香港乒乓網 - Powered by Discuz! Board

標題: 【吹水區】: 竭後語 [打印本頁]

作者: bartender 時間: 2007-11-19 08:25 標題: 【吹水區】: 竭後語

笑騎騎　－　放毒蛇(笑裡藏刀也。)
識少少　－　扮代表(貪功認叻。)
吾識字　－　扮博士(無料扮有料。)
牙斬斬　－　死得慘(禍從口出。)
周身郁　－　扮忙碌(郁者，動也。)
眼濕濕　－　扮憂鬱(博同情。)
嘴藐藐　－　打得少(口花花。)
靜雞雞　－　認低威(衰衰地＊低，認錯也。)
有早知　－　冇乞兒(世事難料。)
擔凳仔－　霸(呀)頭位(驚死執輸。)
好好好　－　睇唔到(敷衍了事。)
繞埋手　－　晨早走(練精學懶。)
有得震　－　冇得訓(大禍臨頭。震，顫抖也。)
搞搞震　－　冇幫襯(搞事破壞份子。)
側側膊　－　唔多覺(得過且過，求求其其。)
搏大霧　－　唔使做(使讀作洗；混水摸魚。)
包二奶　－　實聽拉(香港人回大陸偷情十分危險。)
有姿勢　－　冇實際(虛有其表。)
手頭緊　－　搵真銀(勤力搵錢。)
淡淡定　－　有錢剩(凡事處變不驚；剩，音「靜」。)
慌失失　－　正混吉(白撞之人。)
有得賭　－　精神好(爛賭之輩，但也有叫人戒賭，反轉說：無得賭－精神好)
三缺一　－　慘過乞(麻雀術語。)
時運高　－　搏番鋪(掌握時機。)
隨口up　－　當祕笈(語不驚人誓不休。)
面懵懵　－　當老馮(老馮，意謂奉旨也。)
細細兜　－　容易媾(初出茅廬少女，容易被騙，追求異性也。)
女人心　－　海底針(女人善變。)
面撞面　－　好面善(似曾相識。)
頭嶽嶽－　四圍度(無聊發悶。)
爛撻撻　－　唔負責(無恥之徒。)
冇曬計　－　發Long禮(意思不按常理做事，全句是趕狗入窮巷也。)
頻頻撲　－　冇聯絡(貴人善忘。)
趁人齊　－　發佢圍(人多蝦人少)
趁佢病　－　囉佢命(趕盡殺絕。)
出黎威－　識搶咪(要懂得爭取機會。)
唔想衰　－　埋大堆(圍結就是力量。)
有異性　－　無人性(見色忘義。)
有殺錯　－　冇放過(寧枉莫縱也。)
聽唔明　－　扮純情(裝模作樣。)
懶癡纏　－　博可憐(做戲咁做。)
眼光光　－　等天光(失眠，滿懷心事。)
印印腳　－　等人約(無所事事。)
斷”撚”估　－　冇痛苦(難得糊塗，”撚”字是廣東俗語出現最頻密的形容詞。)
人工高　－　靠祕撈(祕撈，祕密地去做兼職也。)
唔夠班　－　“Jar”流攤(話人未夠斤兩，只是有姿勢，冇實際。)
跟老頂　－　有得醒(老頂，大哥大之輩；醒，有好處是也。)
著草鞋　－　有排捱(著草，是黑語，即走路、避難之意。)
走得快　－　好世界(童年時順口溜。)
走得摩　－　冇鼻哥(走得慢者，沒好下場。)
有Background　－　冇困難(Background，人事背景也。)
你有Call　－　冇甩拖(逢請必到，定必赴約)
十下十下－　拉頭馬(十下十下，「十」即「霎」，香港人極為抵死之用語。意指一個人「霎」下「霎」下，表示一個人渾渾噩噩，此句意，傻人有傻福，胡裏胡塗，無端端發財。)
唔夠皮　－　無面俾(皮，即「皮費」，經營開支洗費。唔夠錢用時，甚麼人也不賣帳。)
冇啦啦　－　整笪疤(笪的正寫應該是「＊」；「疤」讀「啦」音。)
手頭緊　－　賣白粉(狗急跳牆，不擇手段，不理後果。)
吹下水　－　唔抹嘴(吹水，口沫橫飛，愛吹牛皮。)
唔用腦　－　等運到(批評那些靠好彩不靠辛勤努力之輩。)
癲癲地　－　唔識死(不知天高地厚。)
過大海　－　博好彩(大海，指澳門，香港人假期喜歡到澳門賭場搏殺。)
口水多　－　無尿屙(指喜歡發表偉論的人，香港俗語有雲：口水多過茶，口水多到連尿也沒有，厲害可想而知。)
四圍酒　－　鬥疊友(疊友，墨幫背語。指人強馬壯。)
褲頭鬆　－　搏街鐘(街鐘，歡場術語，客人帶小姐外出為街鐘，小姐要有街鐘，多賺錢，那麼就不能惜身如玉。)
賣大包　－　任人抄(不計較得失，兩種說法起源，一是鋤大D，另一是差人抄牌。)

[ 本帖最後由乒之仁於 2008-5-20 17:36 編輯 ]

作者: bartender 時間: 2007-11-19 09:10 標題: 【吹水區】: 粵語的竭後語

打爛砂盤 = 問到篤

財到光棍手 = 有去無回頭

死人燈籠 = 報大數

非洲和尚 = 黑人僧

日本郵船 = 遲早完

十月芥菜 = 起芯

黃腫腳 = 不消提

光棍佬教仔 = 便宜莫貪

二叔婆抌心口 = 心中有數

生骨大頭菜 = 縱壞

神台貓屎 = 神憎鬼厭

死人燈籠 = 報大數

紙紮下爬 = 口輕輕

年晚煎堆 = 人有我有

狗咬呂洞賓 = 不識好人心

韓信點兵 = 多多益善

雞食放光蟲 = 心知肚明

雞屙尿/大蛇屙尿 = 少見

成吉思汗打仔 = 大汗(dup)細汗

三水佬睇走馬燈 = 陸續有來

蘭嫁阿瑞  = 累鬥累

阿崩叫狗 = 越叫越走

阿駝行路 = 中中地

阿超著褲 = 焗住

鬼佬月餅 = 悶極

秀才手巾 = 包輸

石罅米 = 被鷄[叮]

單眼仔睇老婆 = 一眼見哂

牛皮燈籠 = 點極都唔明

無鼻佬戴眼鏡 = 無得頂

無掩雞籠 = 自出自入

賣魚佬沖涼 = 有哂腥氣

貓哭老鼠 = 假慈悲

老公撥扇 = 悽涼

老婆擔遮 = 陰公

老鼠尾生瘡 = 大極有限

老鼠拉龜 = 無處埋手

老鼠跌落天秤 = 自稱自讚

壽星公吊頸 = 嫌命長

雞食放光蟲 = 心知肚明

水瓜打 = 唔見一節

陸雲亭睇相 = 唔衰攞黎衰

盲佬貼符 = 倒貼

烏蠅摟馬尾 = 一拍兩散

大花面抹眼淚 = 離行離列

田雞過河 = 各有各撐

生蟲拐杖 = 靠唔住

剝褲痾屁 = 多餘

豬八戒照鏡 = 左右不是人

神仙痾屁 = 不同凡嚮

細佬哥剃頭 = 快喇快喇

白鱔上沙灘 = 唔死一身[san]

王小二過年 = 一年一如一年

姜太公釣魚 = 願者上釣

黃皮樹了哥 = 唔熟唔食

出爐鐵 = 唔打唔得

狗上瓦坑 = 有條路

蛋家雞見水 = 有得睇冇得洗

船頭尺 = 度水

交通燈 = 點紅點綠

旛杆燈籠 = 照遠唔照近

年晚煎堆 = 人有我有

神前橘 = 陰亁

抬棺材甩褲 = 醜死鬼

缸瓦船打老虎 = 盡地一煲

火麒麟 = 周身引

天堂一壺尿 = 全神灌注

二仔底 = 死跟

作者: 44_66 時間: 2007-11-19 09:24

提示: 作者被禁止或刪除內容自動屏蔽

作者: 44_66 時間: 2007-11-19 09:25

提示: 作者被禁止或刪除內容自動屏蔽

作者: bartender 時間: 2007-11-19 09:27 標題: 【吹水區】: 不文的竭後語

18禁關係,答案自己想
1)岸上的海鷗

2)亞婆跑步

3)童子軍跳彈床

4)夜觀星象

5)老舉埋年

6)國際機場男廁

7)孔子底褲

8)法國菜

9)泰文咖啡色

10)盲佬睇四仔

11)摩羅叉柯尿

作者: bartender 時間: 2007-11-19 09:34

引用:

原帖由 44_66 於 2007-11-19 09:25 發表
:o 酒保哥果然學識淵博 :o

獻醜:$ 還有跟多東西要46兄學習,;P

作者: 小過童 時間: 2007-11-19 10:29

2. 老 x 都跑
3. 是 x 彈彈

作者: 3070 時間: 2007-11-19 11:15

1)生完bb無錢補身
2)阿差賣布
3)法國皇帝

1)未能調理
2)柳條
3)廢x事傾(france king)

[ 本帖最後由 3070 於 2007-11-19 11:18 編輯 ]

作者: 極道羅殺 時間: 2007-11-19 13:53

8.) 多舊魚

作者: 極道羅殺 時間: 2007-11-19 13:54

除左2,3,8 , 其餘都唔識..:L

作者: 輝Ｓｉｒ 時間: 2007-11-20 16:01

引用:

原帖由 44_66 於 2007-11-19 09:24 發表
你作o架 ? :o

轉帖多;P

作者: bartender 時間: 2007-11-20 23:31

1.岸鷗
2. 老 x 都跑
3. 是 x 彈彈
4. 眺那星
5. 算 x 數
6. 乜 x 都有
7. 恐 x 布
8. 多舊魚
9. 是 x 旦
10.聽 x
11.烏xSIR SIR

作者: Cola 時間: 2007-11-20 23:33

Classic! Good answer! Good man!

作者: Ricky~Moon 時間: 2007-11-21 00:19

真的是紅番去厠所.

作者: Ricky~Moon 時間: 2007-11-21 00:19

真的是紅番排隊去厠所.

作者: 小過童 時間: 2007-11-24 12:51

酒保再D出D新野古下:)

作者: 小過童 時間: 2007-11-24 13:37

佢賣酒的:lol

作者: feideepking 時間: 2007-11-24 19:35

引用:

原帖由 bartender 於 2007-11-19 04:55 發表
笑騎騎　－　放毒蛇(笑裡藏刀也。)
識少少　－　扮代表(貪功認叻。)
吾識字　－　扮博士(無料扮有料。)
牙斬斬　－　死得慘(禍從口出。)
周身郁　－　扮忙碌(郁者，動也。)
眼濕濕　－　扮憂鬱(博同情。)
嘴藐 ...

+ 哥前哥後 , 三分險; 姐前姐後, 搏可憐!:o

作者: 輝Ｓｉｒ 時間: 2007-11-24 20:43 標題: 【吹水區】: 《廣府話》揭後語

冇野做上網時見到;P

冇野做上網時見到：

鐵木真打仔－－－－-大汗耷細汗
阿茂整餅－－－－無果樣整果樣
水瓜打狗－－－－唔見緊桷
年三十晚謝灶──好做唔做
頭抹布──鹹濕
君上天──有果句講果句
壽星公吊頸──嫌命長
陳年中草藥──發爛渣
君跌落鑊──精（蒸）神
阿崩叫狗──越叫越走
阿崩養貓──轉性
賣魚佬──有聲（腥）氣
賣鯇魚尾──搭嘴
細佬哥剃頭──就快就快
肥佬著笠衫──幾大就幾大
神颱貓屎──神憎鬼厭
南無佬跌落糞坑──無曬符
屎忽窟生瘡──無眼睇
鹹蛋滾湯──心都實曬
瓦簷獅子──叻到滿
跪地餵豬母──睇錢份上
床底破柴──撞曬大板
老婆擔遮──陰功（公）
投石落屎坑──激起公憤（恭糞）
火燒豬頭──熟口熟面
天堂尿壺──全神貫注
撒路溪錢──吸引死人
黃皮樹了哥──唔熟唔食
亞聾送殯──唔聽你支死人笛
濕水棉花──無得彈
狗上瓦桁──有條路
十月芥菜──起曬心
肥婆坐屎塔──TUP TUP撼
紙紮下巴──口輕輕
屎坑關刀──文（聞）又唔得，武（舞）又唔得
鼎湖上素──好齋
火燒旗桿──長嘆（炭）
飛機打交──高鬥
海底石斑──好瘀（魚）
雞食放光蟲──心知肚明
山草藥──up得就up
番鬼佬月餅──悶極（moon cake）
非洲和尚──乞（黑）人憎（僧）
潮州二胡──自己顧自己（gegegugege）
斷柄鋤頭──無?拿
貓兒洗面──係甘意
棺材鋪拜神──想人死
蒸生瓜──神神地
阿蘭嫁阿瑞－－-類鬥類
無耳藤o急－－-靠托
屎坑關刀－－-無張利
神仙放屁——不同凡響
生蟲拐杖——靠唔住
番薯跌落灶——該煨
老公潑扇——淒（妻）涼
和尚擔遮——無法（發）無天
單眼仔睇老婆－－-一眼睇哂
水兵對水手－－－－水鬥水
阿蘭嫁啊瑞－－－－大家累鬥累
周身刀－－-冇張利
隔年通勝－－－－唔值錢
幡桿燈籠－－－－-照遠唔照近
三元宮土地－－－－－－錫（愛惜）身
陸文庭睇相－－－－唔衰螺黎衰
白雲山一擔泥－－－－-眼闊肚窄
年晚煎堆－－－－-人有我有
廚房階磚－－－－-鹹濕
秀才手巾－－－－包書（輸）
十月蔗頭－－－－-甜到尾
風吹皇帝褲浪－－孤鳩寒
倒掛臘鴨－油嘴滑舌
棺材甩褲－失禮死人
雷公劈豆腐－穩軟的來蝦
魚片粥－岩岩熟
火麒麟－周身癮
生蟲拐杖－靠吳住
阿超著褲－焗住來

作者: 香港乒乓球論壇 時間: 2007-11-24 22:39

提示: 作者被禁止或刪除內容自動屏蔽

作者: 輝Ｓｉｒ 時間: 2007-11-24 22:45

引用:

原帖由 香港乒乓球論壇 於 2007-11-24 22:39 發表
輝 Sir 打波 ..........所向無"滴"

錯..............應該係：輝Ｓｉｒ打波－好快乏力:lol

作者: bartender 時間: 2007-11-24 23:22

連肥婆坐屎塔都有:o 利害~~~:@

作者: bartender 時間: 2007-11-25 00:13

大肚婆過獨木橋----鋌 (兒)而走險

作者: feideepking 時間: 2007-11-25 18:17

盲婆餵奶(意即'係咁質''係咁質')

這形容股價大跌, 大多人都出貨... ... :hug:

作者: KODAK 時間: 2008-7-17 00:47

成吉思汗打仔,-大汗叠細汗

作者: KODAK 時間: 2008-7-22 00:49

水瓜打狗---無咗一折

作者: feideepking 時間: 2008-10-7 16:14

度縮算爆

作者: logtincom 時間: 2008-10-10 19:05

法國皇帝好好笑

作者: feideepking 時間: 2008-10-14 11:05

法國大餐多舊魚!

歡迎光臨香港乒乓網 (http://hkttf.com/)