打印

揮筆去的情感 (5) 講粗口 1

直直地

鑽章

Rank: 5 Rank: 5

帖子: 2218
積分: 1019

1^# 大中小發表於 2018-4-9 20:38 只看該作者

揮筆去的情感 (5) 講粗口 1

今日要講少少粗口！！

一直都想買支TWSBI，(記得上兩集講過買TWSBI，香港其實已經好划算。)而 TWSBI，我覺得最醒目既，就系黑色ECO。白色或透明都可以，其他顏色藍藍綠綠感覺就比較差。

錦話說琴日，又“扮”路過油麻地忠南，又打算只睇，唔買。

櫃檯前都望左一陣，嗯，打算系錦倚問個問題，就走人，感覺好似無禁尷尬：
‘errr….系呢，請問邊支筆你地有Stub或Italic nib呢？’

點知美女售貨員話：
‘宜家得TWSBI有咋，只有一支黑色ECO，同一支藍色ECO，有1.1。’

當下，得一支，黑色，ECO，1.1mm Stub nib！！！？？？
錦，錦姐藝整定啦。。。
拿，唔關我事架，系咪先，系咪先，系咪先呀？！！

前傳：
用墨水筆都係為日常書寫、器材控個性、同貪靚。之前一直想買Stub/Italic nib，不過靚仔實用的，香港確實難找。大路簡單既，有百樂Parallel pen，德國入門產物有Lamy既Joy。Manuscript或 Sheaffer都有選擇。你可以幾十蚊買支百樂，或三兩百買Manuscript豪華套裝，都屬於Italic nib，對錢包造成的壓力不會很大，豐儉由人。想寫靚英文字，想令英文字有多少少粗幼變化，就係我一直想買呢類“粗口”筆既目的。不過一般書法筆，帶出街好似有點怪異。所以我想買一支普通型號，附帶Stub/Italic nib既墨水筆，就可以提高實用性同收視率。華人地區，寫字一定包括中文，所以很少選擇粗嘴或Stub/Italic nib，導致商戶一般只售賣只有F嘴或M嘴的墨水筆。（B嘴都少）。我特別喜歡Copperplate 字體，所以我比較想買stub nib，flex nib仲好，可惜香港更難找到。

又有新名詞：Stub 同 Italic nib
粗嘴同Stub/Italic nib有乜分別？粗嘴B nib或 BB nib只是，粗，同F嘴M嘴一樣，屬於Round nib，姐藝寫字上上下下左左右右前前後後基本上都係一個粗度，能否壓筆加粗做出line variation，就要睇嘴的軟硬程度,不過一般粗嘴都好少壓筆。Stub/Italic nib就唔同，筆嘴系平既，打直寫粗，打橫寫幼。Stub nib嘴兩邊比較圓潤，書寫比較順滑。Italic nib一般嘴邊起角，粗幼角度更分明，用黎寫哥德式斜體書法就相當恰當。當然，Stub nib其實都可以寫英文書法。至於flex nib，甚至dip pen，pointed pen下次有機會講書法時先講丫。

1.1mm Stub (TWSBI ECO)

Italic nib (Pilot Parallel)

包裝簡潔利落。最怕巨型包裝，無位放。
隨筆附帶一個是巴拿，一樽Silicon Grease，同一張簡單說明書。
個是巴拿系用黎擰開個支筆後面個活塞，方便清洗用既。
樽Silicon Grease系日後需要做保養時，搽落個活塞度，令到推上推落更順滑，同唔會漏墨。算好有心意。