引用:
原帖由 fufu1368 於 2010-7-6 00:58 發表 
乒乓人兄,我由上年區賽打到今年既區賽,共對你幾多次,真是數不清,我只知每一次都好似要打到決勝局,仲要激果種.
在此亦要多謝你,提醒我乒乓球器材既選擇,所以我經已更換一塊合適既球拍,並正在測試中,現在效果頗佳,希 ...
rainbow sir, songyip, fufu, kc, bobo, moonmoon, 廠長(仲有肥佬, 老虎基)等等. 多謝大家.
哈哈, fufu, 真係數唔清幾多次喇. 次次對賽, 心臟弱d都嚇死..
講番今個中西區比賽, 可能我心裡都無諗過會冠軍. 只想入4強後, 如拎到季軍都滿意.
順利入4強後. 我知對面線係songyip同fufu. 我之前同songyip打日直比賽, 當時雖是我贏, 但只係贏你失誤多而已. 再打都會俾你沖爆的啊.
我想, 一係對fufu, 我無乜勝算, 因為真的好難纏, 又穩又轉, 仲有突擊. 一係對songyip, 估計好難頂得住爆沖. (暫時唔諗了, 先打好自己的)
我對手係甲組, 發球非常厲害的, 亦係老朋友. 以前一局波, 食5-6個都閒閒地. 在一開始比賽之前同佢熱身左一陣, 由於佢一面係粒仔, 個波沉到我推唔起.
開賽後, 就先輸一局, 其後, 應該係我好彩,佢輸左好多賴網, 擦邊球俾我. 結果~真的好彩而已.
決賽對fufu, 講真, 我感到佢今次我狀態比上次更好. 主動攻多左, 又穩, 特色高吊拉波, 差不多球球都拉到. 如非熟路, 真好難搞.(好似北區決賽時, 對手就明顯適應唔到). 我汲收了上次的經驗, 今次做好各球路的準備. 尤其係你的中台橫打反沖...哈哈. 我終於守到喇.
今次都算係我兩打得最激烈的一次了..應該仲有下次的...加油. 下次圍欄要再加大d先得. 哈哈.
(如果你唔係用呢塊板, 結果可能不一樣啊! 而我都選用一塊相對較穩而不是較爆的配搭, 咁先至守得住咋.)
今次打完到依家, 我仲不斷回味緊果d激烈的來回...腎上腺素不其然上升喇...哈哈.. 總之就係果句 : 贏輸次要, 重要係打得 爽.
PS : songyip, 我地在網聚再打啦. 比賽就唔好喇, 好大壓力的.
左手日直, 如果係要對阿盤, 我估我當日都唔到到場LU...哈哈...
你地兩個都係主攻的, 我是慣常穩守, 係下風波.
[
本帖最後由 乒乓人 於 2010-7-6 10:53 編輯 ]
