香港乒乓網 - Powered by Discuz! Board

標題: 四大唱片公司另泊碼頭亞視倒模勁歌打無綫 [打印本頁]

作者: feideepking 時間: 2010-1-15 16:10 標題: 四大唱片公司另泊碼頭亞視倒模勁歌打無綫

[按此打開] [隱藏]
[轉貼]
四大唱片公司另泊碼頭
亞視倒模勁歌打無綫
2010年01月13日
http://hk.apple.nextmedia.com/te ... amp;art_id=13620413

環球、 Sony、華納和 EMI四大唱片公司與無綫因版稅問題談判決裂後，四大公司遂與亞視和有線密斟另謀出路。原來，亞視不只設時段播放四大公司旗下歌手 MV，且更準備製作一個類似無綫《勁歌金曲》的音樂節目，實行與四大公司聯手跟無綫抗衡。亞視高層鄭偉強昨承認已就音樂節目跟四大公司開會，並斥無綫多年壟斷局面是扼殺了香港的音樂發展。

多年來，無綫以一紙合約綁死歌手，禁止歌手亮相無綫以外的香港電視平台，以致造就無綫一台獨大的壟斷局面，就連張學友，早前也忍不住炮轟無綫音樂節目不足，資源少卻要求多多。不過，隨着近日無綫與環球、 Sony、華納和 EMI四大唱片公司組成的香港音像聯盟（ HKRIA）就版稅問題談判破裂，無綫多年來壟斷局面亦將被打破。

拉攏劉美君倒戈

據悉，近日四大唱片公司除與亞視、有線開會密斟合作，安排旗下歌手 MV在兩台播映外，亞視更準備製作一個類似無綫《勁歌金曲》的音樂節目，讓香港歌手多一個推廣音樂的平台。另外，身為環球歌手的劉美君，近日因為 HKRIA與無綫反目而被飛出無綫《超級巨聲》主持工作，亞視有意拉攏劉美君倒戈，為《亞洲星光大道 2》擔任嘉賓，明剃無綫眼眉。
記者昨日就亞視版《勁歌》一事，致電《亞洲星光大道 2》主腦、亞視高級副總裁鄭偉強求證，他直認不諱說：「我係有同四大唱片公司開過會，傾緊製作一個音樂節目，但絕對唔係只播 MV嗰種，如果淨係播 MV我就唔做啦。」
問節目形式如何，是否跟《勁歌》近似？鄭偉強說：「會搵歌手上嚟傾偈同演出，但唔一定係做直播，由於亞視冇歷史包袱，所以諗法同做法一定同《勁歌》唔同，模式方面可以更大膽創新，主持方面唔一定係自己人，總之會搵電台 DJ同一啲對音樂有認識嘅主持。今個星期我會再同四大唱片公司開會，其他細節嘅嘢唔方便透露。」
對於多年來無綫壟斷局面，鄭偉強直斥是扼殺了香港音樂行業發展，他說：「亞視唔係冇搞過音樂節目，早喺 10幾年前，亞視同滾石唱片公司都做過《滾石音樂雜誌》，結果滾石俾無綫封殺咗 3年。亞視搞唔成音樂節目，最主要係因為冇歌手。」

轟無綫扼殺樂壇

鄭偉強又以台灣作例子，他說：「歐陽菲菲開騷、鳳飛飛復出，都係個個電視台都上，咁先至可以做起個勢，香港個做法真係好奇怪， >>><<<咁做，唔係幫緊呢個音樂行業，係扼殺緊呢個行業，好似塞車問題咁，政府都會開多幾條隧道嚟疏導交通啦，如果唔係啲車咪塞死喺一條樽頸位？等極都去唔到目的地？」
陳志雲堅持刪片

無綫總經理陳志雲昨日出席公開場合時重申，由於無綫與 HKRIA的版稅問題尚未解決，除非港台願意承擔一切法律責任，否則無綫難以足本播放《十大中文金曲頒獎禮》中所有歌手的得獎片段。至於劉美君被飛出《超級巨聲》主持人之列，陳志雲強調與版稅及封殺無關，但拒絕評論事件，又指對劉美君未能主持餘下數集感到可惜。
採訪：林妃
星星有話兒：學友敢言抗封殺

四大唱片公司與無綫就版稅糾紛勢成水火，旗下與無綫仍有約的歌手慘變磨心，憂慮失去谷碟渠道，難怪除「神級」的張學友外，四大公司歌手均未有過激言論得罪無綫。

《轟無綫派》
張學友（冇約）：「（無綫）家畀好少資源，要求就好多，咁都唔公平，

作者: 野田妹 時間: 2010-1-15 22:43

d 歌手好慘!

作者: feideepking 時間: 2010-1-15 22:48

唱片業或者差唔多又變埋夕陽工業... ...

作者: 弧圈結合亂打 時間: 2010-1-15 23:16

其實一早就應該反佢枱喇!!

作者: skyer 時間: 2010-1-16 00:10

支持香港歌手~~~~
反無線~
反壟斷~

歡迎光臨香港乒乓網 (http://hkttf.com/)