近來好少上黎吹水. 不過睇完有人send比貓仔封英文信, 我有少少野感想(唔關封英文信事):
唔o岩聽可以唔使理我.
我個人認為貓仔(同埋始創波友如輝Sir及小星星..........等等) 整個網出黎起初係為左個人興趣, 加上志同道合既fd出黎一齊攪大佢.
千奇唔好拎呢個論壇黎同其他論壇比較後斤斤計較. 當然, 大家開心就打兩場波, 唔開心就見面打個招呼, 甚至當唔識都仲得. 呢個世界有好多野可以做, 乒乓球論壇都只係一種嚮運動之餘, 多一個嚮生活中既平台愛黎比人吹下水, 交流下心得.
人類社會係群體社會, 有群體就有團隊, 唔好聽D, 連群結黨一定有. 嚮球場上, 工作上, 日常生活上, 總有D人係o岩Key D. 有唔o岩 Key既. 要做到絕對公平實在好難. 我自己會以輕鬆心態去看待. 太緊張的話, 好易會成日唔開心.
當人人都有得發言時, 就會有人想有人認同(包括我在內), 有所要求, 有所希望, 就會有所失望.
大家嚮生活上已經受到唔少壓力, 凡事都輕鬆咁面對, 乒乓波論壇及呢個運動, 真係樂趣無窮!!
始終最懷念個網開始時貓仔提倡既, 打多D波, 識多D人, 多D老友, 多D樂趣!!!
