五年前，偶爾有機接觸到套弧圈打法，當時我考慮緊轉吾轉，由細到大都冇乜特別進步，打左十幾年，但又想進步，心就十五十六。如果吾轉，結果都一樣；轉可能系一個轉機。同時我亦都留意學左呢套波既學生，確實用短時間就有成績，令我心動。於是乎就下了決心，博一博。
學一套與別不同既新球，確實有難度，好彩有好朋友同我練，佢都俾好多意見我。呢套波曾經我都放棄左，因為身邊波會話，咁樣打吾得，個樣好怪，雖然都知佢地對我好，吾想我學壞，但我更加相信呢套波既威力及俾我有突破，所以堅持苦練左五年。
到了今時今日，我覺得好開心，自己對乒乓波亦有重新體會及認識，當然我亦會繼續進步，令到自己更上一層樓。其實打波吾單至可以運動，亦可以認識更多高手及好朋友，輸嬴吾系問題，嬴左一場比賽，輸左一個朋友，就好吾抵。
*后話呢套以旋轉為主，速度為后，俾人感覺上好慢，吾使出力，好輕鬆，所以吾系太多人會接受，會覺得輕佻(個人觀感)，呢樣我都想澄清。
