開早收工,餓住趕去打乒匯球局,去到9:30,剩打1.5小時,打了6場
我在這裡是下游,基本上遇「椿腳份子」,我是冇可能贏,偶爾别人讓我才執到一局,但我也十分珍惜跟高手過招的機會,就像《龍珠》入面,走入「精神時間屋」,修練1小時,勝過平時自己練習10個鐘。
集中講下,我今晚打不赢的三位高手
一位用日直,他以前打直板長膠擰扳,跟我同一派系,但他比我强得多。我次次來,都著厚面皮,請佢同我打一次,他有指出我一些問題,我次次都有得著,其實我們水平差三四班,我遠不及他。
記得第一次遇他,我係被大炒直落三局,之後二三四次我都係輸,但我進步後,有時他放水的情況下,我可拎1至2局,打到第4或第5round,
他其實好多時未用全力,只要「一踩油」,我還是輸5至6分終局,但我叫做可以「用自己的進步,去換别人的尊重」,起碼迫到人哋要用多D力。
另一位穿球會衫的「靚仔哥哥」,我早知著球會衫的都係高手,結果我先被炒一局,印象中只得3分,第二局我靠擺,刁時僅輸,但肯定佢收了力,第三局,我反勝,但他其實放水,第四局他一發力,我又被抛離,最終輸4分左右,其實,人哋一踩油我就冇
第三位,也是高手,我當然也直落三局輸,打到11點夠鐘,廣播後打埋嗰幾分完場,今晚好滿足~
預告明天休息,走兩場,其中一場同精英隊小朋友打,半年前我用粒仔55波,改用長膠後,未同佢打過,唔知會點,好期待
[ 本帖最後由 jimmych 於 2018-2-9 01:35 編輯 ]
