香港乒乓網 - Powered by Discuz! Board

標題: 廣州有視電視競賽頻道世乒男團賽兩立旁述對謝嘉俊的評語 [打印本頁]

作者: Bluebird 時間: 2009-10-29 08:16 標題: 廣州有視電視競賽頻道世乒男團賽兩立旁述對謝嘉俊的評語

(此是tammyzz在別的論壇發表的)睇到世乒賽中國對香港的賽事, 一如所料港隊全部捧蛋, 未勝過一盤一局, 亳無亮點. 但第二盤許昕對謝嘉俊時, 廣視競賽頻道兩位主持對謝的評語卻非常尖酸黑薄 :
當第一局打到5 : 5平手時.
主持甲 : 呢個姓謝既香港選手究竟係邊個, 好像世界排名冇佢份噃.
主持乙 : 有, 好似係二百幾, 所以許昕唔熟悉佢球路囉, 而家係試探階段.
主持甲和應 : 係呀, 我諗中國乒協數據庫裏面都冇佢既資料啦!
.....
到第二局許昕已完全控制戰局時.
主持甲 : 我覺得呢位謝嘉俊一啲都唔似專業乒乓球員, 似係啲白領落班後打吓波健身多啲.
主持乙 : 係啦, 跑動咁少, 又冇乜神態, 一睇動作就知唔係專業出身, 大概返國內學過幾年波, 然後喺香港打吓打吓咁打出嚟囉.
主持甲 : 真係唔明點解派啲業餘球員出嚟啲重要賽事.

其實謝呢場波打得唔算差, 第一局前段仲同許昕頂得兩板, 場面上不比第一局對張繼科的江天一遜色, 但兩位主持對由內地 '專業' 出身的江天一評價就客氣得多. 在兩位主持眼中 '專業' 球員要係好似國內啲小朋友咁五歲起進體校唔讀文理科全職打波先算係專業, 咁嚟講香港除咗大陸兵之外土炮應該全部係 '業餘' 球員咯.

作者: whpwhpwhp 時間: 2009-11-24 19:37

兩位主持對謝的評語卻非常尖酸黑薄!!!!!!!!!!!!!

歡迎光臨香港乒乓網 (http://hkttf.com/)