一個小小分享。

[ 本帖最後由 Crocotai 於 2011-4-18 21:18 編輯 ]

作者: ycfu 時間: 2011-4-18 21:29

引用:

原帖由 Crocotai 於 2011-4-18 20:58 發表
其實由始至終我也沒有說話教練沒有做錯，我之前說過我說話直接，都知會有人不高興的了。對於本帖我最後回應如下

第一：可以的話，盡量給人改過機會
由讀書到做野，我一直有這樣的感覺
做學生時，我無比人踢出校 ...

tai 兄講得好好!

我想我或其他人不同意的是:
"行各業也是要討飯吃，就假設教練有私心吧，他也是要向讓私鐘學生的家長有個交代吧？也不想給私鐘學生的家長罵：「跟你咁耐，都無機會打。」不如就大量一點，給他一個機會，何必置人於死地呢？"

意思是叫受歧視的學生睇開d,大量d?

有些學生冇跟學校教練學私鐘原因很多,或者有人因為家貧。若果因此在校再遭受不平等待遇,那你認為對他的成長好嗎?如果說這也是提早認識社會的功課,我會覺得好可悲。教練,老師,校長都沒有一個公道的.......鬼叫你窮!.....

可能我誤會你意思,並非想引起罵戰,請見諒!

作者: cgwc 時間: 2011-4-18 22:24

引用:

原帖由 dannyyslhk 於 2011-4-18 19:26 發表
我兒的學校正正就是CGWC所說的 " 有些學校以紀律為目標…要求絕對的服從性"的學校 , 所聘用的教練 , 不常出現, 又深資得很( 我绝不是歧視高齡 , 只是認為有足夠勝任資格的教練也應為大局着想, 與時並進 ...

如果真的以紀律行先…的確係一件好事…(係學習角度)…尤如返學上堂有冇遲到…有冇缺席…有冇違反學校規則等……學校會因應佢地有限的資源作出佢地認為合理的分配…如重視讀書…或重藝術…或重音樂…等？小弟以前中學係乒乓球界名列中上…可是其他的運動更屈機…大部份都係div 1攞奬…變咗乒乓球不受重視…沒有地位…

沒有教練…拿了公開賽獎也覺得不算甚麼…到近年不幸降落div 3 時才請小弟做教練…

如貴小兒只得十二歲…我想大把機會…小弟要到中三先做到正選…中四先做到主力…要別人認同…就先要認同自己…我想…如果貴小兒能做到學校no1…之後到區際no1…再之後青少年賽no1…然後公開賽no1…我想學校都會慢慢重視呢項運動…我現在也是這樣push我啲學生朝着呢個方向去做…我大部份所教的學生/學校成績都名列前茅

[ 本帖最後由 cgwc 於 2011-4-18 22:34 編輯 ]

作者: cgwc 時間: 2011-4-18 22:31

引用:

原帖由儍峰於 2011-4-18 16:37 發表
睇嚟中國既“直通xxx”真系一個最理想既選法，人人都有機會出賽
但系會肯咁做既有幾個
同埋夠唔夠時間打一個咁多人既大循環都系一個難題.....

有心唔怕遲…關鍵在於願唔願意做…

作者: dannyyslhk 時間: 2011-4-18 23:15 標題: 學校教練偏心

我兒的學校正正就是#28 CGWC所說的 " 有些學校以紀律為目標…要求絕對的服從性"的學校 , 所聘用的教練 , 不常出現, 又深資得很( 我绝不是歧視高齡 , 只是認為有足夠勝任資格的教練也應為大局着想, 與時並進 )........... 管理方法守舊 , 資源像很有限似的 , 似乎不太重視名次..............只靠一些高级別的師兄自發打點及帶隊 , 跟其他D1前列常客學校 ,不論管理方法 , 重視情度 , 及資源投放上都有很大分別...............我想說的是 : 如果校學於體育上行的方針 , 只需留在高组別便滿足了的話 , 當然沒有問題 ; 但也相信很難再爭取到更好的成績 !!!! 纪律及服從性對任何團隊是很重要的 , 這我绝對認同 , 亦贊同國家隊级別更加是別無他選的方針 . 但學校管理人是否也需因應事件的嚴重性而给予機會學生呢? 況且我兒只得12歲 , 為人較單纯及害羞 . 初來報到是更需時間與校隊磨合呢!!! 最後我認為一個稱職的校隊教練應公正嚴明 , 要透明化 ,讓學生清楚明白出賽步處 , 方案選擇 , 讓他們討論並引導他們自己作最有利於團體的决定, 至於纪律性方面 , 亦應該因應個別學生的情绪及年齡作微調這樣才同時给學生們上了一課學做領導者需面對的問題 , 個人認為現在的孩子巳經不能夠再用過去的方法一成不變地教導的...............

作者: sam1996921 時間: 2011-4-18 23:46

引用:

原帖由 dannyyslhk 於 2011-4-18 11:15 PM 發表
我兒的學校正正就是#28 CGWC所說的 " 有些學校以紀律為目標…要求絕對的服從性"的學校 , 所聘用的教練 , 不常出現, 又深資得很( 我绝不是歧視高齡 , 只是認為有足夠勝任資格的教練也應為大局着想, 與時並 ...

作者: 葉師傅 時間: 2011-4-18 23:53

睇咗咁耐,小弟對此事件,都有一定的了解 o 小弟也是一名學校及球會的教練 o 小弟都明白在校隊中,對自己的私鐘學員稍有偏心,係人之常情 ! 但這位教練做到咁出面,也十分之過份 ! 此乃嚴重之過失,應當自己的承擔 o 如想給他好的下台階/機會,可請校方要求他自動辭職 o 這總算可保住他的名聲/記錄,以便日後再謀出路 o 如只和負責老師商究,只會官官相護,以便大事化小了吧 ! 請記住啞忍只會形成縱容 ! 以上只是小弟的小小意見,請閣下好好參詳吧 !

作者: cgwc 時間: 2011-4-19 00:24

引用:

原帖由 dannyyslhk 於 2011-4-18 23:15 發表
我兒的學校正正就是#28 CGWC所說的 " 有些學校以紀律為目標…要求絕對的服從性"的學校 , 所聘用的教練 , 不常出現, 又深資得很( 我绝不是歧視高齡 , 只是認為有足夠勝任資格的教練也應為大局着想, 與時並 ...

"最後我認為一個稱職的校隊教練應公正嚴明 , 要透明化 ,讓學生清楚明白出賽步處 , 方案選擇 , 讓他們討論並引導他們自己作最有利於團體的决定, 至於纪律性方面 , 亦應該因應個別學生的情绪及年齡作微調這樣才同時给學生們上了一課學做領導者需面對的問題 , 個人認為現在的孩子巳經不能夠再用過去的方法一成不變地教導的..............."

這是其中一個理想的做法…但我不知道貴校教練與學生的比例是…？一般學校教練(非聖喇拔皇華…)最多都係一個起兩個止…(當然又要係睇學生夾錢定學校請)…我以為教練係透過這個乒乓球進行教化訓練作用…成績為副…如果真的要做到公正嚴明…正如我之前所說…一定紀律和訓練行先…以學校成個球隊的精神為大前提…不分你我…中國國家隊隊裡也有很多陪練比現役國家隊球員強…但他們都以國家利益行先…有些甘於做後備或模仿敵國的打法來幫自己隊友練習…如果貴小兒能做到這種精神…小弟絕對欣賞！因現在的制度很多都以自己的利益行先…報了五個球員…知道自己冇得出…就不去…或說忙､病､温習…或不練…我很少見到後備的球員及其家長會全程投入…幫手打氣…事實上臨場真的有好多變數…當然我覺得樓上所講的教練係有啲偏心…但我覺得如那個女兒能做到心服口服…做到最好…全校no1…個教練不得不出佢…都真係冇得出…先將佢軍！

作者: cgwc 時間: 2011-4-19 00:45

究竟教練稍偏心自己的私鐘學生是否應該呢 ?
同埋我也想了解其它家校這個現像是否普遍呢 ?
討論時請勿開教練名及學校名, 我們只是想討論一種現像

我是現某多間中､小學教練…
以學校為單位的話…絕對不該…我也有私人學生是校隊隊員､也有青苗､精英隊是校隊隊員…如多個三個球員…我必需要佢地打排名賽…如果自己私人學生輸咗…一樣後備…但我會為佢補鐘…查找不足…經過多個時間由後備變做主力！做不到…是自己問題！小弟以前的讀的中學…強如青苗､精英都要做後備…因他們比賽真係輸咗比啲基本功唔係咁好的隊員…他們不服…但冇聲出…最近小弟先知咁樣原來那位前精英球員很憎我…因他家裡有點錢…最近開了鋪頭…唯有祝福佢！

現像是否普遍…我想或多或少會有的…如大家都差唔多水平的時候…有些教練都有機會出自己學生先…有些區考青苗…或考教練…都有可能會有咁的情況…但我不會叫我的學生埋怨…而係叫地做到最好…等佢地冇一個理由reject！

[ 本帖最後由 cgwc 於 2011-4-19 00:47 編輯 ]

作者: dannyyslhk 時間: 2011-4-19 02:32 標題: 回復 58# 的帖子

在下大部分認同cgwc在#58&59所說的話 . 但如我說若然我兒/女的學校不是一般學校呢? , 他們是否有不同呎度及標準？各下及大家又可否给予中肯意見？ ^^.........................還想說的是身為有天份打乒乓球而又爭取到不錯成績的孩子家長們打氣 , 相信大部分都不論貧富義都義無反顧地為自己的孩子而着緊 . 更會投放大量資源在孩子身上 ; 目的都係為咗被受重用及將來有多D升學機會, ..................為自己及學校而拼博是理所當然的事 , 但校方有沒有意識到那麽多人認真地爭這三、數個出賽位置而作出適當安排及重視?..............................其實他們也因長期比賽多了彼此認識 , 雖然有些不同球會及學校, 但還是可成為友好....................我總覺得打乒乓球要做到風度,友誼第一 , 比賽也可以第一才是體育精神^^

作者: hkw2010 時間: 2011-4-19 08:22 標題: 講真

讀中學呀sir miss 都會有favorite 既學生啦。何况table tennis. 係個教練做到出面先攪成咁。弟二﹐ 我地都唔清楚佢個女係咪打得真係好好﹔係佢媽媽話佢個囡囡打得好。最好先打排名決定出賽資格。咁小朋友咪唔會亂咁complain ...

係父母過份愛護小女+教練個格衰攪成咁。

作者: sam1996921 時間: 2011-4-19 13:32

引用:

原帖由 hkw2010 於 2011-4-19 08:22 AM 發表
讀中學呀sir miss 都會有favorite 既學生啦。何况table tennis. 係個教練做到出面先攪成咁。弟二﹐ 我地都唔清楚佢個女係咪打得真係好好﹔係佢媽媽話佢個囡囡打得好。最好先打排名決定出賽資格。咁小朋 ...

甘如果打校內賽分出賽人選..佢個女係學校頭幾名
但系呀sir到決賽都唔搵佢女,搵個第4打甘點計???

作者: hkw2010 時間: 2011-4-19 13:45 標題: 唔。。。

奇怪囉我會覺得。

作者: sam1996921 時間: 2011-4-19 13:48

引用:

原帖由 hkw2010 於 2011-4-19 01:45 PM 發表
奇怪囉我會覺得。

所以到了學界就可見到教練真面目了

作者: cgwc 時間: 2011-4-19 13:59

引用:

原帖由 dannyyslhk 於 2011-4-19 02:32 發表
在下大部分認同cgwc在#58&59所說的話 . 但如我說若然我兒/女的學校不是一般學校呢? , 他們是否有不同呎度及標準？各下及大家又可否给予中肯意見？ ^^.........................還想說的是身為有天份打乒乓球 ...

老實講…第三分都好重要…有時又要睇對手排陣…若果不是一般學校…就應該更容易發展…點都係先打排名賽…真係攞到第三…如果出第四個個的時候…要睇下個教練有乜解釋同佢要接受輸波的風險…我今年lead個c grade學校又係輸第三分…我係排第三個個(冇學私人)…第四個､第五個､第六個都有學…但第三個臨場緊張但係左手+有經驗…第四個冇信心但有實力…第五個冇經驗…第六個欠實力…咁如果個教練冇私心…正常都想贏的話…排三個係优先…但又要睇佢地的狀態､打法､和心理…所以…貴小兒/女係有天份…遲早都攞第一…咁就不用擔心…都真係第一而又冇得出…我想除了紀律和學業成績問題外…咁就真係要complaint 個教練同埋炒埋佢…唔介意就請我(哈哈)…就算真係做後備…如果學校team攞第一的話…個cert都唔會寫你個仔/女係後備…都係寫champion！所以努力練習！為港爭光！

作者: dannyyslhk 時間: 2011-4-19 15:54 標題: Re #65 cgwc

非常多謝cgwc提供的個人經驗及分析 , 很認同你說的話...............反正路還長 ; 希堅明年有機會被重用成為必然正選 , 再戰學界

作者: kei 時間: 2011-4-19 18:39

引用:

原帖由 Crocotai 於 2011-4-18 20:58 發表
其實由始至終我也沒有說話教練沒有做錯，我之前說過我說話直接，都知會有人不高興的了。對於本帖我最後回應如下

第一：可以的話，盡量給人改過機會
由讀書到做野，我一直有這樣的感覺
做學生時，我無比人踢出校 ...

Crocotai老師:
I am really proud to have a friend as you!
Kei

作者: cgwc 時間: 2011-4-19 22:34

引用:

原帖由 dannyyslhk 於 2011-4-19 15:54 發表
非常多謝cgwc提供的個人經驗及分析 , 很認同你說的話...............反正路還長 ; 希堅明年有機會被重用成為必然正選 , 再戰學界

THX！
黎緊恒生學界要加油啦！

作者: 蘇太太 時間: 2011-4-28 23:19

提示: 作者被禁止或刪除內容自動屏蔽

作者: Joe 時間: 2011-4-28 23:36

可以打乒總賽,區賽, 不打學界團體, 你乒總有成績個教練搵你飲茶都黎唔切

我以前打學界團體賽, 睇實力之餘仲要打關係先出到賽

關係越好, 對我波路熟才對我有信心麻

歡迎光臨香港乒乓網 (http://hkttf.com/)