香港乒乓網 - Powered by Discuz! Board

標題: 乒超聯的苦與樂 [打印本頁]

作者: garfieldjam 時間: 2009-6-26 03:40 標題: 乒超聯的苦與樂

這季乒超聯終於告一段落，心裡面有一些感覺想抒發一下。

呢個不材隊長帶領偉裕B打了這一季賽事，其間無論自己同隊友都不竟努力過，雖然都贏了三隊在我隊排名對上的球隊，當中不乏精彩的賽事，奈何不懂得玩這個計分遊戲，也失掉了一些不應失的分數，例如球員缺席；對方排陣錯誤而得益，因自己未能現身而未有更正，之後每一場我都不敢缺席；也有時會排陣過份保守而得分不足......導致今季的成績未如理想

每次出場陣容我都要考慮到實力上的差異、勝負的可能性、讓球員出場的機會才決定當日的陣容。因為不想被友隊預先知到陣容而無在網上post出來，亦希望大家明白！

在此僅致謝每位為球隊出過力的球員：阿業、Wilkit、大隻佬、Leslie、Samuel、Matthew、Rian、Myron、Alvin、曲奇餅、小吉、Garfield。亦感謝隊友忍耐我的壞脾氣，繼續為會出力！

希望各隊友都享受比賽，珍惜自己對乒乓球的熱誠，下季賽事即將開始，大家再努力上戰場，加油！

B隊隊長
Garfield上

作者: 新手上路 時間: 2009-6-26 09:26

最重要是每位隊友都可以出場參與,
不要太計較勝負而影響隊友之間感情

作者: samchtam 時間: 2009-6-26 11:13

今季乒超聯終於完成，成績未如理想。但我看見有一些球員的成長及進步，在乒超聯中特別感覺到
(1) 阿業的比賽心理進步；
(2) Wilkit的穩定性；
(3) Alvin的套路；
(4) Rian的實戰能力。
(5) 其他球員都有一些進步（因我沒有出席不能詳說）。

除此以外，還有以下觀要點：
(1)
訓練大家的團結精神為重。
(2)
幫助青少年的成長。
(3)
透過比賽了解自已的不足。
(4)
訓練各位球員比賽前的心理調節及賽後結果分析。
(5)
希望各位熟悉的賽事的規則，不是去打一場波的心態便行。隊長這不是你一個責任是大家的。
(6)
臨場缺席問題有關做人方面，不說(這處只說乒乓球)。

最後，感謝隊長的無私的付出和熱誠，在此小弟有一個愚見，建議隊長是終身制好嗎？

B隊先進隊員

Samuel上

作者: garfieldjam 時間: 2009-6-27 12:18

引用:

原帖由 samchtam 於 2009-6-26 11:13 發表
今季乒超聯終於完成，成績未如理想。但我看見有一些球員的成長及進步，在乒超聯中特別感覺到
(1) 阿業的比賽心理進步；
(2) Wilkit的穩定性；
(3) Alvin的套路；
(4) Rian的實戰能力。
(5) 其他球員都有一些進步 ...

多謝你的提點同鼓勵，你也有為球會球隊出力，你絕對明白那種想大家好、想大家又開心又有進步的感覺，但又心急不來.......你都要俾心機！

我不希望有隊長終生制，未想嫁俾球會，喬會長又冇出糧俾我，還是要自力更新！

作者: 防守王 時間: 2009-6-27 12:28

加菲, 你記得貓仔攪個網同埋乒超既原意係乜嗎?!
其實你已經做到一個好成功既隊長職責. 比起其他隊有過之而無不及.

乒超變化實在好大. 記得上年大家都係抱住玩下, 打完波食飯, 見識大場面等等既心態黎玩.
今年雖然有所唔同, 有星級球手, 也有排名高到嚇親人既甲級球手.
不過我相信我地呢個網, 同埋辦乒超既宗旨, 都無變過. 就係:
More games, more friends, more fun.

所以, 以你咁有責任感既隊長黎講, 小弟都要勁讚你好野!! 加油, 呢個球圈唔只得乒超比賽既, 仲有月賽, 球局, hkttf 既盃賽等等 (我唔數乒總果d啦, 有乜野比賽好玩個hkttf 攪既比賽丫!!!!)

作者: riantam 時間: 2009-6-30 10:41

隊長大人,

我有以下既訴求:

(1)我覺得隊員週新要跟c朗看齊;
(2)應向會長申請資金進行球員收購
(3) 因比賽完畢體力消耗過大, 隊長應請食飯令隊員體力盡快回復
(4) 如隊員有心理上的問題,例如輸球不能平復, 應有跟進工作(e.g. 請唱K, 請dum骨)

偉裕B特攻隊員

Rian

[ 本帖最後由 riantam 於 2009-6-30 10:48 編輯 ]

作者: (=^x^=) 時間: 2009-6-30 10:53

茄菲,

首先我十分感謝你作為乒超其中一名的領隊, 在我看來你已做得好好好好好. 亦給予我們大會很大体諒和支持, 坦白說做領隊不容易, 但我欣賞乒超每一位領隊, 但他們都是做得最多, 打得最少, 你看看防兄, 來便次次來, 打便不見他. 廠長也是, abc 也是 xyz 也是, 不能儘錄.

因為訂場問題, 引致乒超唔可以定時在一個固定的地方比賽, 所以你們在安排上亦十分困難. 但來季我們會集中週六打, 所以我相信會好一點. 坦白說相對你, 我做得更不好, 很多安排未欠周到. 但我期望下次可以改善.

Who is Perfect ? Anyway 期望來季你們打得更好. 今日比較忙, 打住咁多先

作者: garfieldjam 時間: 2009-6-30 11:16

引用:

原帖由 (=^x^=) 於 2009-6-30 10:53 發表
茄菲,

首先我十分感謝你作為乒超其中一名的領隊, 在我看來你已做得好好好好好. 亦給予我們大會很大体諒和支持, 坦白說做領隊不容易, 但我欣賞乒超每一位領隊, 但他們都是做得最多, 打得最少, 你看看防兄, 來便次 ...

辛苦貓哥的安排,加菲一定繼續努力,希望各領隊都一齊加油!

作者: garfieldjam 時間: 2009-6-30 11:17

引用:

原帖由 riantam 於 2009-6-30 10:41 發表
隊長大人,

我有以下既訴求:

(1)我覺得隊員週新要跟c朗看齊;
(2)應向會長申請資金進行球員收購
(3) 因比賽完畢體力消耗過大, 隊長應請食飯令隊員體力盡快回復
(4) 如隊員有心理上的問題,例如輸球不能平復, 應 ...

你有病係咪要快Ｄ醫呢?

作者: samchtam 時間: 2009-6-30 13:33

引用:

原帖由 garfieldjam 於 2009-6-30 11:17 發表
你有病係咪要快Ｄ醫呢?

以上的訴求才可以藥到病除啦！

作者: riantam 時間: 2009-6-30 14:48

隊長大人 ,

請接受我的訴求

一係請我食飯都ok.....我要食海鮮....多謝隊長大人

作者: samchtam 時間: 2009-6-30 16:46

引用:

原帖由 riantam 於 2009-6-30 14:48 發表
隊長大人 ,

請接受我的訴求

一係請我食飯都ok.....我要食海鮮....多謝隊長大人

me 2

作者: kiu~bobo 時間: 2009-6-30 21:12

好多謝B隊特工<病人>的意見~
隊長~~~~妳係我心目中經以係120分了~~~

作者: riantam 時間: 2009-7-1 10:44

如果乒超改星期六就慘啦....

上次打完去唱k, 唱到6:00仲要食埋早餐先走...

要買定箱紅牛放o係歌街先.....

[ 本帖最後由 riantam 於 2009-7-1 10:45 編輯 ]

歡迎光臨香港乒乓網 (http://hkttf.com/)