香港乒乓網 - Powered by Discuz! Board

標題: 轉貼 ~ 擺酒後唔夠 24 小時, 我無奈提出分手 [打印本頁]

作者: (=^x^=) 時間: 2010-12-23 02:56 標題: 轉貼 ~ 擺酒後唔夠 24 小時, 我無奈提出分手

http://www.discuss.com.hk/viewthread.php?tid=13628500

[按此打開] [隱藏]
29 Nov 2010, 係我永遠難忘o既日子.

呢兩年, 我同未婚妻一直在準備 29 Nov 2010 呢個結婚大日子, 今年六月仲趁九招十幾式令樓價回落果陣, 買左一間屬於自己o既屋仔. 結婚、買樓、裝修, 好多事要準備, 好多事要決定, 兩個再相似的人, 當中總有意見分歧o既時候, 我好天真以為, 大家拗完傾完就好了, 大家會繼續各前看, 繼續為大家努力.

8 月, 為左日後大家有更好o既生活, 我爭取一個我唔鍾意做, 但會有一大截人工加o既o既新職位, 好辛苦, 日日 7:30am 返到 office, 夜晚六、七點就要趕返屋企食飯, 食完飯就準備同美國開會, 日日如是, 又要跟進結婚、裝修o既事, 真係辛苦到咩咁, 但當時我覺得一切都值得的, 因為咁都係為左兩個人o既幸福而辛苦, 只要有佢係身邊, 就支持到我繼續撐落去.

11 月頭, 未婚妻突然話唔想結婚, 同佢傾左好耐, 發現之前o既爭吵傷左感情, 我先知原來我講左一d 好愚蠢o既說話, 令佢好在意, 令佢一直唔開心, 但又唔講俾我知. 當時傾左好多日, 我仲主動提議大家一齊去搵婚姻輔導幫手. 最後, 大家同意婚宴照擺, 但取消註冊, 跟住大家同居住新屋, 重新開始, 到有一日大家認為時機到了, 再補辦註冊.

我以為, 當 29 Nov 2010 後, 大家可以重新開始的.

29 Nov 2010, 一切都好正常, 到落幕後返酒店房, 食返酒店幫我地翻熱o既食物時, 我叫佢 call 伴娘同女 mc, 睇下兩個咁夜一個人返屋企o既女仔, 安全到步未, 佢話 call 過, 但兩個姊妹都熄左電話, 當時, 係凌晨兩點. 但我聽見佢手機不斷有 sms 入, 佢一邊食, 一邊覆 sms, 我心諗 : 咁夜有咩 sms 要非覆不可?

所以, 我趁佢去沖涼時, 我偷睇佢o既 sms 紀錄, 果一刻, 我就想自殺.

因為擺酒前, 佢 sms 一個男人 : "老公, 我要去開 show 啦, 夜 d 先同你傾啦"

好震驚!!!!

佢沖涼出黎後, 我扮無事, 因為我怕失去佢, 我怕揭穿佢之後, 等如迫佢走向第三者. 所以我同佢傾左一陣, 問佢係咪準備好重新開始? 期間 sms 仍然不斷 send 入黎, 最後我忍唔住問佢 : 係咪有第三者?

佢答我 "我未肯定呢個男仔"......

果一晚, 我自己一個訓 sofa, 腦入面不斷重播好多 sms 內容, 4am 左右, 我嘗試打開酒店窗門跳樓自殺, 因為我真係好辛苦, 唔知好彩家唔好彩, 所有窗都焊死哂開唔到, 我第一次自殺失敗. 我又繼續訓下醒下, 到岩岩天光, 果 d sms 仍然於腦入面不斷重播, 我再一次自殺, 拿起房入面唯一把生果刀割脈, 可惜佢只夠利界損皮肉, 唔夠利界開血管, 我又一次死唔去.

30 Nov 下午, 我選擇向佢父母講要分手, 因為我唔能夠承受第三者. 我選擇向佢父母講, 而唔係同佢講, 係因為提出分手o既係我, 但罪名唔應該由我承受, 我要佢父母清楚知道呢一點, 唔好誤會我係一個玩玩下o既人.

1 Dec, 我忍唔住打電話俾佢, 同佢講我真係好唔捨得佢, 只要佢肯同第三者分手, 我願意同佢重新開始過, 佢答我要俾時間佢諗下, 因為佢覺得第三者係一個正人君子, 佢要時間好好想清楚.

過左幾日, 佢家姐喊哂口 call 我, 話對唔住, 話佢早知道細妹有第三者, 佢話會支持我同第三者拗手瓜, 再一次追求佢, 因為之前個男仔日日接佢返工放工, 佢覺得好感動, 覺得個男仔俾哂成個世界佢; 但佢知道其實我先最痛惜呢個細妹. 但我心諗 : 下? 無野下話? 叫我同第三者拗手瓜? 可憐我 07:30 就返到公司搏殺搵錢供樓, 佢就.......

o係就親戚、朋友、同事面前, 我要扮無野扮開心, 因為我唔敢講, 亦無面主動去講. 期間陸續有同事補返人情俾我, 我推卻唔收又唔得, 收左, 就覺得好內疚, 覺得自己好似騙子呃人錢咁, 好唔安樂. 我係有幾個老死, 但我唔想佢地擔心, 亦唔想聖誕流流講呢 d 事要佢地幫我分擔, 破壞哂節目氣氛, 屈埋屈埋真係好辛苦.

到左今日, 我仍然好唔捨得佢, 十年啦, 同佢十年啦, 中間太多回憶累積o係兩個人之間, 我仍然好掛住佢. 但另一方面, 我覺得呢個女仔好可怕, 我覺得就算可以破鏡重圓, 但我以後應該點信佢好呢? 感情中一個好重要o既因素, 就係忠誠, 而家無哂了, 但我真係好愛佢, 好唔捨得佢.

大家覺得我應該點好?

PS: 大家有咩意見都好, 請唔好詛咒佢啦; 唔好令自己犯口孽, 我亦唔忍心見到大家咒佢, 請大家話俾我知, 我應唔應該等佢, 俾機會大家重新開始就好了, 謝謝.

作者: feideepking 時間: 2010-12-23 08:09

咁果個壇起碼有一個係全職打手嚟.

作者: ninthuncle 時間: 2010-12-23 09:19

Very sad.

作者: yeungchunfai 時間: 2010-12-23 10:54

時間會漸漸醫治一切，不要太執著某一段感情，我明白說易難做，但誰知今次的經驗，可能令你更能懂得發展將來另一段更好的人生！

作者: popo_wong2001 時間: 2010-12-23 14:24

我朋友三年前都試過咁既case, 嗰一刻個心真係好痛啦.我哋朋友, 都好無奈, 我個朋友係男仔, 最終當然係同她父母講, 同你諗法一樣啦..無理由我揹負心漢, 最後選擇離婚, 但無同公司同事, 親戚講話離婚啦..費事煩嗎, 個一年內, 我個朋友消瘦咗超過10磅咁濟, 面容超憔悴呀, ..但經過時間過去..我朋友現在未又係有第二個女朋友..不知幾開心添..這証明, 痛都係一個經歷, 點樣刻服才係最重要..

作者: Ricky~Moon 時間: 2010-12-24 01:04

應該慶幸自己清楚認識到一個人,要番都冇用啦. 舊嘅唔去, 新嘅唔嚟, 重新開始.

作者: DAIMONZERO 時間: 2010-12-25 00:53

感情既野係唔可以勉強既∼正所謂你留得住佢既人∼你亦留唔住佢既心∼每一對情侶也好，親人也好，朋友也好∼雙方溝通都要互相尊重，互相體諒，互相扶持，互相信任！　可能你呢一刻覺得呢個世界好唔公平∼但現實就是如此殘酷∼所以先需要我地堅強去面對一切∼　無人可以預測到下一步會係點樣∼假如唔小心跌低左？唔緊要∼爬起來∼你永遠並不是孤獨一人∼只要你唔放棄∼呢個世界一定會有人賞識你既＾＾　我都係過來人∼雖然關係未到咁深遠∼但感情上已很深厚∼情況一樣都係ＳＭＳ．．我對她亦無微不至∼當時我係諗愛情既野本來就無乜保障∼究竟係想要擁有佢既人？定係想佢得到幸福？我選擇了後者！∼可能佢唔識珍惜我同佢既呢段感情∼那就放手吧∼只要佢能夠得到幸福∼我願意放手祝福佢！因為愛情並唔係自私既∼忘記她吧∼將她收在你的回憶錄裡∼重新開始尋找一個真正愛你及欣賞你既人∼　假以時日．．當你睇到佢幸福既一面．．而你亦有新伴侶既時候．．你總會明白到．．．你今日所做既決定係岩既＾＾

[ 本帖最後由 DAIMONZERO 於 2010-12-25 00:56 編輯 ]

作者: DAIMONZERO 時間: 2010-12-25 09:53

引用:

原帖由 8888 於 25/12/2010 01:54 發表
師兄...你好利害.

但我好欣賞男最後的說話 , 不管個女如何不對 , 但男都不會傷害佢及唱佢.
可能這個便是男與女的分別

正因為男方真正深愛女方~所以有一個對女方既保護意識~唔想佢受到任何傷害~
但一段幸福既感情~永遠不能夠單向~ 好似一個乒乓球局咁都要有兩位球員~
想練波既時候~ 大家都要互相配合~先可以"猜"多幾板~ 雙方先會樂在其中^^

[ 本帖最後由 DAIMONZERO 於 2010-12-25 09:59 編輯 ]

作者: vitoli707 時間: 2010-12-25 10:19

睇完覺得好感動

作者: DAIMONZERO 時間: 2010-12-25 14:03

所以我都希望各位朋友能夠懂得珍惜眼前人~ 盡自己既本份~ 無論結局如何~ 無悔今生!
因為..要做既..都已經做曬...可以做到既都做齊...咁都唔可以一齊的話..只可以講句..
無計=0= 盡曬力喇=0= 唔夾就係唔夾啦...感情既野...無得勉強=0=

作者: (=^x^=) 時間: 2010-12-25 14:06

引用:

原帖由 DAIMONZERO 於 2010-12-25 14:03 發表
所以我都希望各位朋友能夠懂得珍惜眼前人~ 盡自己既本份~ 無論結局如何~ 無悔今生!
因為..要做既..都已經做曬...可以做到既都做齊...咁都唔可以一齊的話..只可以講句..
無計=0= 盡曬力喇=0= 唔夾就係唔夾啦...感情 ...

同意, 同意 !

作者: raymondsir 時間: 2010-12-25 14:13

世事難料, 學懂放開, 將來會更美好的!! 加油!!

作者: DAIMONZERO 時間: 2010-12-25 14:16

引用:

原帖由 (=^x^=) 於 25/12/2010 14:06 發表

同意, 同意 !

多謝樓主同意小弟之愚見∼　

以下是小弟敬上給每一位尊敬既波友＾＾
每個人都總會背負點痛苦既回憶∼別害怕∼爬起來∼
你並不是一個人的∼　因為很多人都會默默支持著你的＾＾

歡迎光臨香港乒乓網 (http://hkttf.com/)