發新話題
打印

揮筆去 的情感(3)扮 pro

揮筆去 的情感(3)扮 pro

今日講下,買野。。。

應該買乜筆?? 
記得揀嘴系最緊要既。
如果買日本筆,買F嘴就夠了。
歐洲筆呢,買EF嘴丫。嘴,不能粗,又不能太細。

解釋一下:
【1】因為書寫中文橫豎撇捺,轉彎多,所以唔會選擇粗嘴筆。如果用B嘴細細地寫“龍飛鳳舞”,出黎只會見到“▆ ▆ ▆ ▆” T_T
【2】日常用的紙,質量不一,可能紙太薄,可能紙太綿,用粗嘴都不太適合。所以不要出墨太多,以免字會化或容易過底。F嘴就最中肯。
【3】除非你需要寫好細既字,否則,不鼓勵買日本筆既EF嘴。因為如果嘴太細,又如果張紙唔系太靚,支筆就有機會刮紙了。
【4】如果嘴太細,出墨就未必會好暢順,快寫字時有機會斷墨。而且會容易乾,支筆好多時第一下寫時會無墨,要寫一兩筆先出到墨。我支Kaweco Sport EF嘴就有少少呢個情況,好彩唔嚴重。


呢支算系我入坑既第一支筆
一字記之若 "黑" - 黑桿 黑嘴 黑section - Lamy AL-Star Black Edition
鋁質筆桿。第一支筆,唔識買,買左B嘴,結果一寫,系一支水槍。
之後換左M嘴,好d,不過都系太粗。


買完箭,個靶呢?
想寫得稱心如意,你需要有一本好既記事簿。

邊本適合用於鋼筆?基本上坊間好多簿都系Fountain pen friendly,一般紙比較滑同厚就可以。不過。。。
紙太滑,就意味著墨水停留在紙面時間比較長,簡單講,即係,難乾。紙太粗糙,墨吸收就會快,又簡單講,即係,容易,化。所以真係Fountain pen friendly既紙,就係樣樣做到平衡。

呢幾個牌子,掂架。
Midori Leuchtturm1917 Maruman Clairefontaine Rhodia

性價比最高既,系Rhodia,好多地方有得賣,黑色橙色容易認。
最緊要,價錢相當經濟,細簿十元八塊,大簿都係幾十。超值抵食。
筆癡當然就會買Maruman Clairefontaine 呢d品牌。

你喜歡既Moleskine,抱歉,并不適合寫鋼筆。化,過底,兩樣都齊。


錦姐藝,新手買邊支?
不同筆直不同筆啦

50樓下:Platinum Preppy/Pilot Petit Mini
100上下:Pilot 78G/Lamy Safari/
200上下:Lamy AL-Star/TWSBI ECO
300上下:Kaweco AL-Sports

當然仲有好多選擇,以上都系鋼嘴,只供參考。。。

錦邊度買先?
油麻地忠南廣場 尖沙咀銅鑼灣成品 或中環既盒昌/佑嘩
如果買TWSBI或二百蚊樓下既筆,香港買啦。
買日本三大巨頭,Pilot Platinum Sailor一定去樂天
買歐洲筆,英國有兩個網站都幾好,
一個系 老虎pens.co.uk
一個系 筆heaven.co.uk
想睇多d筆
Jet筆s.com 都唔錯

同香港比,日本筆一般最多可以平一半,歐洲筆最多平4成。運費一般都系一百幾十。
P.S. 英國站,記得先註冊,因為註冊完,睇到既價錢就唔會收VAT。買埋英國墨 Diamine,平好多。如果想買野又怕麻煩,搵我丫,夾arm我買野,可以幫你買埋。唔收任何手續費。。。哈。


鋼筆用語,齊齊扮 Pro 
寫出黎個字好“化” - Feathering 都幾犀利wor
寫完個字過底 - 哎呀,勁Bleed through wor
刮紙 - 個嘴好Scratchy
寫字順滑 - 靚筆即係靚筆,好Smooth
斷墨 - 咪掛,支筆寫快少少就Skip。。。
每次要寫兩筆先有墨 - 呢支UEF嘴,真系一支Hard starter
寫字時將筆蓋套住筆桿 - 呢支筆如果唔Posted,會太短wor
上手時覺得既重量 - 睇唔出,支筆Balance gum好。

通常都係,講野加兩個英文單字,就會覺得專業d。
同埋,好多時睇外國網站既筆評測,都系呢幾樣,知道左,方便d嘛。

寫太多怕大家悶。
鋼筆先講到呢度,大家想起其他有關筆既野,隨時搵我丫,大家分享分享。。。
溫馨提示:成日去睇筆,好多時唔知點解就會跌錢。。。



[ 本帖最後由 直直地 於 2018-4-13 20:34 編輯 ]
打法:亂、 Cute   gum 拍
Bam波之意不在拍,在乎噼啪之間也,噼啪之樂,得之心而寓之拍也。

有能力幫助別人,就幫啦。

TOP

;lol 呢d野都幾講究 我40年少家貧時都系蒲下  集大珍  裕記呀4叔退休後賣盤改做鏡記筆行 以前行只來M咀冇ef  都系自己磨咋  我識的已故老前輩都系幫合昌 等等修理筆筆  玩筆好   我面前仲有支lionest.60 HARD  Platinum 18k gold 個筆咀壞左香港冇人識修了    日本原廠50年前或以上不存配件了

TOP

水谷隼:“練夠10,000小時後先好問點解”

TOP

好想知換筆咀知識因為太多失敗經歷
水谷隼:“練夠10,000小時後先好問點解”

TOP

引用:
原帖由 SSPSK 於 2018-3-23 20:05 發表
好想知換筆咀知識因為太多失敗經歷
我一般都係用呢兩個辦法:

用膠紙癡住個嘴之後拉出黎。簡單,方便。


或者扮pro,反轉支筆,用筆蓋壓住拉出黎。
不過真係要小心筆桿既斜度,因為有機會壓彎個尖。


如果一定要用手擰,或上番個嘴時,最好用軟布或紙巾先包住個嘴,先好擰。
無論如何入,都唔應該太大力哦。

好多筆都可以先擰個頭出黎,即係 nib+feed, 之後先換,不過lamy就gum 換都得。



[ 本帖最後由 直直地 於 2018-3-23 21:29 編輯 ]
打法:亂、 Cute   gum 拍
Bam波之意不在拍,在乎噼啪之間也,噼啪之樂,得之心而寓之拍也。

有能力幫助別人,就幫啦。

TOP

  用一塊薄黑橡膠  或者手套一托一收力就成

TOP

磨咀就買塊油石  好似磨貴錶金屬光面果塊  另外一樣物件是要在沙灘才揾到

TOP

引用:
原帖由 repossio 於 2018-3-24 00:16 發表
磨咀就買塊油石  好似磨貴錶金屬光面果塊  另外一樣物件是要在沙灘才揾到
修筆 實在需要精細既技術。
依家一般都唔會修,真係有問題就換。(多個藉口入貨

師兄應該係高手。。。係咪有字出唔到?
打法:亂、 Cute   gum 拍
Bam波之意不在拍,在乎噼啪之間也,噼啪之樂,得之心而寓之拍也。

有能力幫助別人,就幫啦。

TOP

   系呀  d人話玩物喪志  我話玩物益知   不過20年冇玩筆了 最後去柴灣犀非利代理配支銀葡萄  鑽石頂夾 支EF 金咀之後就冇再玩了  新筆太scentific  突然冇再買酌興趣  最好玩系補d 30至50年代萬寶龍杆同蓋頂因過往材料含賽路鉻多  很容易爆裂出細絲和坑 補完打磨再拋光到同色同光度  handcraft已冇了

TOP

琴日路過銅鑼灣世貿中心
Parker專門店做緊特價
好多筆一支7折,兩支6折,三支5折
喜歡既朋友不妨去睇睇

我喜歡既大紅duofold,只有8折,折完都未夠網上訂平,執番身彩。。。
打法:亂、 Cute   gum 拍
Bam波之意不在拍,在乎噼啪之間也,噼啪之樂,得之心而寓之拍也。

有能力幫助別人,就幫啦。

TOP

發新話題