一直搵緊一塊可以讓我安心收埋塊"bty中國式-L"既中直
先講"bty中國式-L" --- 下稱"L"
"L"---係一塊柄比較圓而又幼細 , 比較岩小朋友或女性 , 又或都我呢類長大左個外表但係身型都仲係小朋既人使用既
""L"係一塊厚6.9mm既5夾板 , 板面冇而家D直板咁大 , 好輕 , 又快 , 但又食波 , 用黎推波真係一流 , 真係推波都可以推死人(當年的我
) , 要暴力亦可
我講到"L"好似好無敵咁
, 冇用既朋可能唔會信 , 但擁有過並用黎戰鬥過既朋友 , 我知道佢地會認同我
如果用返近幾年既板舉出相似既柄形同板形既 , 我見過既有---(bty-"Chinese-Silm"←呢塊結構同厚度都應該係一樣tim) , 第二塊就係"Nittaku---Septear "
"L"---我前後擁有過兩塊 , 第一塊係我小學5~6年班果陣入手既 , 配置係"bty中國式-L + bty Flextra" , 係後來唔記得咩原因冇左
第二塊係我中二果陣入手既 , 就一值保存到而家咧...我間鐘都仲會囉出黎玩下既...不過會越黎越少咧
少年乒乓球階段就打到中三就冇再打咧
之後大個D出左黎做野 , 都8~9年前咧 , 我入左間社福機構度做(類似小童群益會果D , 都係D小朋友入左會可以借野玩果D , 我細個都係入面其中一個借野玩既小朋友 , 當然包括打乒乓波la
) , 於事又有機會接觸乒乓球咧
其實果陣已經有讓我塊"L"退役既打算 , 因為我真係好怕有一日會唔覺意打爛左佢
之後就試左幾塊中直 , 有OC wrb , YE , 係幾好打 , 但同"L"比仲掙個推擋 , 之後又入塊黑水晶---有埋推擋咧 ,但以我既技術又控掣唔到
如是者半年過去了 , 之後離開左社福機構 , 又一乒乓時代完結
最近打返波一個月....就已經前後敗左3槐 , bty-ZLC , 黑檀V , 同埋尋日先敗既YEO
我都知自己係好敗家ga la , 但其實目的都係想搵到塊板可以讓我塊"L"功成身退者
尋日 , 係我響一個月入面笫四次行入我幫襯開果間舖 , 又去砌板!!真係連我自己都覺得覽紒
一個諗法"好!就試埋YEO"
開頭係度扒文 , 好多師兄都話YEO借力唔得 , 推波唔店...
但結果我用完我覺得好好推wor
, 好有"L"既感覺
不幸的是 , 我燒左以上咁多銀両 , 買左咁多板...
中之大幸是 , 我終於搵到塊可以讓"L"光榮引退既好板 , 我亦唔須要再"敗家"喇
其實我打波係好渣ga ja , 同我打過既師兄姐們都知道 , 只不過係鍾意打
除左乒乓波 , 其實我仲嗜好多野
踢波 , 我唔會講究踢緊既係火車頭定Adidas , 著咩鞋亦都冇所謂
影相 , 人地嫌三嫌四 , 最後pak左落二手店果D老爺鏡我又當係寶
羽毛球 , 乜拍都係咁打...
器材唔會送技術呢一點我好明白
但就係唔知點解對乒乓波板俾我既感覺gum執著
尋晚用YEO去參加活動 , 即使結果仍然係完敗 , 但我依然好開心 , 每打一板都好開心
yeah!!我找到咧
之後就係練習練習同埋練習咧
[
本帖最後由 時雨 於 2013-3-31 08:43 編輯 ]
