發新話題
打印

其實佢係咪為鬧而鬧

本主題由 (=^x^=) 於 2023-10-31 03:36 移動

其實佢係咪為鬧而鬧

https://bit.ly/3wraYTm
【同樂運動會】何君堯再狙擊: 「正常人」不會參與,同性戀危害人類生存

本地同志組織將於明年舉辦國際體育賽事「同樂運動會」(Gay Games),一直狙擊運動會的立法會議員何君堯昨 (10 日)於網上直播表示,同性戀「危害人類生存」,而接納同性婚姻的國家會「走向淪亡」,「包括現時五眼聯盟,全部變咗屎眼聯盟。」他又聲言,自己並非歧視同性戀,而是要保障擁有傳統價值觀的人,又指大部分「正常人」都不會參與「同樂運動會」。


何君堯提到,法律上的婚姻定義為一男一女,而推動同性婚姻合法化是顛覆傳統,「一男一女先有機會生到下一代出嚟,咁你男男點生呢?女女點生呢?你要靠科技。」


他續指,「到時叫爸爸媽媽得唔得呢?唔得架喎,爸爸係男性喎,媽媽係女性喎,呢個係顛覆性嘅問題。」


何君堯指,性傾向是個人自由和取向,但若漠視社會傳統價值觀,就不能接受。他斥同樂運動會企圖從平等機會「入手」,借運動會推動同性婚姻運動。他認為,同性戀會對擁有傳統價值觀的人構成威脅,甚至危害人類生存,是非常嚴重的問題。「個歧視係掉轉頭針對返我哋,咁我哋係要保障自己傳統價值觀,所以我哋係由強勢變咗弱勢,佢哋由暗面出咗陽面。」


他認為,推動同性婚姻合法化會令國家走向沒落和淪亡,「包括現時五眼聯盟,全部變咗屎眼聯盟,所以我哋係咪想步佢哋後塵呢?」他又讀出中華人民共和國的憲法多段內容,表示應該根據中國憲法建立民族自信,對抗同志運動,稱如要安定繁榮便要傳宗接代,「男男係冇得生,女女係冇得生,只有男女有得生,若同性婚姻合法只會走上滅亡之路。」他表示,自己並非歧視同性戀,「係要保障人類命運共同體嘅未來走勢。」


他又指,接納同性戀的國家,在作性教育時候,將會有「爆炸性的顛覆」,「連基本嘅傳統嘅(性交姿勢)都未搞清楚,然後就教啲另外嘅唔同款式,咁咪顛覆咗我哋保障婦孺嘅概念!」


鄧德成則表示,「同樂運動會」人人都可以參與,但大會卻只重點宣傳同志,對非同志參與者不公平,「我係一個正常人,你係 gay 嘅,點解成個運動會係宣傳緊你,我又唔使宣傳嘅?」;何君堯附和稱,大部分「正常人」不會參與同樂運動會,「唔係我哋歧視你,係我哋根本唔會同你喺埋一齊。」


對於早前何君堯斥活動有失體面,活動賺的「污糟錢」不要也罷的言論,歌手黃耀明、藝人黃夏蕙及平等機會委員會主席朱敏健昨日均有回應(另見報道)。朱敏健出席電台節目時呼籲大家以尊重、包容的態度看待此事,又表示運動會所宣揚的是平等、共融、包容精神,從來沒有「宣揚同性婚姻」,兩者之間相差甚遠。他希望各界人士不要上綱上線,更不應污名化這個活動。


歌手黃耀明昨日回應《立場》查詢時,批評「滿腦子污穢的人才聯想到,一個國際知名的運動會竟會跟性扯上關係!」他形容,立法會只剩下對封建制度「忠誠嘅廢物」,指香港民主、文明「給這些廢物帶回去百多年前的小漁村。」


民主黨性別平權委員會亦就此發聲明,要求建制派議員收回歧視言論,促政府就性別歧視立法保障性小眾。同樂運動會則發聲明指,尊重立法會議員分享意見的權力,將盡最大努力爭取公眾支持。





「大部分『正常人』都不會參與『同樂運動會』」
參與就係唔正常?


「若同性婚姻合法只會走上滅亡之路。     
他表示,自己並非歧視同性戀,『係要保障人類命運共同體嘅未來走勢。』」
即使接受同性戀,都唔代表會變成同性戀,咁又點會滅亡?


「唔係我哋歧視你,係我哋根本唔會同你喺埋一齊。」
咁我話 大陸有一班人,成日隨地吐痰,周街抌垃圾,唔好俾佢哋嚟香港喇,有損體面啊,但轉頭我又話,嗱我唔係歧視大陸人啊,唔好對我對號入座啊
唔通可以咁?



接納同性婚姻的國家會「走向淪亡」,「包括現時五眼聯盟,全部變咗屎眼聯盟。」              
Richest countries 入面有4個都有推動同性婚姻,走向淪亡?

如果管理員認為唎個post屬於政治,我對刪帖毫無異議

[ 本帖最後由 我=新手 於 2021-6-15 21:50 編輯 ]
附件: 您所在的用戶組無法下載或查看附件

TOP

~ 知情人士

~ 香港男男或女女

~人數大約二萬

~ 其實影響係四百分一
所以社會接納或不接納
都不會影響他們既私人空間已及對社會既感觀問題

TOP

發新話題